الحمد للة رب العالمين
لقيت العربية بالصدفة واحد قريبي كان معدي في شارع السودان
لقي جين 2 سودة من غير نمر ومتربة
نزل شافها وكلمني والحمد للة طلعت هيا
بس اللي سرقها دة سرق النمر
والحاجات اللي كانت في التابلوة والشنطة
بس الحمد للة الكاسيت سليم والاستبن

في البداية احب اشكر memo,midzy,amrfarrag,payoo,
وشكر جامد للمستشار علي حسن
وشكر لكل واحد دعالي او اداني دعوة نفعتني
وكل واحد اداني نصيحة
وحسيت فعلا انكوا يا جماعة اخواتي
بجد اكتر الناس كلها زعلانة عشاني
والدكتور احمد سمير
اللي حسيت واللة انوا زعلان علي عربيتوا
وكل واحد حاول يدور
ويساعدني

بجد ربنا يبارك فيكوا كلكوا
فعلا احسن منتدي في الدنيا
والواحد استحالة يلاقي ناس زي دي تاني
دانا كفاية قرفتكوا باعلان العربية

تاني حاجة والاهم
نصيحة نصيحة نصيحة

(اوعي تنزل وتسيب المفتاح في العربية حتي لو مين فيها )
لان انا لما كنت في مباحث السيارات سمعت حاجات غربية
واحد كان سايب العربية دايرة وفيها ابنة الصغير
وهو جنب العربية راح الحرامي واخد العربية وابنوا
ورمي الواد في الشارع اللي بعدية

وواحد تاني نفس الموضوع مع مراتة وعيالة
بجد حرامية اخر زمن

وانا واحد اهو كنت واقف جنب العربية
وهيا بتتسرق مني
وشايفها وهي ماشية :D


وكمان في ملحوظة يا جماعة اي حد معاة لانسر
يحرص عليها عشان بتتسرق كتير اووي اووي
وتتباع ويضربلها ورق
بيقولولي الاسبوع اللي فات بس
افشين 11 لانسر 2007
مضروبلها ورق

فخدوا بالكوا

وعقبالك يا midzy
ان شاء اللة تلاقي عربيتك
وتابع انت في المرور
روح كدة واسأل