كل يوم اغير ابلتين و كزندنسر لييييييييييييييه ؟؟؟

السلام عليكم و رحمة الله و بركاته

شباب المنتدى الكرام

عربيتى مازدا 323 مو 82

من 5 ايام اخدت بيها مطب صناعى عسل و كنت على سرعه و العربيه اخدت المطب و راحت مبطله و مرديتش تدور
جبتلها الميكانيكى غير ابلتين و كوندنسر و دور يا باشا دارت قولت الحمد لله
مشيت يوم كامل زى الفل و اليوم التانى عملت نفس الموضوع تبقى ماشيه تمام و بعدين تبرجل و تبطل و متدورش تانى
جبت الميكانيكى تانى غير يا عمنا ابلتين و كوندنس و دور دارت
الموضوع ده عملته اربع مرات و را بعض خلال خمسة ايام و اخرها غيرت موبينا و بوجيهات و لشه منتظر تبطل


لو جد عنده راى الموضوع ده ممكن يكون من ايه يا ريت يفيدنى

بارك الله فيكم

طيب خلاص انت قلقان من ايه طالما الموضوع اتظبلط؟

السلام عليكم و رحمة الله و بركاته

لو كان ينفع عندك. أنك تركب الأبلاتين الالكترونى ده, بدل الأبلاتين و الكوندنسر العادى اللى حضرتك بتركبه, يبقى أحسن, من حيث الكفاءة و السعر.

أنا ركبته فى عربيتنا البيجو ال505 مو 1980 و -بسم الله, ما شاء الله- كان أكتر من رااااااااااااااائع و كان ليا برضه قصة عذاب مع الأبلاتين اللى مابيقعدش معايا أكتر من شهر بالكتير و يلدع و فى الآخر استغنيت عن الأبلاتين و الكوندنسر و ركبت الأبلاتين الاكترونى ده أول امبارح فى القاهرة و العربية فرقت معايا كتيييييييييييييييييييير أوى .

الللينكين دول, قايلين كووووووووووووووول حاجة عن الأبلاتين ده :



http://www.nilemotors.net/Nile/196992-504.html

http://www.nilemotors.net/Nile/92011-a.html