يا جماعة انا قررت اجيب أفيو زيرو....... و محتاج لأرأكم

**hassan_snsn** · 04-04-2008 12:44 PM

انا كنت خلاص قررت اشترى فيرنا مانيوال هاف اوبشان. و بعد كدا فكرت قولت ليه مكملش عليها و اجيب افيو افضل. بس اتفاجئت ببعض المعلومات الى يشوفها يقول الفيرنا افضل, زى انها مثلا 1600 و 16 صمام مش 8 زى الافيو. و انا الصراحة مبفهمش اوى فى المقاييس دى و تأثيرها على العربية. بس كل الاراء بتقول الافيو افضل.
بس انا مازلت محتار بجد , اجيب ايه.
ياريت بجد تساعدونى عشان نفسى احجز و اخلص بقى.

**fahd_628** · 04-04-2008 03:08 PM

الأفيو افض من ناحية حاجات و الفيرنا افضل من ناحية حاجات

الشكل و دية مسألة ازواق
المحرك : الفيرنا افضل بكتيير لأن محرك الأفيو هوة هوة محرك الانوس و 83 حصان او حاجة كدة مش فاكر و 8 صباب دة بيبقى اضعف من المحرك ال 16 صباب دة غير ان الفيرنا 107 حصان و محركها جامد جدا
الفيرنا شكل قديم انما الأفيو شكل جديد
انتشار الفيرنا اكتر من الأفيو
حجم الشنطة بتاع الفيرنا تقريبا اكبر و مش متأكد اوى من النقطة دية

بصراحة حاجة تحير بجد و شوف انت انهى مستريحلها اكتر و توكل على الله

و ياريت لو حتجيب الفيرنا تجيبها فل اوبشن علشانك انت مش علشان حاجة

**hassan_snsn** · 04-04-2008 03:38 PM

انا متشكر جدا والله على ردك.
بس هل قوة الموتور بصفة عامة كفاية.
اصل انا ليه واحد زميلى عنده فيرنا بيقولى هى كويس بس بعد ال 140 بتكون طايرة فى الهوا يعنى خفيفة اوى.
و ليه واحد صاحبى تانى لسه جايب افيو قريب. بيقولى كان ماشى على المحور على 160 و العربية ثابتة مش متأثر جامد. رغم ان موتور الفيرنا اقوى من موتور الافيو.

فا كدا انا مش بستفيد بالقوة الى فى موتور الفيرنا.

هل تحليلى دا مظبوط. ولا غلط ؟ الصراحة مش عارف.
ياريت اسمع رأيكز

**fahd_628** · 04-04-2008 03:44 PM

هوة فعلا الفيرنا ثباتها مش حلو اوى على السرعات العالية يعنى فوق ال 150 مبتبقاش كويسة و الأفيو كمان

و محرك الأفيو مناسب جدا ليها بس يعنى مش حتجرى زى الفيرنا و كمان استهلاك بنزين الأفيو اعلى من الفيرنا لأن تكنولوجيا المحرك بتاع الأفيو قديمة عكس الفيرنا و انت طبعا مستفيد بالقوة بتاعت الفيرنا على السرعات المنخفضة يعنى لما تدوس بنزين تلاقى العربية بتجرى جامد

**hassan_snsn** · 04-04-2008 04:00 PM

انا متشكر مرة تانية على اهتمامك.
و على العموم انا بكرا ان شاء الله هجرب عربية صاحبى الافيو. و هشوف هستريحلها ولا لأ.
بس فى رأيك فرق السعر بين العربيتين فى النهاية يستاهل ولا لأ؟

**fahd_628** · 04-04-2008 04:03 PM

بصراحة سعر الأفيو فى رأى المفروض ينزل لأن مثلا الفيرنا لما مكنتش بتتجمع فى مصر كان سعرها 90 الف او حاجة كدة بعد ما اتقفل فى مصر شوف سعرها نزل ازاى انما الأفيو هوة هوة سعرها بعد ما اتقفلت فى مصر بس برضة سعرها مش وحش و فعلا احسن حاجة تجرب العربيتين و تشوف انهى حتستريحلها اكتر