انا عملت موقف غريب انهارده !!
كالعاده طالع كوبري اكتوبر من طلعه شبرا
وانا تاني عربيه ولقيت امين شرطه موقف الطلعه علشان في حد هيعدي
انا بجد دمي اتحرق وروحت نازل قولتله انت موقف الطريق ليه قالي في مسؤل معدي
قولتله وهو يعدي في الروقان واحنا نفضل في الزحمه افتح الطريق بعد اذنك
وقولت للي قدامي يطلع علشان انا هطلع ومش هقف قعد يقولي لأ طبعا
انا اتنرفزت قوي وقولتله ما انت كنت قاعد في بيتكم واحنا 14 يوم بنضرب في الشارع علشان نجيبلك حقك وانت ولا حاسس بحاجه
وانا بكلمه لقيت نقيب شرطه ورايا بيقولي في ايه قولتله انت موقف الطريق ليه علشان مسؤل يعدي
عايز هو بقي يعدي في الزحمه يعدي مش عايز يفضل في بتهم ولا يقدم استقاله مدام حضرتك مش قادر يصحي بدري
بصراحه النقيب قالي عندك حق وقال للأمين افتح الطريق دي رغبه الناس ولازم ننفذها وقالي انا أسف
وفعلا عديت
ارجوكم يا جدعان اللي يشوف غلط يصلحه دي فرصتنا الوحيده اننا نتغير
محدش يبقي سلبي وياريت الكل يحس بالناس اللي ماتت علشان نعيش في حريه وديمقراطيه حقيقيه