عرض للطباعة
السلام عليكم
عايزه اشترى مصابيح شبوره اركبهم فى العربيه
مش عارفه ايه افضل نوع وسعره حوالى كم؟
لقيت حاجات فى السوق كبيره وحاجات حجمها صغير
وحجات لونها ابيض وحجات لونها اصفر
مش عارفه ايه افضل الابيض ولا الاصفر؟ ولا فيه الوان تانى افضل؟
والكبير ولا الصغير؟
وايه افضل نوع ممكن اشتريه؟
-------------------------------------
كمان عندى الزجاج يدوى والسمكرى قال اشترى مكن رفع وانا اركبو
ايه افضل نوع اشتريه يكون كويس وملهوش مشاكل
وعندى جهاز الانذار نوعه Wolf ، ايه افضل مكنه رفع اربطها بالانذار
شكرا
لو الزجاج يدوى
الاول تحوليه كهربا
التانى تركبى مكنة رفع
دى فايدتها اما تقفلى السنتر ......... الزجاج يقفل لوحده
تحويل الزجاج لكهربا
بتجيب مكنة زجاج كهربا وزراير
فيه انواع استاندر لاى عربية
بتفتحى فى التابلوة او فر فرش الباب وتركبيه
طيب مكان الاكرة
بتجيبى طبة بنفس لون الباب
دى بتكون قطعة بلاستيك مدورة بنفس لون فرش الباب
وتركب مكان الاكرة
او
تجيبى كل الموضوع ده من عربية استيراد من الحرفيين
ساعتها هتجيبى المكنة والفرش الاصلى وخلاص
نوع اعتقد spy كويس
الشبورة
تختارى مقاس يكون مناسب لشكل الاكصدام
مستطيل او مدور
الاصفر افضل لانه بيبان فى الشبورة الصبح عن الابيض
الاحسن المكن الاصلى بتاع العربية وبيجى استراد بالفرش بتاع البيبان لان الحاجات الاستندرد الى بتركب على اى عربية بيبقى شكلها سئ لان هى اصلا ملهاش مكان فيحطها على التبلوة او قدام الفتيس او بين الفتيس والهاند و بيبقى شكلها غبى مش ماشية مع شكل العربية
وحدات الرفع بتاعة الازاز توكيل ولف عندة وحدات رفع وهما هيظبطوهم على الانذار ومع السنتر
A.Saad
Angel_wolf
شكراً جزيلاً
انا الى اقصده (مش عارفه اسمها ايه) وقولت عليها مكنة رفع
الموتور او المكنه الى بتتحط داخل الباب الى بتحول الزجاج من يدوى لكهربا
ايه افضل نوع ؟
عربيتى bmw e21 1980
اقتباس:
المشاركة الأصلية كتبت بواسطة MarEgypt
الماتور او المكنة اللي بتحول الزجاج الي كهرباء ....من الافضل انك تجيبيها من الحرفيين ...و تسألي علي مكنة زجاج كهرباء ل bmw e21 ......حيفكهالك من عربية زي بتاعتك بس جاية من بره و زجاجها كهرباء.....
ده افضل حاجة....لأن كل اللي في السوق صيني للأسف
شكراً د. احمد فوزى
بس تقريباً الموديل بتاعى منزلش بزجاج كهربا اصلا .. مش متأكده
لو الكلام دا صح ! ايه افضل بديل ؟
اقتباس:
المشاركة الأصلية كتبت بواسطة MarEgypt
العفو يا فندم علي ايه
حتلاقي يا فندم عربيتك الزجاج الكهرباء موجود لأنها بتنزل بره بجميع الكماليات......طيب لو قالولك مفيش......ممكن تجيبي مكن زجاج كهرباء bmw بردو....يعني مثلا bmw 320i.........طيب لو مفيش ......يبقي تروحي لمحل او مركز تصليح ابواب و مفاتيح......و هو عنده مكن زجاج استيراد بيظبطه علي عربيتك و بيركبهولك....و في الحالة ديه لو حيعملك الاربع ابواب بالزراير مش حتعدي ال 600 جنيه....و لو البابين اللي قدام بس حيبقي حوالي 400 جنيه......و انا تحت امرك في اي استفسار
طب لو انا عايز اعمله فى فلشيا سكودا يعنى اعمل ايه؟؟؟؟؟؟؟؟
شكراً جدا د. احمد فوزى
انا عندى العربيه اساسساً 2 باب
سمعت ان اليابانى كويس
نفس الكلام يا بيسواقتباس:
المشاركة الأصلية كتبت بواسطة bisoolover
تشوف الحرفيين او عزبة شلبى
يكون فيها عربيات استيراد تجيب منهم مكن ليك وتركبهم
والفرش زى ما قلت فوق
يا تجيب برده فرش استيراد
يا تجيب طبات من التوفيقية ودى كتير
الكلام ده 10 على 10 ومافيهوش خلاف
الف شكر يا A.Saad
السلام عليكم
طب التكلفه تكون كام فى المكنه بتاعت الفليشيا ؟
وهل بتفرق فى الموديلات
يعنى 97 معى مش فيها مكنه ازاز؟
بس موديل 98 فيها بس وش اكتوفيا هل بتنفع تركب عليها ؟
وجزاك الله خيرا يا استاذ سيد