مطالب شعبية بالنسبة للمرور

**MOK3336** · 27-03-2011 08:42 PM

المشاركة الأصلية كتبت بواسطة gemy1

هذه مطالب شعبيه من الجماهير لتعديل قوانين المرور لتحسين الوضع الحالى :

9- عدم اثبات الموتور فى الرخصة لانة يعتبر من قطع الغيار و ليس من دواعى تغييرة ان يثبت فى الرخصه
أنا مش مع النقطة دي لأن ده من أساسيات العربية و لو عايز تعدل مفيش مشاكل بس ده يعتبر من البيانات الأساسية للسيارة

12- محاسبة الظباط على عدم التزامهم بقواعد المرور كأى مواطن
جميله جدا النقطة دي و لكني لا أظن أنها سوف تطبق بنسبة 100%
يعني تخيل معايا لواء راكب عربيته و مش رابط الحزام و ملازم واقف في اللجنة ؟؟؟
بس ده ميمنعش أن ده المفروض يحصل
13- زياده السرعات المقررة على الطرق السريعه لان السيارات حاليا اغلبها حديث و سريع بحيث اقل سيارة تعتبر سرعتها على الطريق 160 كم فى الساعه
النقطة دي ممكن تطبق لو الطريق بقي مناسب لسرعة زى دي
يعني رصف زى الناس - إضائة مناسبة - الإلتزام بقوانين الطرق السريعة و بعد كده ممكن نرفع السرعة القصوى

19- تقليل الاحتكاك بين امناء الشرطة و المواطنين لتفاوت الثقافة و التعليم بين الطرفين

طبعاً مينفعش عشان دول جزء من المجتمع و لو مشينه بقي بالمبدأ ده ايلي معاه دكتوراه م يكلمش بتاع السوبر ماركت ...؟ و هكذا ولا إية
المفروض يبقي في أسلوب تعامل معين ( من الطرفين ) مش نقلل التعامل

20- السماح بتعديل السيارات لانها ملكية شخصية و عدم كبت المواطنين فى التصرف فى املاكهم
هي نقطة جميلة بس طبعاً لازم تكون تحافظ علي سلامة الناس قبل سلامه صاحب العربية يعني يكون في ضوابط
عشان أنت عارف أحنا مصريين و معندناش ثقافة إستخدام الحرية صح
يعني تعالي كده النقطة دي تطبق
ممكن تلاقي واحد تاني يوم رسملك علي عربية وحدة لابسة مايوة ( لازم ضوابط )

**ahmed322** · 01-04-2011 03:59 PM

المشاركة الأصلية كتبت بواسطة abodi55

معاك فى كل اللى انت قلتة بس ليا تعليق على حبة حاجات

الفامية من وجهة نظرى بيمنعوة عشان ظابط المرور اللى فى الشارع يعرف يشوف اللى جوة العربية لو فى مخالفة او كدة من حزام لكلام فى الموبايل وكدة يعنى

انا برضة شايف ان الافضل الماتور يثبت فى الرخصة لان العربية اساسا هى ماتور وبودى ولو سابوها من غير ميتثبت على الرخصة هتلاقى
امة لا اله الا الله كلها رايحة مسقطة مواتير بقى من اللى قلبك يحبها وكل عربية ليا قوة تحمل مينفعش تركب موتور اكبر وبالتالى لو اتركب عليها موتور متتحملوش دوة هيشكل خطر على باقى الناس فى الطريق

اولا السرعات المقررة على اى طريق فى العالم بتتحدد على اساس حالة الفنية للطريق وهل الطريق دوة زحمة وللا لاة فية تقاطعات ولا لاة
علية خدمات زى مدارس او كدة وللا لاة والاساسى فى تحديد السرعة الحالة الفنية للطريق مش قدرات وامكانيات العربيات اللى هتمشى علية

فيبقى المفروض تتظبط الطرق فنيا الاول وبعد كدة نزود السرعة

معاك فى التعديلات الشكلية اللى متخفيش ملامح السيارة
ولكن التعديلات اللى بتغير فى قوة واداء السيارة المفروض غير اللى السيارة اساسا نازلة بية المفروض بيتقيم هل دوة عادى وامن وللا ممكن ياثر على السلامة
زى تغيير بعض الاجزاء واستبدالها وكدة يعنى

وان شاء الله مصرنا كلنا هتبقى احسن واحلى واجمل الايام اللى جاية

انا معاك فى كل كلمه انت قولتها ونفسى تحصل بجد

**ahmed322** · 01-04-2011 04:08 PM

هو الفاميه اصلا مش المفروض يكون ممنوع النهارده والواحد بيكون نازل الشارع بيركب العربيه 5 دقائق بيتشوى من الشمس ولو شوفنا دول الخليج كلهم النهارده عندهم الفاميه مش ممنوع .. بس متاح بدرجات .. فا لو الدنيا عندنا على الاقل بقت زى هناك اكيد هنبقى احسن .. ومحدش هيعمل الغلط لان كل الناس لو بتتكلم علشان الشمس يبقى اكيد هيكون حد ممانع فى كده لكن لو عايز الفاميه علشان غرض تانى يبقى لازم يمانع

**hero_xp10** · 11-04-2011 10:20 AM

كلام جميل
بس هنوصله ازاى !!

**ahmed_safwat** · 14-04-2011 01:58 PM

معااااااااااااااااااااااا اااااك

**SYD** · 16-04-2011 09:59 PM

انا معاكم في كثير من النقاط
ولكن
بالنسبة لتعديل السيارات ليه في الموتور لازم يتثبت في حين التعديل في التكييف والباور والفرامل والعفشة والجنوط مش بيتثبت مع انهم اخطر بكتير. فبالتالي اعتقد اساسا لازم يتلغي التعديلات ولو حابب بيع عربيتك وهات العربية الي بتحلم بيها
بالنسبة للفاميه انا مع من يقول فيم ورا وبلاش قدام لعدة اسباب
1- التكييف ، 90% من عربيتنا المستفيد الوحيد من التكييف هو الراكب الامامي والسائق هيبقي الي ورا لا تكييف ولا حتي مظله من الشمس
2- الخصوصية ، الواحد يبقي راكب معاه مراته ولا بنته ولا اخته ولا حتي امه وبيبقوا ناس محترمة ما شاء الله عليهم وتلاقي شاب في اشارة نازل معاكسة ولا غمز ولا حتي بص
لذلك انا أؤيد فكرة الفامية ولو حتي بدرجات ولزجاج الابواب الخلفية فقط ليس للزجاج الخلفي للسيارة الستارة تكفي، وهذا موجود كتجهيز اساسي في عدة سيارات كالجيب جراند شيروكي والرينو ميجان والسيات ليون

**muslim_nsb** · 17-04-2011 02:06 AM

كلام كله جميل وانا موافق عليه وياريت جمارك 1600 سي سي تنزل كمان زي الدول العربيةعلشان الناس تغير العربيات القديمه اللي معاها وتركب جديد بقه كفايه حرام تلوث وبيئة وحوادث لعدم وجود انظمة أمان في العربيات القديمة

**moustafamoussa** · 04-05-2011 02:58 PM

الفامية من وجهة نظرى بيمنعوة عشان ظابط المرور اللى فى الشارع يعرف يشوف اللى جوة العربية لو فى مخالفة او كدة من حزام لكلام فى الموبايل وكدة يعنى

" طيب ماهو برة في فامية بس درجة10% "

فيبقى المفروض تتظبط الطرق فنيا الاول وبعد كدة نزود السرعة
1+

وان شاء الله مصرنا كلنا هتبقى احسن واحلى واجمل الايام اللى جاية[/quote]
1+