استاذ عماد..وأستاذ محمود
أقول إيه بس!!!!!!
فاكر المشهد بتاع الرائع عبد المنعم مدبولي ..(أنا مش قصير قزعة ..أنا طويل وأهبل)
فكرة تكرار الكلام .. لدرجة إن الناس تصدقه
هوا ده إلي حصل طول السنين إلي فاتوا
مصر مبارك..مصر مبارك .. مصر مبارك
لما الناس فعلا صدقت إن مصر مبارك ..مش مصر المصريين
والناس إلي صدقت إن مصر مبارك ..مبارك الأمان ..مبارك الإستقرار
الناس دي بتصحى الصبح تلاقي :
رغيف عيش..أي نعم العيش زبالة ومايتكلش ..بس مش مهم ياراجل طالما لاقيينه .في الصومال مش لاقيين ياكلوا
طبق فول .. هوا صحيح معلقة الفول بنص جنيه وغالي ....بس مش مهم طالما لاقيينه ..في الصومال مش لاقيين ياكلوا
وكباية شاي..هوا صحيح كيلو السكر غاااالي ..بس مش مهم يااراجل,,في الصومال مش لاقيين ياكلوا
الطبقة القذرة إلي سفهت أحلام المصريين ,,, وبقا حلم كل مصري ..إنه يكون له أمين شرطة معرفة(واسطة)
أو يقدر يكمل الشهر من غير مايستلف ..ويبوس إيده وش وضهر
تبقا عبد عن سيد...بيفطر من لحمك كل يوم الصبح...والفضيحة إنك تبقا راضي ومبسوط
جريمة سرقة أموال الناس وأراضي الدولة ..تتضأل كثيرااااااااااااااااااا
كثيرااااااااااااااا
أمام تحقير أحلام الناس
أي مواطن في أي دولة ,,,هتلاقي له طموحااااااااااااات كبيرة
إحنا هنا
طوال 30 سنة ..أحلامنا فضلت تصغر ..تصغر ..تصغر ..تصغر
لحد ماوصلت إنك تكمل الشهر من غير ماتستلف..هوا ده حلم كل مصري
وحلم كل مصري إنه يجيله عقد عمل في الخليج..يروح يشتغل عبد علشان يأكل عياله
هي دي الجريمة التي لاتغتفر
أجيال عدت ..وأجيال جاية..كانت وهتفضل أحلامها أنها تلاقي تاكل
هي دي الحسرة إلي وجعاني
وبالنسبة للأسلوب بتاعي
ده مجرد تشبيه لاأكنر ولا أقل..محدش يطلع يقول(الريس ده أبويا)غير شخص مغيب زي الي بيشرب مخدرات
ولو الكلام
أنا مفقوووووووووووع من واحد سفيه(وأنا مصمم على التسميه)..طالع يقول(أسف ياريس)
وسفيه دي أقل شئ يوصف بيه
تعرف من هو الرويبضة:هو السفيه يتكلم في أمر العامة
==================
وحضرتك قولت والدك أو والدتك ..او فلان ممن تحترمهم بيحبوه؟؟
طيب إطلب منهم يصلوا .. ويدعوا ربنا إنهم يتحشروا معاه
وصدقني
مش هيعملوها
هما محتاجين بس قعدة طويلة ..وكلام مقنع علشان يخرجوا من الغيبوبة إلي هما عايشين فيها من زماااان