حد أخد باله إن الفريق / أحمد شفيق في كل حديث له عن ثورة 25 يناير لا يتفوه أبداً بكلمة " ثورة " وإنما يقول " حركة " ............!!!
وفي أحد أحاديثه قال : لو سبناهم ( يقصد شباب الثورة ) هيسكتوا لوحدهم .........!!!
عرض للطباعة
حد أخد باله إن الفريق / أحمد شفيق في كل حديث له عن ثورة 25 يناير لا يتفوه أبداً بكلمة " ثورة " وإنما يقول " حركة " ............!!!
وفي أحد أحاديثه قال : لو سبناهم ( يقصد شباب الثورة ) هيسكتوا لوحدهم .........!!!
فيه كلمة تامر حسني قالها في احد افلامه ..... عايز اقولها لشفيق دلوقتي ...... بس مش عايز اتوقف و اتحرم من صحبتكم الحلوة
منقدرش علي بعدك يكبير
ممكن نشغل توارد خواطر
ونراجع افلام تامر حسني
بجد , شفيق ريحته فاحت زيادة عن اللزوم و لازم ما يفضلش
الراجل ده بالذات من اعلام الثورة المضادة
اول كم يوم كنت مع شفيق
بس يوم بيوم تحس الراجل مش رئيس وزراء اي حد يسأله اي سؤال ما يعرفش اي حاجة بتحصل بالبلد
ومش عارف ليه مش مستريحله خااااااااااااااااااااالص
ربنا يستر
كلامك صحيح انا ملاحظها من اول ما مسك لأ وما بيقولش الا كلام يبين كدا انه بيستهين بيهم
ولا عمره قال ثوره ولا انتفاضه وطول الثوره مجابش سيره الشهداء...
رأى من اول ما مسك وشفناه ولحد دلوقتى انه مينفعش
ده واحد من اللى لسه بيساعدو النظام القديم ( عنده ولاء)
أنا والحمد لله مش مرتاحله من اول ما شوفته اساسا وهو بيتكلم
وبكره الأيام تثبت كده ان شاء الله
معلهش يا جماعة ومش تكذيبا ليكم لكن أنا قاعد دلوقتى بتفرج على اعادة المؤتمر الصحفى لشفيق على القناة الأولى والراجل قال حركة مرة واحدة وقال ثورة ييجى 5 أو 6 مرات وعمال يشكر فى الثورة ويقول ان الدول الكبرى عايزين يدرسوها فى مدارسهم بجد والثورة خلت رجال أعمال ودول أجنبية عايزة تيجى تستثمر فى مصر والراجل ده أنا شايفه أحسن رئيس وزراء لمصر فى العصر الحديث.
ميييييييييييين
الراجل ابو موتوسيكل
حبيب قلبى
على فكرة الراجل ده كويس وانا قولت كده من الاول
( على الرغم من اننى مصر على موضوع الموتوسيكل)
لكن المشكلة انه وضع نفسه داخل الكلية الابليسية الشيطانية
اللى بيدرس فيها اللى علموه ابليس الشيطنة
توقيت توليه الوزارة كان غلط
تصريحاته الكتيرة غلط
اسلوب تناوله و حواره غلط
(لا يتناسب و ثورة الشباب < تحس ان راجل عجوز بيسابق شاب فى العشرين)
المحصلة
اسف انى اقول ان الوزارة دى احتمال تكون نهاية غير سعيدة لتاريخ الرجل المشرف
وزى مقلت قبل كده
انا مشفق على الفريق شفيق من رئاسة الوزراء
ادينى بعيدها تانى
و يبقى يدينى الموتوسيكل اخد بيه لفة
ايوا يعنى قال ثوره بعد ايه !! طول ما كان مطمن كان يتريق ويقول لو عايزين الريس يمشى يخليهم قاعدين لسبتمبر دا غير كلام تانى
هو يعنى مبارك قعد منفض 18 يوم ولما اتزنق طلع افتكر الشهداء ساعتها...سبحان الله
ودلوقتى شفيق بيعمل نفس الهبل... الى بيعدى عليه الهبل دا اكتر من مره لا يلومن الا نفسه بقى
المشكلة اللى الفريق شفيق والنظام من قبله مش قادر يدركها
ان كل القواعد اللى اتربو عليها اتغيرت تماما
الثورة صنعت قواعد جديدة
و عشان تدير وزارة فى عصر الثورة
لازم تكون بتفكر بعقلية الثورة
و ده غير وارد الحدوث
لانه و على حد تعبير الدكتور احمد عكاشة
الكبار لايستطيعون التغيير
يا أستاذ ميدو أولا مبارك هو السبب فى اللى حصل فى شهداء الثورة سواء بشكل مباشر أو غير مباشر الله أعلم ! ياعنى كنت عايزه يقتل القتيل ويمشى فى جنازته ؟!
ثانيا أحمد شفيق مكانش بيتريق لما قال يقعدوا فى التحرير لغاية سبتمبر لأن دى التعليمات ساعتها ان مبارك مش ماشى قبل سبتمبر وللعلم بعيدا عن الثورة فالشعب المصرى كان منقسم ككل حول بقاء حسنى مبارك الى سبتمبر او رحيله الفورى فأعتقد اننا يجب أن لا نلومه لهذا. وصدقنى لو خلصت النية فى الجيش للتعديل الحقيقي فأحمد شفيق هو خير من يقود البلد حتى سبتمبر حتى تأتى حكومة جديدة فى سبتمبر إن شاء الله
الاستاذ محمد حسنين هيكل قال اية علية ؟
"ويجب ألا ننسى أن أحمد شفيق قال دوما بأنه تلميذ مبارك "
ودة نص الحوار
طيب هخلينى مع حضرتك دى مش تريقه...طيب لما قال هبتعتلهم بون بون وبسكويت؟؟ دى تعليمات برضه
حضرتك اساسا اشتراكه فى حكومه المهزله دى من البدايه خالص تبين انه تربيه الحزب الوطنى والا مكانش مبارك اختاره عمر مبارك ما اختار واحد هيبوظ له خططه وحتى لو جه واحد تمام ولقاه هيبوظ الدنيا عليه بيمشيه والجنزورى شاهد...
وعموما الى الشعب هيختاره هيكون ان شاء الله.. وافقوا على شفيق يبقى خلص الموضوع.. ما وافقوش يبقى خلص الموضوع برضه
تحياتى لحضرتك
قلبى بقى بيتقبض لما بشوفوا و مش قادر اصدق اى كلمة بيتفوه بيها
يعنى بالعقل كده ، هيبقى مبارك جايبه يمسك الوزارة قبل ما يتنحى ، وعايزينه يشتم فيه ويقول يمشــى ؟؟ ده يبقى حتى قلة أصل.
حتى لو هو شايف كده ، مايقدرش يقولها ، ماينفعش ، ممنوع.
لو عايزين تحاسبوه يبقى نبدأ الحساب من بعد تنحى الريس.
يا أخى العزيز مش عايزين ناخد جزء من الحوار ونسيب الباقى لأن هيكل قال ان أحمد شفيق كويس وليس له تحفظ عليه لكنه قال ان أحمد شفيق ذكر ان كان تلميذ مبارك فى القوات الجوية وهيكل يقصد ان احتمال يكون فيه تعاطف من أحمد شفيق تجاه مبارك ودى مشاعر انسانية مادامت لم تخرج من حيز المشاعر الى حد المساعدة فى مناهضة الثورة
صدقنى أه البونبون والبسكويت تعليمات ان يتم ايصال رسالة الى الثوار ان الريس مش هيمشى وانتو كمان لن تجبروا على الرحيل من الميدان وده كان القرار فى الرئاسة وحتى فى الجيش حتى ذلك الوقت لغاية لما تأكدوا من تصميم الشعب على رحيل مبارك وتغيير الجيش لاستراتيجيته وتحركه من وضع الحياد وتأمين الثوار الى البدأ فى مناصرة ومؤازرة الثورة وهنا الدنيا كلها اتغيرت لأن القرار اتغير
أما بالنسبة لإختيار مبارك لشفيق فدى ميزة مش عيب ليه؟؟ لأن مبارك لما الدنيا ولعت قال يجيب ذوى الأيدى النظيفة زى حسام بدراوى وشفيق لأن دول كانوا مطلوبين وبقوة من جانب الشرفاء ليلأخذوا زمام القيادات لتحسين صورة مبارك امام الشعب. كمان أنا شايف ان الحكومة دى ماشية ماشية ولما ييجى رئيس جديد هيختار حكومة جديدة.
دايما كان بيتريق على الثوار ويقول هبعتلهم ملبس وبنبونى وبرضو قال خليهم قاعيد هيعملو ايه ياعنى وعلى فكره بيقولو انه كان دايما داخل وخارج من القصر الجمهورى يعنى كان صديق للرئيس المخلوع وبيقولو برضو ان مراته تبقى عمه او خالة مرات جمال مبارك
فده لاااااااااااااااااااااااا اااازم يتشال وبأسرع وقت لأن شكله ساهى وداهى كده ومبيريحنيش أطلاقا
كل مرة اشوفه فيها ...
افتكر الايام الصعبة بتاعة الحوار مع المعتصمين وفرصة مبارك لشهر سبتمبر والهجص اياه
وكلامه على الاجندات...وعدم معرفته بأي شيء يخص معركة الابل...
وما فيش حاجة اسمها يتنحى دلوقتي مش من اخلاقنا...ومش لازم نطبق كتالوج تونس (ده كان كلامه)
ولم ينطق بكلمة ثورة الا امبارح...
تحس انه مش مقتنع باللي حصل...وانه بياخدنا على قد عقلنا
انا شايفه راجل محترم و ذكى و فقدانه خساره كبيرة