عايز أشترى جهاز انذار مفتاح فى الريموت فى إسكندرية

السلام عليكم ورحمة الله وبركاته
من فضلكم عايز أشترى جهاز انذار مفتاح فى الريموت فى إسكندرية
يعنى دلونى على محل محترم أشترى منه ، وبالمرة كهربائى جدع يركبه
وجزاكم الله خيرا ..

من سموحة يا معلم هتلاقى محلات ياما واحسنهم قبارى وهيركبهولك وانت واقف

سعيد نصار كمان في سموحة جنب عزبه سعد اسعاره تمام اما لو عايز كهربائي هما كتير بس متوسط اسعار التركيب حوالي 50 جنية

شكرا تيموو 110 بس قبارى ده فين بالظبط فى سموحه

شكرا ميدو 80 ألف شكر

الله يخليك خللي بالك من حاجة مهمة
طبعاً من تجربة سابقة مع جهاز حماية المستهلك عرفت أد إيه مهم إن الواحد ياخد فاتورة بالحاجة اللي بيشتريها عشان يعرف ياخد حقه منهم في حالة لا قدر الله طلعت الحاجة معيوبة
مالا يقل عن 5 محلات في سموحة رفضت كلها تديني فاتورة ضريبية معتمدة
فاتورة معتمدة يعني عليها اسم المحل والعنوان ومطبوع عليها رقم البطاقة الضريبية والسجل التجاري ومأمورية الضرائب اللي تابع لها المحل
أو على الاقل كشف حساب ويكون عليه البيانات دي مختومة
كلهم بلا استثناء رفضوا
بالرغم من ان كان فيه واحد هايوافق ويديهالي بعد ما اشترط يزود في تمن الانذار 10% وانا كمان وافقت
الا انه كان فاكرني هارفض فلما وافقت قاللي احنا اسفين مش بنطلع فواتير لان كل بضاعتي تهريب :)
فخللي بالك كويس من النقطة دي