الموضوع: مين اللي قال ان قبل الثورة غير بعد الثورة .. المرور مازال فيه فساد ومرتشين

كنتي سجلي ليه ب الموبيل وكنتي اعملي ليه محضر رشوة

أنا حاسس ان البلد دي عمرها ما هتتقدم زي الدول الاجنبية كده يبقا عندنا ثقافة العمل بجد عندنا شوارع نظيفة عندنا طرق وسعة تخف الزحمة وتقضي عليها نهائي شكلي كده بحلم الظاهر ان لزم ربنا ياخد الشعب ده كله ويأتي بشعب تاني غيرة يكون صالح انا بقيت محبط خلاص انا بقيت شايف ان الدنيا بتبوظ مش بتتظبط

أزيك يا فندم عاملة اية . بصى حضرتك الناس متخيلة أن بعد 25 يناير الدنيا حا تبقى المدينة الفاضلة دة مش حا يحصل بتاع المرور المرتشى عمرة ما حا يبطل الشحاتة الى فى دمة و الرشوة دة أدمان عندهم .عارفة حضرتك مثلا أمناء الشرطة الى عاملين مظاهرات لرفع اجورهم أتحدى دة لو أترفع مرتبة ل 2000 جنية مش حا يعجبة لانة بالرشوة بيجيب اضعاف هذا المبلغ . الناس بتديلهم الفرصة علشان ينهبو . المنظومة اصلا غلط و طبعا الكمبيوتر أشتغل و بقى زى الحلاوة أول ما اخد المعلوم ههههههههههههه بجد عمرهم ما حا ينضفو الا لو أتغيرو و جبتى ناس جديدة زى زمان الناس بتوع دليل التيليفونات كنتى تكلمى الدليل تحسى أن الست الى بترد حا تضرب الى بيكلمها لو طلب نمرة زيادة عن الى هيا قالتة بعد ما أتغيرت الوجوة دة الدليل بقت جدمتة كويسة جدا جدا .

المشاركة الأصلية كتبت بواسطة heshamzaky

أزيك يا فندم عاملة اية . بصى حضرتك الناس متخيلة أن بعد 25 يناير الدنيا حا تبقى المدينة الفاضلة دة مش حا يحصل بتاع المرور المرتشى عمرة ما حا يبطل الشحاتة الى فى دمة و الرشوة دة أدمان عندهم .عارفة حضرتك مثلا أمناء الشرطة الى عاملين مظاهرات لرفع اجورهم أتحدى دة لو أترفع مرتبة ل 2000 جنية مش حا يعجبة لانة بالرشوة بيجيب اضعاف هذا المبلغ . الناس بتديلهم الفرصة علشان ينهبو . المنظومة اصلا غلط و طبعا الكمبيوتر أشتغل و بقى زى الحلاوة أول ما اخد المعلوم ههههههههههههه بجد عمرهم ما حا ينضفو الا لو أتغيرو و جبتى ناس جديدة زى زمان الناس بتوع دليل التيليفونات كنتى تكلمى الدليل تحسى أن الست الى بترد حا تضرب الى بيكلمها لو طلب نمرة زيادة عن الى هيا قالتة بعد ما أتغيرت الوجوة دة الدليل بقت جدمتة كويسة جدا جدا .

والله العظيم ده الي انا قولتة احنا شعب فرعون بجد والله العظيم الرائيس الي هيجي ومش هيضرب بي الكرباج يبقا الفساد هيعم علي الناس كلها
انا الي هلقي البرنامج بتاعة اسمه تطهير الفساد وهضرب الشعب بي الكرباج واعلمة الأدب هو ده الي هنتخبة
يعني انا حكي ليك شوية مواقف شفتها من الناس الي بتنادي بي الحرية شكلهم فهمين الحرة غلط والمشكلة ان الي بينادي بي الحرية ونيتة سليمة نط علي حريتة الحرامية والمستغلين
خد عندك المواقف دي كنت رايح بلد قريبة من القاهرة كده فا الأجرة كانت 4.25 حلو السواق بعد ما العربية حملت الأجرة كام 5 ليه يا عمو الأسطا قالك هو كده محدش يوجع دماغي احنا كنا قعدين في البيت مش عارف كام يوم والسولار غالي وكلام فاضي الناس اعترضت وكان اعتراضهم مش علي ال57 قرش لي ان اصلآ ال5 جنيه ملهاش اي لزمة بس المشكلة كنت في الأستغلال المهم قالك بص انا مش طالع وابقو شوفة اي عربية تطلع بي 4.25 والله انا من حرقتي مش علي الفلوس لكن علي موقف الأستغلال قولت ليه ربنا يقعدهالك في ماتورك ههههههههههههه المهم قربنا من مصر هوبا العجلة اتخرمت الأمامية نزلنا كلنا ركب الأستبن هوبا العجلة الثانية أتخرمت واحنا وقفين علي الزراعي السواق ايه الحل فضل واقف شويه يكلم سواق مين ده لسه فين ومش عارف ايه والطريق كان واقف يعني عقبال مكان يوصل لنا كان فيها ساعة حلو راح الزبون عدي النحية التنيه بي العجلة غاب فترة فقام الكل الي ركب عربية وسابة المهم ان اخرة الأستغلال انه مخدش ربع جنية مخروم غير انه هيدفع بقا في العجلة حسب الأخرام الي فيها ولا حسب لو العجلة الي جوة لو اتقطعت لي انه مشي عليها شويه يعني من الأخر ربنا مابيسبش ده اول موقف

تاني موقف خد عندك ناس عامله كشك صغير ووخدينه وريحين جمب جامع وعايزن يحطة الكشك عند الجامع شفتة كماية الأستخفاف والأستغلال يعني خلاص ملقاش غير انه يحطه في سور الجامع متقولش هيبيع سبح وسجاجيد صلاة

خد ثالث موقف بفتح التلفزيون موجوعة من السكان يقتحمون عمارة سكانية ويستولون علي الشقق يعني سبحان الله صاحب العمارة دي ايه زنبة ولا هو سرقة وخلاص

خد عندك امبارح الشارع عندنا قام بتطوع ونظف الشارع من الزبالة والتراب الشارع بيبرق والله العظيم وغسلوة كمان حلو قام عيل ابن فرافير ماشي بي العربيه وبياكل كيس شيبسي عائلي قام رمية في الشارع بقا هاين علية احدفة بي قالب طوب علي زجاج العربية
الظاهر اني هبدق اصدق كلام الي قالة واحد من غير ذكر اسمه ان الشعب ده لسه بدري عليه انه يفهم معني الحرية وانا بقول لي اي رائيس قادم عامل الشعب بما يرضي الله ولا تنسي انه بيحب الكرباج