.. تقرير صيانة الـ ( 8 شهور ) للأوبترا الأوتوماتيك .. منصور التجمع الخامس ..

**Bassem Raafat** · 19-02-2011 08:58 PM

الحمد لله تم عمل صيانة الـ ( 8 شهور ) فى فرع التجمع الخامس .... والعربيه عامله 4700 كم بس ، وزى ما فى ناس كتير عارفه إن الصيانه 5000 كم أو 4 شهور أيهما أقرب .

وفادنى كثيراً موضوع أستاذ / أيمن ( العمده ) وقريته قبل ما أروح :

http://www.nilemotors.net/Nile/185698-a.html

- وكان برنامج الصيانه كالتالى :

- حجزت بالتليفون ، وتم إستلام رساله من التوكيل لتأكيد الحجز ، ورساله أخرى قبل ميعاد الصيانه بيومين لتذكيرى بميعاد الصيانه ، وكان ميعادى يوم 3/2/2011 وتم تأجيله ليوم 10/2/2011 نظراً لظروف البلد الراهنه .
- روحت المركز الساعه 10:30 ص وقابلت المهندس / محمود فراج والحمد لله كان فاكرنى .

- كانت ملاحظاتى على العربيه كالتالى :

تعريق زيت بسيط تحت وش الموتور ، وكنت عملت موضوع عنه قبل كده :

http://www.nilemotors.net/Nile/196538-a.html

والحمد لله طلع زى ما الشباب قالولى ساعتها ، تربيط غطاء التكيهات .

- أشياء أخرى تم عملها :

1 . تنظيف فلتر الهواء .
2 . تنظيف فلتر البنزين .
3 . تنظيف الموتور بالهواء .
4 . فحص جميع السوائل بالعربيه ( زيوت ومياه ) .
5 . تنظيف الطنابير وتيل الفرامل بالهواء .
6 . تربيط العفشه .
7 . فحص جميع الأنوار فى السياره .

- وكانت تكلفة الصيانه كالتالى :

190 جنيه .......... أيوه المصنعيات زادت من أول السنه من 160 لـ 190 جنيه ، وبصراحه دى حاجه تضايق .

وشكر خاص برضه لأيمن ( الفنى ) إللى إتعاملت معاه المره إللى فاتت وحبيت أتعامل معاه برضه المره دى .

وبوجه عام أنا الحمد لله راضى بما تم فى صيانة الـ 8 شهور .

وإنتهت عملية الصيانه الساعه 11:00 ص .

والله الموفق والمستعان .

**Usama Nagi** · 19-02-2011 09:07 PM

يا بسوم قولي و ماتخبيش انت اخدت معاك الزيت و فلتر الزيت ولا هما اللي جابوه

اصلي قربت علي 10 الاف و عايز استعد

و هل زيت موبيل احسن و انعم من شل اصلي المرة اللي فاتت حطيت شل و حاسس ان صوت الموتور علي شوية

شكل الثورة دي هتيجي علي دماغنا من منصور و هيلم اللي كان مفروض يكسبه ايام الثورة

**Bassem Raafat** · 19-02-2011 09:10 PM

لا يا حبى أنا مغيرتش الزيت ، علشان كنت مغيره المره اللى فاتت ، وكنت واخد معايا زيت موبيل 1 ..... طبقاً لنصايح العمده : ))

**ecybrarian** · 19-02-2011 10:08 PM

مبروك الصيانة..انا النهاردا رحت فرع التجمع برضة اول صيانة

**Bassem Raafat** · 19-02-2011 10:13 PM

الله يبارك فيك يا دكتور ، ومبروك على الصيانه .... ومستنى التقرير المتميز كالعاده : ))

**aymanmaly** · 19-02-2011 11:14 PM

مبروك يا حريف
عقبال صيانة ال300000 كم ويبقى كدة كفاية على العربية و تغيرها و تجيب اوبترا تانى :-)
مبروك يا باسم
و مبروك الصيانة و العودة للقسم
و يجعلة عامر

**ecybrarian** · 20-02-2011 12:04 AM

المشاركة الأصلية كتبت بواسطة bassem raafat

الله يبارك فيك يا دكتور ، ومبروك على الصيانه .... ومستنى التقرير المتميز كالعاده : ))

الحقيقة...ما عملتش تقرير..لقيت الموضوع ما يستهلش..هم غيروا زيت وفلتر فقط..وجدعنة من نادر (الفني) نضف لي فلتر البنزين والكبود بالهوا..بس خلاص!!! بس انتظروا تقرير بسيط غدا عن...

**aymanmaly** · 20-02-2011 12:30 AM

والله يا دكتور اعمل تقرير عن الصيانة و ماحدث بها مهما كان بسيط علشان الناس لما تحب تراجع الصيانة تلاقى موضوع بيتكلم فيها
و يجعلة عامر

**Bassem Raafat** · 20-02-2011 10:03 AM

المشاركة الأصلية كتبت بواسطة aymanmaly

مبروك يا حريف
عقبال صيانة ال300000 كم ويبقى كدة كفاية على العربية و تغيرها و تجيب اوبترا تانى :-)
مبروك يا باسم
و مبروك الصيانة و العودة للقسم
و يجعلة عامر

الله يبارك فيك يا عمده ، وإنت عارفنى عقبال ما أعمل الـ 300000 كم دول حيكون بقى عندى 80 سنه : ))))

المشاركة الأصلية كتبت بواسطة aymanmaly

والله يا دكتور اعمل تقرير عن الصيانة و ماحدث بها مهما كان بسيط علشان الناس لما تحب تراجع الصيانة تلاقى موضوع بيتكلم فيها
و يجعلة عامر

أيوه يا دكتور كلام أستاذ أيمن مظبوط ، وعلشان الإستفاده العامه كمان من فرسان السبارك .

**ahmedaglan** · 20-02-2011 10:21 AM

مبروك ياباسم باشا علي الصيانة وانا انشاء الله قربت علي صيانة 5000 بس مش عارف اعملها فين في منصور ولا عند ياسين لانة قريب جدا من الشغل عندى اخر سور المطار مع العلم انى مشتري العربية من عندهم وناس كتير شكرتلي فية بس مش عارف ارجو الافادة من الاعضاء الموقريين

الموضوع: .. تقرير صيانة الـ ( 8 شهور ) للأوبترا الأوتوماتيك .. منصور التجمع الخامس ..

LinkBack

أدوات الموضوع

عرض

.. تقرير صيانة الـ ( 8 شهور ) للأوبترا الأوتوماتيك .. منصور التجمع الخامس .. - انشر الموضوع فى :

-

-

-

-

-

-

-

-

المواضيع المتشابهه

تقرير صيانة 30000 للاوبترا الاوتوماتيك فى مركز التجمع الخامس

.. تقرير صيانة الـ ( 12 شهر ) للأوبترا الأوتوماتيك .. منصور التجمع الخامس ..

.. تقرير صيانة الـ 5000 كم للأوبترا الأوتوماتيك .. منصور التجمع الخامس ..

صيانة ال 5000 فى منصور التجمع الخامس

منصور التجمع الخامس

الكلمات الدلالية لهذا الموضوع

المفضلات

المفضلات

ضوابط المشاركة