تعبت من التراب و الفوطة الزفرة

**eng/muhamad** · 21-02-2011 02:31 AM

احسن حاجة الفوطة الميكروفايبر
هي مش بتلم التراب زي الفوطة الزفرة لكن بتحافظ على الدهان بس برضه بتحتاج تتغسل من الوقت للتاني

+11111111
و ممكن تحاولى تركنى فى جراج

**shery103** · 21-02-2011 10:35 PM

صعب اوى موضوع الجراج ده لان مفيش جراج قريب و فى نفس الوقت البيت تحته ساحة كبيرة للعربيات فكده اسهل

هو الفكرة بس ازاى ممكن اعمل فوطة زفرة فى البيت ( ميكونش فيها جاز ) عشان تنضف كويس

انا جربت الميكروفيبر قبل كده بس بتتوسخ على طول و مش بتنضف كويس

**hpxp** · 23-02-2011 01:26 PM

انا عن نفسي بركن في جراج لما ابقي رايق بجيب مناديل وكمبوند وبتسلي لكن بخلي الحارس يعملها بفوطه مبلوله غير بيخدها علي مدفع الميه كل يومين فا العربيه زي الاسد من شهر 8/2009 يعني من يوم ما استلمتها طب ما تجرب كل فترة ابقي اعملها في بنزينه بتبقي تمام ولا زيوت ولا غيرة

**samiazab** · 02-03-2011 02:34 PM

بصوا انا عربيتى لونها اسود علشان كده عانيت موت من نضافة العربية لغاية ما اخترعت حاجة بتجيب نتيجة معايا كويسة جدا انا حاطط فى العربية فوطة قطن عادية وبجيب بخاخة مية وبفرد الفوطة وببخ عليها شوية مية مش كتير يعنى بخلى الفوطة مندية مش مبلولة يعنى تبقى طرية وبمسح بيها العربية بجد بتلم التراب وبتنضف العربية كأنها لسه مغسولة جربوها وقولولى رأيكوا بس اهم حاجة متبخش مية كتير على الفوطة

**windofchange** · 02-03-2011 05:21 PM

المشاركة الأصلية كتبت بواسطة samiazab

بصوا انا عربيتى لونها اسود علشان كده عانيت موت من نضافة العربية لغاية ما اخترعت حاجة بتجيب نتيجة معايا كويسة جدا انا حاطط فى العربية فوطة قطن عادية وبجيب بخاخة مية وبفرد الفوطة وببخ عليها شوية مية مش كتير يعنى بخلى الفوطة مندية مش مبلولة يعنى تبقى طرية وبمسح بيها العربية بجد بتلم التراب وبتنضف العربية كأنها لسه مغسولة جربوها وقولولى رأيكوا بس اهم حاجة متبخش مية كتير على الفوطة

فوطة قطن زي فوطة الحمام ؟

**samiazab** · 02-03-2011 06:07 PM

لا يا باشا فوطة ناعمة قطن او الفوطة الحمرة بتاعت العربيات دى اللى ب3 جنيه دى

**i_Am_Legend** · 02-03-2011 06:25 PM

اسهل حل!_ريشة تنضف بيها التراب كلة_وفوطة فيها زيت بسيط جدا_وجاز!_وتلبس كيس_علشان إيدك ماتتبهدلش هاتلاقيها بتبرق

**abdalah_hashem** · 03-03-2011 02:44 PM

انا شايف عشان تحافظ على دهان العربية ميتخربش الخرابيش اللى بتبان مع الضوء دية اللى بتبقى مكان الفوطة
متستعملش الفوطة الزفرة هات فوطة صفرا وبلها مية واعصرها حلو بحيث تبقى مبلولة لكن مش بتنقط
وطوق بيها العربية كل يوم الصبح هتلاقى العربية نضيفة ومش هتبهت ولا هتلم تراب

**mustafavet** · 05-04-2011 11:11 AM

في واحد سمكري كان قالي علي طريقه جميله اوي
بتصنع واكس في البيت
بيقولي بيجيب البلاك الاسود ويحطه في بنزين لمده يوم كامل
بعد اليوم دا بيسيبه ينشف في الشمس
النتيجه هي واكس انضف من اي واكس شوفته في حياتك
بجد تحفة