السلام عليكم ,
كلام ا/ هيكل كلام محترم و تحليل ممتاز , لان فعلا ذيول الحزن الوطنى لسة موجودة فى البلد و بتحاول تجمع بعضها عشان خاطر مصالحها و ربنا يستر على البلد
السلام عليكم ,
كلام ا/ هيكل كلام محترم و تحليل ممتاز , لان فعلا ذيول الحزن الوطنى لسة موجودة فى البلد و بتحاول تجمع بعضها عشان خاطر مصالحها و ربنا يستر على البلد
دون اوتيفا
الكلام ده ممكن يتقال على اى حد الا هيكل
هيكل اللى توماس فريدمان بيروح يعمل معاه لقاءات صحفية
كلامه منطقى وله وجاهته
وله من المنطق الاستراتيجى والطبوغرافى والديموغرافى ما يؤيده من القلق من اقامة مبارك فى شرم الشيخ
النقطة التانية
الخاصة بالضربة الجوية
الراجل بيستشهد بجيهان السادات
و كمان برأى احمد اسماعيل رحمه الله
و نقدر نسأل اللواء طبيب ابن المشير أحمد اسماعيل فى الموضوع ده
سيدى لقد كنا نعيش فى اكذوبة كبرى
اكذوبة صاغها مبارك و من قبله السادات
لتقليل دور كل من سعد الدين الشاذلى و المشير الجمسى وابعادهم عن الساحة
و اخيرا تقبل تحياتى
بالنسبة لكلام هيكل .. بعد التحفظات الكتيرة اللي عليه الواحد ممكن يسمع كلامه عشان في خبرة في الموضوع
تاني حاجة انا في احساس جواية ويا رب يبقى غلط ان احنا دلوقتي عايشين جوا تمثلية كبيييييرة اوي اوي
ان الريس مش معترف بالخطاب بتاع سليمان وليه لحد دلوقتي في حرس جمهوري في شرم عند مبارك
ده رئيس مخلوع او متنحى او سابق ,,, ما ينفعش في اي حال من الاحوال يبقى في حرس هوا دلوقتي مواطن لازم يتحاكم
والجيش في خطوات ما بقربش عليها او مبيعملهاش خصوصا لما يصل عند الناس الكبيرة زي مبارك والعيلة .. والناس دي
ربنا يستر
دون أمادو حتى لو أختلفت الأراء حوله
لكل مقام مقال
السؤال هل ده وقته يشكك الناس في القوات المسلحة ألي مالناش غيرها ويضعف الجبهة الداخلية ببلبلة وتشكيك فيهم وأنا عن نفسي بثق فيهم وفي وعودهم لحد كبير جدا بس هو الموضوع محتاج حنكة وتأني في تنفيذ الأصلاحات يعني عندك عمارة عايز ترممها واقفة على 20 عمود ........... تشيل واخد واحد وتحط مكانه عمود جديد....................... ولا تشيل ال20 وتهد العمارة على ألي فيها!!!
تحياتي
تحياتى دون اوتيفا
بالفعل لكل مقام مقال
وده بالتحديد التوقيت المناسب لهذا المقال بغرض توضيح الصورة
مش ممكن نسيب المسئول عن كل هذه المذابح بالامر المباشر بدون حساب
سواء اختلفنا عن من المسئول مبارك ام ابنه جمال
فالامر لايحتمل الانتظار
فالقاتل يجب ان يتم محاكمته فورا
لان دماء الشهداء لا تقبل المماطلة و الانتظار
بل تطالب بالقصاص العاجل والسريع
يجب محاسبة الفاعل الرئيسى
لا يوجد لاحد حصانة
سواء جمال او مبارك شخصيا
و بالنسبة لرأيه فى الفريق احمد شفيق
فهو سليم
و اى حد دخل الجيش يعرف معنى الولاء للقائد
فالقائد بالنسبة لهم له الامر
وعليهم الطاعة
لذلكم لا نتوقع من احمد شفيق اجراءات تتوافق و روح الثورة
او تلبى نداء دماء الشهداء بالقصاص العادل من الفاعل الرئيسى
وقد بان هذا الامر واضحا جليا فى خطاب الفريق شفيق بالامس
1- عندماتحدث عن 3 package
2- انه لم يكن يدرك مطالب الشعب (على حد قوله)
3- انه مصر على تنفيذ ما يراه صواب بغض النظر عن مطالب الشعب
( امتداد لفكر مبارك الديكتاتورى)
المحصلة الفريق احمد شفيق لازم يتغير
اما بالنسبة القوات المسلحة فانا لا اشكك فيها
لكنها ايضا تدين بجزء من الولاء لمبارك
(وزير دفاع منذ 20 سنة وقبلها قائد للحرس الجمهورى تفتكر ولاءه هيكون لمين)
قيادات الجيش العليا
تتحرك تحت ضغط القيادات الاقل رتبة التى تتوافق مع مطالب الشعب
والدليل الرائد احمد شومان
و بما انها تتحرك تحت ضغوط
فان اسجابتها مكسوة بنوع من الحذر المشوب بالبطى
و المحرك لدفع القوات المسلحة لسرعة الاستجابة هو تواصل الضغوط الشعبية
(عن طريق المظاهرات المليونية ايام الجمع
حتى تتحقق جميع المطالب
خاصة الجزء الخاص بمحاكمة عاجلة لمبارك و مستشاريه المسئولين عن تلك المذابح
و اخيرا تقبل تحياتى