وانا كمان بضم صوتى لصوتك سبعاوى محترم جدااا وبصراحة كل كلامه يتوزن دهب وهوه اللى حببنى فى المنتدى والله
عرض للطباعة
وانا كمان بضم صوتى لصوتك سبعاوى محترم جدااا وبصراحة كل كلامه يتوزن دهب وهوه اللى حببنى فى المنتدى والله
يا جماعة انتم من ردودكم حسستوني اني غلط في سبعاوي والراجل كده هتشيلوه مني بلا داعي كل ده علشان قلت ان الاريال العادي مريح وعملي عن الكهرباء انا آسف ولو عاوزني انزل اشيله من العربية خالص اشيله الموضوع عنوانه ملامح عن النيسان الصني انا رديت على الموضوع وكنت لسه مشترك وعجبني المنتدى ولا اعرف سبعاوي ولا اعرف اي حد في المنتدى علشان اهاجمه الموضوع كبر كده مش عارف ليه بقى من بعد مارديت مظاهرة تأييد بدل ما كل واحد يقول رأيه وانا مقلتش غير رأيي وياريت الناس تقرا الكلام اللي انا قلته كويس وترد عليا فيه بس عن العربية وأداءها وبس لاني مقلتش ومتكلمتش غير عن كده وبس
لآ متخفش محدش زعل منك ولا حاجة ولا حتى سبعاوى كلنا هنا اخوات والله وكل واحد بيحاول يساعد التانى على قد ما يقدر واهلا بيك وسط اخواتك
يا عم لا انت غلطت فى حد ولا حد فكر اصلا انك غلطت فيه، وبعدين انا مقلتش فى رسالتى انك بتهاجمنى، انا قلت انك حسستنى انى بهاجم العربية،
وانا ولا بهاجمها ولا حاجة، انا فقط ببين اايجابياتها وسلبياتها للى ناوى يشترى علشان ميرجعش يشترى ويقول سبعاوى لبسنى فى الحيط، لكن انا بالنسبة لى انا شايف انها اجدع عربية فى الدينا، لكن كونى مالكها ومعجب بيها جدا لاعلاقة له نهائيا بأنى اديها نظرة موضوعية تساعد الآخرين فى الإختيار
لكن لا حد هنا زعل منك ولا حد يقدر يحجر على رأيك فالمسالة فى النهاية كلها هى مسألة مساحة لتبادل وجهات النظر
والله يا رجالة مش عارف اقول ايه بس بجد انا دخلت منتديات كتير قبل كده مشفتش رجالة زي المنتدى ده ومعنديش اي تعليق تاني اكتبه
شكرا للجميع
عايز أسأل أسئلة مهمة قبل ما اشتريها علشان أنا رايح بعد اسبوع أشتريها
1 . هل صوت الماتور ناعم زى اللانسر ولا مش كويس زى الشاهين
2 . ما فرق السعر بين الصنى اليابانى والتقفيل المصرى
3 . لو رشح أمامى لانسر خليجى ونيسان مصرى اشترى مين
ولكم جزيل الشكر
بجد دة منتدى محترم جدا
استاذ سبعاوي معلش حتعبك معايا بس الموضوع بخصوص الصني 2004
الياباني بس ال 1300
لي واحد صديق اشتراها في 2004 و هي نفس الشكل للصني الحالية علي ماعتقد .
بس موتورها 1300 اوتوماتيك
هو عايز يببيعها و انا بفكر جديا فيها ! علشان انا ركبتها معاه طول ال3 سنين الي فاتوا و تقريبا عارف فيها كل شبر !
هي عاملة 39 الف كم - وبها خبطة بسيطة جدا في الرفرف الخلفي و اعقتد محتاجة مساعدين جداد
لونها بنفسجي سماوي و لا معرفش اسمه ايه
ومركبلها كاسيت mp3 alpine
هو طالب فيها 65 الف جنيه مصري .
فايه رأيك في السيارة عامة و بالسعر و المواصفات دي خاصة ؟؟
انا حاليا راكب باليو برازيلي 1300 2006 و بفكر يا اما اشطح شطحة الصني دي علشان حاسسها لقطة
يا اما ارجع ل2004 برده بس عن طريق فيات ( بونتو ) .
ياريت لو أ/ سبعاوي يقولنا أيه أخبار العربية معاه بعد مرور حوالي سنة عليها معاه وهل التقفيل عيوبه بانت و أيه اللي بان من عيوب التقفيل المصري