بيان من السيد عمرو موسى المرشح لرئاسة الجمهورية إلى الشعب المصري العظيم

**Dr Ahmed** · 20-02-2011 08:09 AM

دعونا نقف وننحني

الانحناء ركوعا وسجودا لله فقط وليس لأحد من خلقه لا ملوك ولا رؤساء ولا شهداء
الظاهر هنتعب على ما نلاقى حد مناسب

**otefa** · 20-02-2011 08:30 AM

((فإذا به مطالب بأي يحمي مصر من شعبها.))
ده طلع كمان دربش كنت فاكره على الأقل سياسي محنك عن كده
أنا رأي فيه من الأول لايصلح ألا في حالة الأضطرار

**د.أبونضال** · 20-02-2011 05:37 PM

المشاركة الأصلية كتبت بواسطة otefa

((فإذا به مطالب بأي يحمي مصر من شعبها.))
ده طلع كمان دربش كنت فاكره على الأقل سياسي محنك عن كده
أنا رأي فيه من الأول لايصلح ألا في حالة الأضطرار

هذه أكثر عبارة واجعه دماغي في البيان هي وعبارة "النظام في شكله الجديد"

**Mahmoud Saloum** · 20-02-2011 05:44 PM

كل يوم بيزيد اعجابى واحترامى لعمرو موسى وإن شاء الله هو رئيس مصر القادم

**د.أبونضال** · 20-02-2011 09:35 PM

المشاركة الأصلية كتبت بواسطة mahmoud saloum

كل يوم بيزيد اعجابى واحترامى لعمرو موسى وإن شاء الله هو رئيس مصر القادم

أحترم وجهة نظرك... لكن يا ريت تقدم مبرراتك للعبارات الغريبة التي استخدمها...يمكن فهمناها غلط.

**m_car** · 20-02-2011 09:50 PM

بصوا يا جماعة

احنا شعب اتحكم سنوات كتييييييييييرة من الظلم والطغيان طبيعى تلاقى ناس كتير خايفة تغير للاحسن يعنى يقولك عمرو موسى اهو احنا عارفينه وشخصية معروفة انما حد تانى الناس خايفة تشوف حد مش متعودين عليه

من غير اى تفكير ولا حتى تقرا البرنامج الانتخابى

بس انا من وجهة نظرى لازم نشوف وجوه جديدة وتكون على قدر من المسؤولية وياريت اى حد يقول عمرو موسى يقول مبرراته علشان كذا وكذا مش عمرو موسى وخلاص

**د.أبونضال** · 20-02-2011 10:27 PM

المشاركة الأصلية كتبت بواسطة m_car

بصوا يا جماعة

احنا شعب اتحكم سنوات كتييييييييييرة من الظلم والطغيان طبيعى تلاقى ناس كتير خايفة تغير للاحسن يعنى يقولك عمرو موسى اهو احنا عارفينه وشخصية معروفة انما حد تانى الناس خايفة تشوف حد مش متعودين عليه

من غير اى تفكير ولا حتى تقرا البرنامج الانتخابى

بس انا من وجهة نظرى لازم نشوف وجوه جديدة وتكون على قدر من المسؤولية وياريت اى حد يقول عمرو موسى يقول مبرراته علشان كذا وكذا مش عمرو موسى وخلاص

أحييك والمبررات تكون إيجابية وسياسية ومافيهاش مايوهات وخمره

**a7madramadan** · 20-02-2011 10:30 PM

والله أنا كان عندي فكرة عــامة بسيطة زي الي عند الكل هنا وهي ان عمرو موسى شكله كويس و شكله راجل في حاله و مستقل برأيه

بس شوفت الحركة البايخة الي عملها يوم المؤتمر الي خرج فيه أردوغان غاضب من المنظمين علشان مش مدينله الوقت والفرصه للكلام والدفاع عن الشعب الفلسطيني وقام رامي المايك وقايم .... طبعا البــاشا عمرو موسى ماكلفش خاطره وقال كلمه عدلة فيها إجلال للشعب الفلسطيني الي المفروض يتكلم بالنيابة عنه كرئيس الجامعة العربية ... ولا حتى سكت وقام ورا الراجل المحترم وطلع ... ولا حتى بعد ما سلم على الراجل سلام عيالي كده وقعد مكانه قــال كلمه عدله في حق الراجل ولا بان عليه ان في حاجة مش كويسة بتحصل

حاجة خلته ينزل من نظري خــــــالص

وأكيد في ناس كتير هتقولي طيب عاوز ترشح مين
هأقول أنا عاوز شخصية من الجيش أو شخصية متفوقة علميا أو مستقلة تماما ودي نماذجها كتير في مصر .. في فالهيئات القضائية والعلماء كثير و هنشوفوا الي هيترشحوا لما يحين الوقت .... وطبعا أنا لا أرجح البرادعي مش علشان زي ما الناس بتقول انه تابع لأمريكا ولا لإنه ساعد في حرب العراق (الي أساسا كان معارض ليها و لما اتكلم بإسم الوكالة قال ان العراق خالية من الأسلحة من قبل ما الحرب تبدأ)

ربنا يرزقنا رئيس صالح لبلدنا يكون قائد للإصلاح الشامل ويرزقنا الأمن والاستقرار