الحمد لله على كل حال
تعرضت لكسر بالذراع اليسرى وتم عمل شريحة ومسامير
ولحين اتمام الفترة اللازمة للشفاء ان شاء الله
هل ينفع اقود السيارة بالذراع اليمين فقط والذراع الشمال مجبرة ومعلق الى الكتف
وما الذى يمكن ان يحدث فى حالة وجود لجنة مرور
عرض للطباعة
الحمد لله على كل حال
تعرضت لكسر بالذراع اليسرى وتم عمل شريحة ومسامير
ولحين اتمام الفترة اللازمة للشفاء ان شاء الله
هل ينفع اقود السيارة بالذراع اليمين فقط والذراع الشمال مجبرة ومعلق الى الكتف
وما الذى يمكن ان يحدث فى حالة وجود لجنة مرور
الف سلامة يا باشا و ب الشفاء باذن الله . بص هو حاليا مفيش مرور بس الفكرة لو أنت عارف تتحكم فى العربية سوق لو حاسس أن أستجابتك مش سريعة يبقى لا تعرض غيرك و لا نفسك للخطر . أنا شخصيا ما بعرفشى اسوق الا ب اليد الشمال علشان أكون متحكم تماما و النقل ب اليمين بس . لو أنت متعود على السواقة بأيدك اليمين ماشى لو مش كدة جرب فى مكان فاضى و شوف حا تعرف تركن العربية و لا لا . و الف سلامة مرة اخرى
ألف سلامة عليك
الله يشفيك
أنا شايف أنك تستريح الفترة دي شوية في البيت لحد ما تفك الجبس و تخف علشان الموضوع ما يزدش لأنك غصب عنك لو انته سايق هتحركها بغض النظر ان ده مخالف أو مش مخالف لقانون المرور المهم أنته
الف سلامه ... حاليا مفيش مرور و التعليمات عندهم اظهروا بس من غير اى احتكاك
بس لو القانون بيطبق يبقى فيها مخالفه و احتمال قضيه
بس الطبيعى زى ما الجماعه اشاروا ان حضرتك تستريح شويه علشان لا قدر الله متحصلش اى مشكله بسبب الجبس ...
الف سلامه على حضرتك
انا متشرك جدا لحضراتكم جميعا
وربنا يحفظكم .. لان التجربة وحشة
بالنسبة للقيادة باليد اليمنى فانا سقت العربية ويدى مكسورة لحد ما رجعتها البيت ( حوالى 5 كيلو )
كنت بتألم جدا لكنى الحمد لله كنت بسوقها
والفكرة فى توصيل اسرتى للعمل وللمدارس
وللاسف المدام مش لسه ما بتعرفشي تسوق
لكنى ان شاء الله ناوى اعلمها بعد اللى حصل ده
ويمكن سؤوالى الاكبر هو الامر مخالفة ولا قضية ولا سحب رخص ؟؟
الامر سلامتك انت فى الاول
الله يسلمك يا ذوق
سلامتك اهم .. علشان لو لقدر الله حصل موقف صعب وانتا بتسوق تعرف تتحكم .. فاحسن ماتسوقش الفترة دي لسلامتك وسلامة العائلة .. واستخدموا تاكسي احسن .. علشان راحتك وسلامتك وسلامة اهلك ..
لو العربيه أوتوماتيك ....
حقولك ماشي..
بس لو مانيوال..حقولك صعب..بس مفيش مستحيل..بس صعب جدا جدا...و بلاش منه..
المرور لا أعتقد سواء في الوقت الراهن أو غيره إنها تعمل مشكله على حد علمي
العربية مانيوال
خلاص ما دام بتتألم جدا
يبقى بلاش سواقة خالـــــــــــــــص دلوقتي علشام ما يحصلش مضاعفات بعد الشر تأثر عليك طول حياتك
و ممكن تظبط مع تاكسي كل يوم يجبهم و يوصلهم
او تشوفلك اي سواق يسوقلك العربية الفترة دي هتلاقي اعلانات كتير
و ربنا يشفيك
و بصراحة انا مش عارف مدي لموضوعك اهتمام كبير اوي علشان يمكن خايف على ايديك دي اهم حاجة
نصيخة أخوية بــلاش طالما العربية مانيوال ... حتى الأوتوماتيك صعبة شوية ... حضرتك ترتاح الفترة دي معلش وألف سلامة على عضرتك
صراحة
و
اضافة الى ما سبق
بحب العربيات والسواقة وحشانى
ههههههههههههههههههههههههه ههه
نصيحه بلاش موش عشان المرور لان مافيش مرور لكن عشان سلامتك وعشان الناس اللى ممكن تأذيهم لو حصل لا قدر الله سهو او خطاء ربنا يعافيك ان شاء الله
شفاكم الله وعافاكم
انا والدي كان دراعه الشمال مكسور
اه عرف يسوق وكل حاجه تمام بس المشكله لما يتفاجئ هيحرك دراعه المكسور ودي مشكله والدكتور كان محذرة من السواقه
والف سلامه لحضرتك وعلشان خطري انا قد اولادك بلاااااااااااش سواقه
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
الف سلامة
شفاك الله وعافاك
لو العربيه اوتو هتبقي مبلوعه شويه .. مانيوال أظن صعب خصوصا في الزحمه
جربتها قبل كده في سفر بعربيه مانيوال كانت ايدي الشمال برضو اللي مكسوره وبتحكم بيها في الدركسيون افضل يعني ممكن اسوق بالشمال لوحدها علي طول لكن اليمين لأ ، كنت مش مرتاح خالص وفي ملف جنب عربيه نقل العربيه عامت مني وكنت هعمل حادثه بس ربنا ستر
والله دة هاترجع لخبرتك في السواقة
اذا كنت هاتعرف تعمل كدة
يعني انا مثلا
ايدي الشمال بردة كانت مكسوورة وكنت بسووق العربية من غيير بور كماااان وكنت بركنها
والف سلامة علي حضرتك
تقوم بالسلامة انشاء الله
انا متشكر للجميع وللاخ و الابن hpxp
ورغم انى النهارده الصبحيه دورت العربية شوية علشان البطارية
وغيرت مكان ركنتها بهدف تحريك الكاوتش والحفاظ عليه
لكن -ان شاء الله - ساستمع بكل احترام وتقدير لحضراتكم
ولن اقود السيارة تلك الفترة
شكرا
الافضل انك تستريح لحد ما تفك الجبس الاول
ومتسوقش الا فى حالة ضرورة قصوى ربنا ميجيبش حاجة وحشة وتسوق هادى متجريس عشان تلحق تاخد رد فعل وتبقى فى امان
الف سلامة ليك وربنا يشفيك
الف سلامه عليك انا راى ارتاح فى البيت وقلل من السواقه
والله كلكم اخواتى وباعتز بوجودى فى المنتدى معاكم
شكرا
الف سلامه على حضرتك والاحسن فعلا انك ترتاح فى البيت