لمبه Check منوره

**sammor_28** · 04-04-2008 06:48 PM

ياشباب انا لسا شاري النوبيرا امبارح العربيه زي الفل والحمد لله بس انهارده الصبح روحت المنصوره وانا راجع لمبه Check البرتقالي اللي في التابلوه نورت ومابتنطفيش خالص وانا بصراحه قلقان وانا مشيت عليها كده من المنصوره عادي ولا ايه؟ وايه اللي اعمله عشان تروح اوديها التوكيل ولا ايه ؟؟؟؟ ارجو الأفاده ياشباب

**emadno1** · 04-04-2008 08:02 PM

الف مبروك على العربيه
اطلع بيها على التوكيل فورا انت لسه فى الضمان بس راجع على الزيوت و السيور فى مكانها قبل ما تتحرك
بس متقلقش اوى غالبا حتبقى فيه سينسور و لا حاجه مش متركب كويس او حاجة عبيطة بس لازم تروح علشان تطمئن

**MMamdouh** · 05-04-2008 01:25 AM

اولا الخطورة لو اللمبة بتنور و تطفى زى لمبة الفلاشر و كدة لازم تقف فورا... اما لو منورة على طول يبقى ممكن تمشى بس اكشف عليها فى اقرب وقت

لو العربية زيرو ارجع للتوكيل... لو مستعملة و برة الضمان روح لحد عندة سكانر يكشفلك على العطل

MMamdouh

**MMamdouh** · 05-04-2008 03:21 PM

اساسا اى عربية مستعملة لازم تغيرلها الكاتينة و الشداد و لو معدية 80 الف تغير طلمبة ميه عشان تبعد نفسك عن مساكل الكاتينة

مش شرط التوكيل لان دلوقتى فيه ورش كتير عندها السكانر و بتكشف على العربية باسعار اقل من التوكيل... دجا غير ان لازم تغير الزيوت و الفلاتر و البوجيهاتو تنضف البوابة و كل دة حيفرق معاك فى السحب

MMamdouh

**sammor_28** · 06-04-2008 03:46 AM

اسف استاذ ممدوح قريت الأسم غلط

**emadno1** · 06-04-2008 03:59 AM

سؤال مهم ايه الفرق بين ان اللمبه تنور و تطفى او تنور على طول

**sammor_28** · 06-04-2008 04:08 AM

طيب ممكن ياأستاذ ممدوح تدلني على حد كويس بره التوكيل اكشف عنده بالأسكانر وسؤال كمان ياأستاذ ممدوح معلش تقلت عليك العربيه طبعا عامله 118000 ايه اللي المفروض اني اغيره عشان ابقى مطمئن (والتكلف تقريبا تبقى كام) خصوصا اني بسافر كتير وفي اي وقت عشان كده لازم ابقى مطمئن عالعربيه كويس ومعدل استهلاك البنزين للنوبيرا المانيوال كام داخل المدينه وخارجها لأني اول مره اركب نوبيرا وعايز اعرف .... اسف عالأطاله