ايهما افضل الرينو فلونس اول فئة مانيوال ولا مازدا 3 الشكل الجديد مانيوال مع العلم ان معايا 70 الف ومحتار اجيب انه فيهم بالقسط ولو ف اختيارات تانية عندكم يريت تقولولى
عرض للطباعة
ايهما افضل الرينو فلونس اول فئة مانيوال ولا مازدا 3 الشكل الجديد مانيوال مع العلم ان معايا 70 الف ومحتار اجيب انه فيهم بالقسط ولو ف اختيارات تانية عندكم يريت تقولولى
مزانية العربيه 40% من إدخارك 70 هم كل إللى معاك انتظر شويه ربنا يوفقك
انا عايز اجيب العربية مانيوال مش اتوماتك وسعر ف الاتنين مش هيتعدى 125 الف
الموتورين قريبين من بعض جدا فـ الأداء: 105, 107 حصان... (خصوصا مع توحيد الفتيس المانيوال)
الشكل: المازدا3 sport شوية مع تصميم يابانى واضح... الفلونس classic أكتر مع برستيج أعلى..! :ilikeit:
الثبات والأتزان: الأتنين تمام على الرغم من أختلاف التعليق الخلفى:
torsion-beam فـ الفلونس... مستنسخ مع تعليق الميجان الرائع
multi-link فـ المازدا3 ... منقول من مالكتها الفورد (مشتق من الفوكس)
هنا بس قد تتفوق المازدا الى حد ما فـ الهاندلينج.. ولكن لا يعيب الفلونس.
التوكيل: معنديش فكرة الصراحة, بس قد يكون EIM أحسن من غبور شوية..:crashcomputer3:
وبالتوفيق ان شاء الله فـ الأختيار
ميرسى ليك يااستاذى ع هذا التوضيح بس معلش كنت عايز اعرف يعنى ايه كلمة الهاندلينج وايضا عايز اعرف هل التعليق المازدا احلى من الرينو عايز رد قطعى وارجوا من بقية الاعضاء التفاعل
الـhandling يعنى مقدار سهولة التحكم فـ العربية من دقة التوجيه + تماسك الشاسيه + التفاعل مع السيارة فى التسارع والملفات والفرامل وانها تبقى: predictable فى رد فعلها للسواق...!:00020140:
هو لا خلاف ان الـmulti-link أفضل من الـtorsion-beam كتعليق خلفى مستقل vs متصل
لكن ده لا يمنع ان الـsetup الصحيح والمتوازن للتورشن-بيم قد يوفر الأتنين: ثبات+راحة.. وده اللى قدرت رينو تعمله :crashcomputer3: لأنها شركة كبيرة وعندها خبرات متنوعة..!
وعايز أقولك مش عشان عفشة فقط ممكن تشترى عربية دون الأخرى.. لأ, المقارنة لازم تبقى كـpackage على بعضها..!!! انا كنت بقولك المميزات والعيوب بحيادية.:redeye:
انا من راي الشخصى والمتواضع
بلاش تقسط
وتجيب عربية ب ال 70 الف دول
لان بصراحة القسط هيبقى متعب وما تضمنش الظروف
والرينو لوجان عربية لقطة والله العظيم
بس يااستاذ ايمن انا عايز عربية فيها اوبشن وف نفس الوقت تريحنى وتبقى حاجة نضيفة وتستحمل المطبات وكمان الاوبشن متنسهوش والله انا كنت بفكر ف المستعمل ف حاجة نضيفة سواء بيجو 307 او سكودا a4 او رينو ميجان او ف الجديد زى الرينو فلونس او مازدا 3 بس بما ان العائلة عندنا مش بيقتنعوا باستعمال المصريين فانهم يفضلون الجديد عن الاستعمال