ارجو المساعدة فى فورد فيستا 1998 1300 cc

**ahmed_soltan** · 19-02-2011 09:13 PM

السلام عليكم ورحمه الله وبركاته
احب اولا ابدا بنبذه عن العربيه عشان نكون على نور من الاول
1- موديل السياره وسنة الصنع (فورد فيستا 98 1300cc
2-عدد الكيلومترات المقطوعه 99000 كيلو
3-موقف أستهلاك الزيت ( انا غيرت زيت وفلتر من شهر ونص )
4-شكل العادم الخارج من الشكمان (الحمد لله مفيش عادم بيظهر اطلاقا لما بزود بنزين الشكمان بيجيب ميه )
5-موقف البوجيهات ( لسه مغير الاربع بوجيهات )
6-موقف أستهلاك البنزين (طبيعى)
7- موقف الشكمان (لسه مغير ماسورة الشكمان والعلبه حالتها كويسه)
8- موقف الفرامل (كويسه )
9-موقف البطاريه ( البطاريه لسه جديده )
10- موقف آخر صيانه أتعملت ( ضبط تكيهات وتغير بوجيهات وفيوزات وغيرت ماسورة الشكمان ولسه النهارده مغير فلتر البنزين ونظف بالاسبراى وزويدت زيت الفتيس )
نرجع لمشكله العربيه اولا العربيه سحبها ضعيف جداا
ثانيا فى صوت تسقيف فى كل الغيارات وده اهم حاجه عشان انا الموضوع ده تاعبنى جداااا مع العلم ان الديسك والاسطوانه زى الفل
والماتور حالته كويسه يعنى تقريبا 75 %

**mahamede** · 19-02-2011 09:43 PM

أخى العزيز . هىا العربية عاملة حادثة قبل كدا ؟؟؟؟؟؟؟

**ahmed_soltan** · 19-02-2011 09:45 PM

تمام كانت عامله حادثه قبل كده ومغيره الربع اللى من قدام بس الحمد لله ماثرتش على الشاسيه

**mahamede** · 19-02-2011 09:56 PM

أخى العزيز , أسف جدا على موضوع الحادثة وعوضك على الله على اللى صرفته وعلى اللى حصل فيها . بس العربية للأسف لما بتعمل حادثة عمرها ما ترجع زى الأول حتى لو عملت ايه . ومن الواضح ان العربية عاملة حادثة شديدة وده اللى خلاك تغير النص اللى قدام . وعشان كدا بالرغم من اللى غيرته ده كله فأنتا لسة بتشتكى من حبة حاجات زى موضوع السحب وزى التسقيف اللى فى كل الغيارات . ودى الحاجات اللى سببتها بقايا الحادثة وتغيير النص الأمامى بالكامل . لذلك أخى الحبيب أنصحك بتغيير السيارة وبيعها بحالتها . وعوضك على الله فى اللى صرفته وفى اللى هتخسره فى بيعها لأنك مهما صرفت عليها عمرها ما ترجع زى ما أنتا متوقع . وأسفى لك مرة أخرة على الحادثة . وأرجو أن أكون أفادتك . تحياتى : محمد كابو .

**ahmed_soltan** · 19-02-2011 09:59 PM

ياساتر ايه القلم الجامد ده
على العموم جزاك الله خير واسف على تعبك
بس عايز اعرف لو فكرت ابيعها تعمل كام ؟؟؟
ارجوا الافادة

**mahamede** · 19-02-2011 10:06 PM

أسف أخى العزيز لو كان ردى كان مزعج أو ضايقك بس هيا دى الحقيقة وأنا حبيت أوضحلك دلوقتى بدل ما تصرف أكتر من كدا ع الفاضى . بس بالنسبة لموضوع سعرها ايه دلوقتى . أنا مقدرش أفيدك فى موضوع التسعير ده بس فى قسم التسعير فى المنتدى ممكن تتدخل فيه وتعرض مواصفات السيارة وخبير التثمين هيقولك تعمل كام . بس أمانة عليك لوعرضتها للبيع تقول للى بيشترى على حالتها وعلى انك عامل بيها حادثة عشان تبقى الأمور واضحة وربنا يكرمك فى فلوسها . لأنه كما تدين تدان . تحياتى لك : محمد كابو .

**aYaBooY** · 19-02-2011 10:16 PM

طبعا قرار البيع ده يرجعلك
بما ان العربية مغيرة نص كامل يبقي كانت حادثة محترمة و لو ناوي تبيع و قولت على العيب بالامانة للمشتري ثق ان الموضوع ده هايتعوضلك في العربية التالية او في اي من نواحي حياتك
ثانيا لو النص متركب مظبوط بنسبة 90 % يبقي ممكن تخلي العربية ( طبعا مهما كانت حرفة السمكري مش هايعرف يركب النص مظبط 100 % ) و طبعا تتاكد انك تروح عند حد بتاع زوايا يراجع على ابعاد العربية مش على الزوايا
نيجي للمشكلة اولا سحب العربية و صوت الكهرباء
عاوز اعرف مين الي ظبطلك التكيهات و ظبطها على مقاسات كام و العربية سخنة ولا بارده
و نوع البوجيهات المستخدمة ايه
و هل عندك دخان ملون بيخرج من خرطوم الفايز

**ahmed_soltan** · 19-02-2011 10:17 PM

اكيد لازم يعرف ايه ظروفها وانها كانت عامله حادثه لو حب يشترى على كده مفيش مشاكل بالرغم انى بحب العربيه دى ومش عايز ابيعها

**aYaBooY** · 19-02-2011 10:23 PM

طيب فين باقي المعلومات

**ahmed_soltan** · 19-02-2011 10:26 PM

ايه المعلومات المطلوبه
للعلم هى مغيرة ربع مش نص

الموضوع: ارجو المساعدة فى فورد فيستا 1998 1300 cc

LinkBack

أدوات الموضوع

عرض

-

-

المواضيع المتشابهه

عاجل ارجو المساعدة فى فورد فيستا 95

ايرباج فورد فيستا 1998

فوج لايت فيستا 1998 1300 سى سى

للبيع فورد فيستا 1998

الكلمات الدلالية لهذا الموضوع

المفضلات

المفضلات

ضوابط المشاركة