اشتريت بطارية جديدة للعربية بعد سنتين

**Bishoy.Girgis** · 20-02-2011 03:57 PM

أحبائي اعضاء قسم نيسان

انا غيرت بطارية العربية

الحمدلله تم تغيير البطارية بعد سنتين استخدام باليوم و الدقيقة بس السبب في التغيير ان العربية طبعا قعدت في الجراج اسبوع المظاهرات كله و لما جيت ادورها لاقيتها مفيهاش نفس خاص يعني يا دوب تنور لمبات الطابلوه و تشغل السنتر لكن المارش مش بيدور العربية خالص

المهم فكيت البطارية طبعا و روحت اكشف عليها فالراجل قالي ان مياه البطارية كويسة لكن نحطها علي الشحن و نجرب و نشوف هتعمل ايه و يمكن تشتغل كويس معاك تاني بس لازم علي الاقل تدور العربية كل يومين عشان البطارية متنامش منك

طبعا من فترة مكانش عاجبني دوراة العربية و لما روحت عشان اكشف علي البطارية كنت عامل في حسابي اني هشتري واحدة جديدة جافة عشان اشيل من دماغي موضوع البطارية السائلة و مشاكلها

المهم قولت ان البطارية قعدت سنتين و كفاية عليها اوي كده لأن ممكن احطها دلوقتي علي الشاحن و بعد كده الاققيها نامت تاني او لو سبت العربية في الجراج يومين الاقيها نامت و ممكن يحصل حاجه طارئة و اكون عايز العربية و الاقي المشكلة ديه

المهم غيرت البطارية و جبت بطارية جميلة و ناس كتيرة بتشكر فيها اسمها اكترون actron بطارية سعودي 55 ديم جافة عاملة 415 جنيه و لما الراجل اخد القديمة دفعت فقط 350 جنيه

اللي كانت في العربية كانت 45 ديم و في ناس قالولي من جوا التوكيل هات 55 ديم

بس هي النقطة اللي بسأل فيها هل ديه مش هيكون حمل علي الدينامو بتاع العربية انه يشحن بطارية اعلي من اللي كانت في العربية ؟

مستني ارائكم و تقولولي ايه رايكم في البطارية الجديدة

**sedyrohy** · 20-02-2011 05:10 PM

الف مبروك با بيشوي باشا و تعيش و تغير

مهم جدا النقطه بتاعت ال 55 و ال 45 ديم متابع باهتمام

**SonaSteel** · 20-02-2011 06:02 PM

السلام عليكم
بيشوي بيك ........ كيف حال سعادتك يا جميل :))
هو تقريبا ان بطارية النيسان اصلا 55 ديم السائلة ... ان شاء الله هابقي اشوف الضمان وارد عليك او ابص علي البطارية
متابع طبعا باهتمام ..... مشكور علي التقرير الجميل ده وفي انتظار التقارير الاحلي ان شاء الله :))))

**Ahmed.TV** · 20-02-2011 10:55 PM

الف مليون مبروك يا بيشو البطارية

ليه ما جبتش حاجة من دول

Varta
Hankook
ac delco

على فكرة انا كمان قريب جدا حغير بطارية بردوا , واحتمال اغيرها ب55 امبير ههههههههههههههه

بص : هو المفروض ماتزودش عن السعة المطلوبة واللى نصح بيها كتاب الضمان للسيارة
عشان ميحصلش اى جهد مضاعف على الدينامو فعلا وميفضلش يشحن كتير , بس الكلام ده فى العربيات القديمة , واللى مفهاش شغل كهرباء كتير

انت عندك شغل كهرباء كتير من زجاج كهرباء ووحدة رفع وممكن يكون حتركب زينون وفوجات ,وغيره وغيره , حيكون كويس ليهم طبعا لو جبت اعلى , وحلو اوى ال55 امبير كمان , لان طبعا كل ده بياخد من البطارية والدينامو

انا احتمال كمان لو ركبت زينون وسماعات اجيب بطارية 70 امبير

على فكرة انا من فترة كنت سالت التوكيل قبل كدا قالوا انهم بينصحوا اصلا لما حد بيغير البطارية انه يغيرها الى 55 امبير

فا انت فى التمام يا باشا

**Bishoy.Girgis** · 20-02-2011 11:16 PM

المشاركة الأصلية كتبت بواسطة sonasteel

السلام عليكم
بيشوي بيك ........ كيف حال سعادتك يا جميل :))
هو تقريبا ان بطارية النيسان اصلا 55 ديم السائلة ... ان شاء الله هابقي اشوف الضمان وارد عليك او ابص علي البطارية
متابع طبعا باهتمام ..... مشكور علي التقرير الجميل ده وفي انتظار التقارير الاحلي ان شاء الله :))))

متشكر يا جميل
علي فكرة اللي في العربية 45 ديم و سائلة و رخمة هههههههههههههههه
طبعا لسة في ضمان علي البطارية القديمة بس اللي هيعملوا الضمان فقط انه هيغير البطارية و التوكيل هيدفع بس ربع ثمن البطارية الجديدة بعد سنتين من الاستخدام
و انا كنت كتبت الموضوع ده عن البطارية و اللينك معاك اهوه يا باشا
http://www.nilemotors.net/Nile/177196-a.html
فأنا لاقيت اني لما هبيع القديمة و اشتري الجديدة هتبقي هي هي
فقولت اخلص و اشتري لأن كمان الوقت قصير
و الحمدلله

**SonaSteel** · 21-02-2011 03:14 AM

المشاركة الأصلية كتبت بواسطة peaceman

متشكر يا جميل
علي فكرة اللي في العربية 45 ديم و سائلة و رخمة هههههههههههههههه
طبعا لسة في ضمان علي البطارية القديمة بس اللي هيعملوا الضمان فقط انه هيغير البطارية و التوكيل هيدفع بس ربع ثمن البطارية الجديدة بعد سنتين من الاستخدام
و انا كنت كتبت الموضوع ده عن البطارية و اللينك معاك اهوه يا باشا
http://www.nilemotors.net/nile/177196-a.html
فأنا لاقيت اني لما هبيع القديمة و اشتري الجديدة هتبقي هي هي
فقولت اخلص و اشتري لأن كمان الوقت قصير
و الحمدلله

ربنا يبارك لك فيها يا بيشوو ... وان شاء تظبط معاك ويكفيك شر طريقك
تقبل مروري

**Bishoy.Girgis** · 22-02-2011 12:41 AM

المشاركة الأصلية كتبت بواسطة elsayed

اولا مبروك البطاريه الجديده
ثانيا الافضل تغير فعلا ب 55 امبير بدل 45 امبير وده مش هيأثر على الدينامو كتير فى الشحن ولكنه يفيد فى الاستهلاك الكتير للكهرباء لان الامبير هنا هو اقصى حمل يمكن ان تتحمله العرييه حتى لو ان استخدامك للعربيه لا يزيد عن 45 فهى ستعطيك ال45 والباقى يكون عامل امان وزياده فى حالة الحاجه

شكرا ياباشا علي مرورك و علي التوضيح لأني كنت قلقان شوية من الموضوع ده بس الحمدلله ان كده كله تمام

-

-

الموضوع: اشتريت بطارية جديدة للعربية بعد سنتين

LinkBack

أدوات الموضوع

عرض

اشتريت بطارية جديدة للعربية بعد سنتين - انشر الموضوع فى :

-

-

-

-

-

-

المواضيع المتشابهه

اشتريت بطارية جديدة (أوبل فيكترا بي)

اشتريت بطارية جديدة

اشتريت معطر للعربية و عايز اسأل عن حاجة

عايز بطارية للعربية

عايز بطارية للعربية..؟؟؟

الكلمات الدلالية لهذا الموضوع

المفضلات

المفضلات

ضوابط المشاركة