صفوت الشريف - فتحى سرور | مسكوت عنهم ليه و لمين؟

**human** · 20-02-2011 12:03 PM

اخر تصريح ليهم هم الاتنين كان كلام خايب
و بعدين اختفوا خالص و ممكن نزود عليهم زكريا عزمى

الغريب و المريب ان مافيش حد بيجيب سيرتهم خالص لا بطيب ولا شرير
رغم ان الاتنين مسئولين بشده عن كم التدهور اللى وصلنا ليه

و من المعروف عن صفوت انه بتاع الملفات يعنى يقدر يطلع لكل واحد ملف

خايفين منه ولا ايه؟؟؟ مش فاهم

بس لازم نفتح الكلام عليهم

**M.Elwan** · 20-02-2011 12:31 PM

كان ف موضوع فى الدستور من يومين عن ماذا يفعل زكريا فى قصر الرئاسة حتى الان بيتكلم عن ان فى مسؤوليبن سابقين مازالو على اتصال دائم بشرم الشيخ

**Moh.Abdelbaset** · 20-02-2011 12:41 PM

الصبر

**elassar2010** · 20-02-2011 12:51 PM

ماهو دة الى مخلى الشعب يفقد الثقة فى الجيش

**gemy1** · 20-02-2011 01:03 PM

هى الناس واقفه بالمشانق للجيش ليه ؟ لو حد فيكو معاه ورق يدين الناس دى يتفضل يقدمه !!!! يا جماعه الناس دى مش سهلة و مش عبيطه و اكيد كانو عاملين حسابهم على اى ظرف زى ده يحصل يعنى مأمنين نفسهم على الاخر و فى منهم كتير حرقو اوراق فيها مصايب و من غير الاوراق و المستندات دى ماحدش هايعرف يعمل معاهم حاجه غير كده ممكن لو فيكو محامى يتفضل للنائب العام بطلب محاكمتهم بتهمة من اين لك هذا بس هل فى حد يملك دليل مادى على اى معلومه تدل على ثرواتهم ؟!! و عشان الورق ده يطلع ده لوحده اصلا موضوع مش سهل يا ريت الناس تهدى شويه و اصلا ده مش شغل الجيش يعنى كويس ان الناس دى مأمنه حدود البدل و جوه البلد براحه يا جماعه عشان احنا مالناش غير ربنا و من بعده الجيش دلوقتى لان الجيش كان طرف محايد دلوقتى بقى طرف اساسى بلاش تحطو الجيش فى موقف محرج

**grand hand** · 20-02-2011 01:37 PM

صفوت الشريف وفتحى سرور
مستنى اسمع عنهم حاجة حلوة اليومين دول
فتحى سرور ده دجال النظام
اما صفوت .......... ؟!!

**human** · 20-02-2011 01:58 PM

المشاركة الأصلية كتبت بواسطة mohamadfawzy

صفوت الشريف وفتحى سرور
مستنى اسمع عنهم حاجة حلوة اليومين دول
فتحى سرور ده دجال النظام
اما صفوت .......... ؟!!

كلنا عارفين طبعا

بس فعلا شئ محير جدا

مافيش ولا خبر ولا كلمه ولا نفس ولا حتى اى حد غلط و جاب اسمهم فى اى لقاء او خبر مكتوب او حتى اى مدونه او فيسبوك اللى ماسابش حد

ليه الاتنين مع زكريا عزمى لا صوت ولا وجود اكن لم يكن

**Ashraf A.Kader** · 20-02-2011 02:28 PM

ان غدا لناظره قريب
يمهل ولا يهمل

**mailo** · 20-02-2011 03:08 PM

أنا معرفش فالغيب طبعا بس أنا عندي يقين إن ماحدش هيعرف يمسك أي حاجة على صفوت بذات

ياجماعة هو الهدف بتاعنا إن ا ناس دي تتحكم بس ولا إنهم يتعاقبو على جرايمهم

لو عالمحكمة وخلاص ملهاش لازمة في رأيي عشان كده كده ماحدش فيهم هياخد حكم إلى إذا ثبتت عليه التهمة بتاعته وعلى حسب التهمة دي عقبها اد إيه

فائلمشكلة مش فهوا أعد فبيتو ليه
المشكلة لو اتقبض عليه هياخد عقابه ولا لأ ؟؟؟؟