معلومة عن مراية الصالون.... ماحدش كتير يعرفها
السلام عليكم اخوانى الافاضل
حبيت اقول معلومة عن مراية الصالون واللى ماحدش كتير يعرفها وبتتلخص فى الزرار اللى تحت المراية
وظيفته اييييييه؟؟؟؟؟
اولا بص فى المراية وحاول تشوف سقف العربية ...... هاه شايف ايه ؟؟؟؟؟؟
بالظبط كده صورة انعكاس الزجاج الخلفى موجود فى السقف بس لون غامق زى الفامية
لو نزلت زرار المراية لتحت(بحيث يبقى باين من تحت المراية) هتشوف الانعكاس ده بس بزاوية مظبوطة وانت فى مكانك من غير ما توطى
وظيفة الزرار ده بقى انه بيغمق الرؤية من الزجاج الخلفى عشان يحد من ضوء كشافات السيارات الخلفية اللى بتزعج السائق ليلا
المعلومة دى عرفتها بالصدفة من احد الموضوعات واكنت اقتراح كده فى النص من احد الاعضاء (بخصوص الستائر الخلفية) واسمها وضع المراية نيجاتيف negative يعنى الوضع السلبى للرؤية
اتمنى اكون قدمت معلومة تخفى على الكثيرين وانا كنت وحد من ضمنهم
