تمت صيانة الـ15.000 - غبور- وسياسة الصوت العالى والمعارف

**mido777** · 04-04-2008 05:06 PM

الحمد لله تمت صيانة ال 15.000 هيوانداى النترا 2007

1- دخلت الساعة 8.15 صباحا والعربية كان ترتيبها رقم 7
2- استقبلنى المهندس واخذ الملاحظات بتاعى على العربية وهى كانت الأتى:-
* وحدة رفع الزجاج لا تعمل (شكوى متكررة )
* تنظيف فلتر التكيف
* تنظيف النوتور بالأسبراى الخاص
* تركيب كلاكس
3- الساعة كانت 8.30 وقالى تعالى استلم العربية الساعة 11.30
4- ذهبت الساعة 11.30 تماما ولاقيت العربية خالصة ماعدا وحدة الرفع المهندس قالى دقيقتين وتبقى خالصة .... قولت ماشى مفيش مشكلة بس ادخل اشوف العربية واشوف الكهربائى اللى بيعمل الموضوع ده...
ودخلت ... ولم سألته هو ليه كل شويه وحدة الرفع تبوظ قالى مش عارف ؟؟؟؟؟؟؟؟
المهم فك الفيوز وركبه تانى وحدة الرفع اشتغلت وبعدين قالى الفيوز ده عايز يتغير.....
قلتله طب غيره .........راح وغاب انا شايف العربية من بعيد محدش قرب ليها تانى وبعد شويه قالى خلاص انا غيرته وكله تمام

- ازاى يا ابنى وانا شايف العربية محدش عمل فيها حاجة
وقعد يحلف انه غيره وشكله باين عليه الكذب

- ساعتها بقه انا روحت معلى صوتى وقولت ما لذ وطاب من الفاظ العشوائيات
والدنيا اتلمت وطيب اهدى واللى انت عايزه ح نعمله و.... و....
(بسبب عدم عمل وحدة الرفع قبل كده اتسرق من العربية فلوس وموبايل كانو فيها)

وبعدين كلمت المهندس عاطف على الموبايل وشرحتله الموقف والراجل مشكورا كلم المهندس ولاقيت اهتمام غير عادى بالعربية

والنتيجة ... الفيوز سبب المشكلة كان ضعيف (20) وخلى الكهربائى يعملى واحد تانى وبقوا 2 كل واحد (20)

والخلاصة ان سياسة الصوت العالى + سياسة المعارف هى اللى جابت نتيجة

- التكلف
165 قيمة صيانة 15.000
+ 20 جنية تركيب كلاكس
+20 تنظيف الموتور بالأسبراى
الأجمالى 205 جنيه

وفى انتظار مغامرة اخرى مع مستر غبور

**tutankhamoun** · 04-04-2008 05:18 PM

طيب الحمد لله إن المشكلة أتحلت ............ و بعدين نحن في مصر ......... مفيش حد بيعمل حاجة لوجه الله أو بضمير إلا لما تقل أدبك

و مبروك على صيانة 15 ألف ........ و ربنا يباركلك في العربية و يحفظك من شر الطريق

**bassam nagy** · 05-04-2008 12:18 AM

الحمد لله انهم حلوا المشكلة واتوقع ان التوكيل محتاج مراقبة من المديرين للعمال وعمتا هنا فى ابو رواش كل شوية تسمع صوت عالى بسبب عربية خارجة بنفس العيب فا دة حاجة عادية واتوقع انها بتحصل فى توكيلات تانية

**fahd_628** · 05-04-2008 12:33 AM

مبرووووووووك و ربنا يستر بقى

**معاذ الشرباصى** · 05-04-2008 08:01 AM

الحمد لله انك عملت الحاجات اللى انت عاوزها

للأسف معظم التوكيلات العمال اللى فيها مستواهم منخفض, و نادرا لما تلاقى صنايعى كويس فى توكيل, لأنه بيكسب اكتر لما و بيقى على حريته لما يبقى شغال مع نفسه

**hazem_khidr** · 05-04-2008 08:37 PM

الف مبروك يا محمد باشا
و عقبال صيانه ال 15 مليون :)

**mido777** · 06-04-2008 12:53 PM

الف شكر ليكم ياجماعة

بس بجد لازم اشيد بالمهندس / عاطف
انا عارف انى عملتله ازعاج وكلمته يوميها اكتر من مرة ورغم ان الراجل كان عنده ظروف لكن فضل يتعامل معايا بكل اهتمام

الف شكر للمهندس عاطف