ملامح عن اداء النسيان صانى

**Elsayed** · 04-11-2007 12:30 PM

م سبعاوى انت ذكرت مواصفات السياره EX SALON
الأتوماتيك بس هل هى FULL OPTION
ام اتوماتيك فقط انا فهمت انها كامله بس اريد ان أتأكد فقط واعرف سعر الكامله الأتوماتيك1600 كام بالضبط هل هو 92 الف ام 102 الف

**mohaismail** · 04-11-2007 06:36 PM

الكاملة اوتوماتيك تمنها الرسمى 92000 وبتخلص ب 91000 اما السوبر صالون تمنها 102000 وبتخلص ب 101000 بس على حسب معلوماتى ان الاسعار دى هتغلى عن كده

**mohammed tanta** · 18-11-2007 10:07 PM

شكرا علي الموضوع الرائع ده

**gassarian** · 22-11-2007 10:33 PM

أنا بفكر في النيسان صني. رحت النهاردة سألت عليها عند أحمد مرعي الي في الإسكندرية في سيدي جابر و قال لي: ان التسارع فيها من ال 0-100كم/ساعة في 9.5 ثانية...واحد في ال automatic و manual
و أقصى سرعة بها 200كم/ساعة.....واحد في ال automatic و manual
الشكل الجديد كوري بالكامل مكونات كوري. موجود عند الطارق في كارفور ب 107000 manual و 114000 automatic
الكاتينة في العربية حديد زي ال بي ام و المرسيدس مش سير زي الكورولا و اللانسر
السوبر صالون الجنوط وحدها تساوي 12000 جنية من فرق السعر بينها و بين ال EX Saloon غير باقي الفروق
مش عارف الكلام دة مظبوط و لا كلام معارض عشان يبيع؟!!!!

**fahd_628** · 22-11-2007 10:40 PM

لي: ان التسارع فيها من ال 0-100كم/ساعة في 9.5 ثانية...واحد في ال automatic و manual

:roll: :roll: :roll: :roll: :roll: :roll: :roll: :roll: :roll: :roll:

لا يمكن التسارع واحد فى المانيوال و الأوتوماتيك :roll: :roll: :roll:

و حكاية من صفر - 100 دية انا مش مصدقها ياريت تتأكد منها هية صحيح العربية سحبها حلو و كل حاجة بس مش 9,5 ثانية متخدش بكلام البياعين بيبقو عاوزين يبيعو و خلاص

و جنوط اية دية الى ب 12 الف ؟؟؟

ياريت تتأكد من الكلام دة

**gassarian** · 22-11-2007 10:51 PM

هو ده اللي قالوا
لو حد معاه العربية ممكن يجرب لنا

**sunny_120122** · 28-11-2007 10:22 AM

سلام عليكم
اول حاجة العربية مفيهاش ABS من الاخر لو فيها لازم يكون له لمبة تنبيه في لوحة العدادات
تاني حاجة للعم سبعاوي انا عاوز اعرف انت عربيتك مصري ولا ياباني الياباني معايا زي الفل والعيوب دي اللي انت بتقولها مش عيوب وهقولك ازاي:
موضوع المفتاح والفتيس غيري رد وقال ميزته وعلى فكرة موجود بالظبط في السيفيك ال 2005
الكاسيت معايا في الياباني و السي دي صوته ممتاز بشهادة كل اللي سمعه
الايريال اليدوي ده ميزة كبيرة مش عيب الاريال الكهرباء كان عندي قبل كده لما بيطلع ومع السرعات العالية لازم بيتني وبالتالي مش هيبقى عدل لما ييجي ينزل وموتور الايريال ضعيف طبعا فكان بيعلق ويقف ومينزلش كله وطبعا لازم اجيب واحد جديد او عقل جديدة وبعدين هو يدوي ومحطوط جنب ايدك يعني لو عاوز ترفعه وانت سايق في لحظة مش لازم تنزل من العربية وبرضه معظم الياباني محطوط في نفس المكان
الكنبة اللي ورا عندي فيها مخدع وفيه حامل اكواب كمان؟؟؟؟؟؟؟؟؟؟؟؟؟
انا الحمد لله بحمل زي الفل والعربية بتمشي من غير ما تخبط وعلى فكرة الصني اعلى من التويوتا لما بتحمل التويوتا بتنام في الارض مع التحميل وبص ع اللانسر 99 ولا البورا وانت تعرف يعني ايه عربية واطية
احلى مسا يا جميل

**sab3aawy** · 28-11-2007 11:05 AM

المشاركة التاسعة قبل الألف

المشاركة الأصلية كتبت بواسطة sunny_120122

سلام عليكم
اول حاجة العربية مفيهاش ABS من الاخر لو فيها لازم يكون له لمبة تنبيه في لوحة العدادات
تاني حاجة للعم سبعاوي انا عاوز اعرف انت عربيتك مصري ولا ياباني الياباني معايا زي الفل والعيوب دي اللي انت بتقولها مش عيوب وهقولك ازاي:
موضوع المفتاح والفتيس غيري رد وقال ميزته وعلى فكرة موجود بالظبط في السيفيك ال 2005
الكاسيت معايا في الياباني و السي دي صوته ممتاز بشهادة كل اللي سمعه
الايريال اليدوي ده ميزة كبيرة مش عيب الاريال الكهرباء كان عندي قبل كده لما بيطلع ومع السرعات العالية لازم بيتني وبالتالي مش هيبقى عدل لما ييجي ينزل وموتور الايريال ضعيف طبعا فكان بيعلق ويقف ومينزلش كله وطبعا لازم اجيب واحد جديد او عقل جديدة وبعدين هو يدوي ومحطوط جنب ايدك يعني لو عاوز ترفعه وانت سايق في لحظة مش لازم تنزل من العربية وبرضه معظم الياباني محطوط في نفس المكان
الكنبة اللي ورا عندي فيها مخدع وفيه حامل اكواب كمان؟؟؟؟؟؟؟؟؟؟؟؟؟
انا الحمد لله بحمل زي الفل والعربية بتمشي من غير ما تخبط وعلى فكرة الصني اعلى من التويوتا لما بتحمل التويوتا بتنام في الارض مع التحميل وبص ع اللانسر 99 ولا البورا وانت تعرف يعني ايه عربية واطية
احلى مسا يا جميل

انا حسيت من كلامك انك مفترض انا انا بهاجم العربية، وده شئ غريب الصراحة، ياعم لو العربية مش عاجبانى مكنتش اشتريتها، بس الفكرة ان رينج فلوس ال100 الف جنيه لسة مش رينج العربية كاملة الاوصاف ، وحتى العربية ام 100 الف برضه فيها شوية عيوب ، فمش معنى انى بقول على الحاجات اللى مش عاجبانى فى عربيتى تحريا للموضوعية وتوعية اللى بيشترى علشان يكون عارف ايه اللى هيشترية انى متاحمل عليها، احنا هنا مش هدفنا ان كل واحد يعمل promotion لعربيتة لكن بنعلم بعض ونتعلم من بعض ، علشان كدة لازم نتحرى الموضوعية قدر الإمكان

**sunny_120122** · 29-11-2007 06:31 AM

يا سبعاوي باشا مهاجمة ايه بس اللي انا مفترضها بلاش يا زعيم الالفاظ الجامدة دي احنا داخلين هنا علشان مزاجنا يبقى حلو مش علشان مهاجمة وبعدين يا جميل انت اللي قلت اننا نتعلم من بعض وانا حبيت اوضح ان بعض الحاجات من تجربتي في ظاهرها عيوب لكن في باطنها مميزات برضه يعني موضوع الاريال الكهرباء ده مثلا لما زهقت في عربيتي القديمة بعت جبت بتاع الماكسيما من السعودية قلت يمكن العيب في اللي نازل فيها وباظ وحياتك على طول وما عاش اللي يهاجمك يا باشا ;)

**dreslam** · 29-11-2007 11:43 AM

سبعاوي باشا وتقييمه للصني مقارنه بكل العربيات خلاني احب الصني واول اما جاب الصني خلاني افكر في الصني
واول ما دخلت على النايل موتورز وقريت تقييمه بعد كذا وكذا قبل ما اكمل قرايه كنت لبست البنطلون والتي شيرت وبعت الماتريكس واشتريت صاني ولو سبعاوي باشا غير عربيته احتمال كمان اغيرها معاه لان كلامه كله في الجون وده مش مجامله دي حقيقه.