الموضوع: تجربة شراء سيئة من اتو ايجيبت

السلام عليكم،
مش هطول عليكم بس دى كانت قصه شرائى لعربيه صنى 2011 مانيوال ABS
انا رحت للمعرض ده وكنت متوقع انى هلاقى هناك معامله كويسه على اساس انهم يعتبروا من الوكلاء الكبار لنيسان
بس للاسف طلع غير كده ادونى سعر كويس اوى للعربيه و ثبتونى بأن العربيه موجوده واللون اللى عايزه متاح وكله تمام و ان احنا مش هنفرض عليك بنك او شركه تامين معينه (لانى كنت ناوى اخدها قسط) و كمان عليها هدايا.
المهم جبت الاوراق الازمه للقرض وطلبت منهم يرشحولى بنك و بدأو فى الاجراءات.
يوم و التانى واسبوع و التانى و انا كل شويه اكلمهم مره يردو و عشرين لأ و كل شويه اعدى عليهم و يسمعونى نفس الكلام (خلاص كلها يوميين و نخلص) لحد ما بجد كرهت العربيه وكرهت اللى ييجى من وراها.
المشكله الاكبر انى كنت دافع مقدم العربيه كامل (20%) يعنى مش فاضل غير ان البنك يخلص و استلم
اكتشفت فى الاخر انهم بيعملو كده لان العربيه سعرها هيزيد و كانو مأخرنى للسبب ده دا طبعا بعد ما كلمونى و قالوللى ان العربيه سعرها زاد 1500 جنيه وتقريبا كله تمام.
طبعا اشتكيت لمدير المبيعات و كلمت نيسان على 16244 و كل واحد يقوللى اه انت عندك حق تاخدها بالسعر القديم، و مفيش حد بيعبرنى بعدها

من الاخر محدش يشترى من المعرض ده لانهم اساتذه تثبيت
يديك سعر فى العربيه كويس اوى و بعدين يطلع عينك من التثبيت والكلام الحلو و اول ما تزهق يقوللك خلاص احنا خلصنا و ممكن بس معلش (سعرها زاد)
وطبعا اى حد تانى بعد اللف و البهدله دى كلها يوافق لانه ما هيصدق انه هياخد العربيه و يخلص

معلش طولت عليكم بس حبيت احكيلكم على تجربتى اللى بهدلتنى مع المعرض(..................................)ده وياريت حد ينصحنى بوكيل لنيسان يكون كويس

شكرا
احمد


---------------------------
تنبيه للعضو بالالتزام باداب الحوار وعدم الخروج عن النص
برجاء مراجعة قواعد وقوانين المنتدى
مشرف القسم

المشاركة الأصلية كتبت بواسطة ahmed.tv

تانى وتالت يا جماعة , عشان بس محدش يقول اننا بندافع على حد

بنقول ننقد مفيش مشكلة ونتكلم براحتنا , لكن تعميم مينفعش , ومنقدرش نفرض على حد يتعامل مع احمد وميتعاملش مع حسين

منقدرش نقول للناس اكرهوا حد وابعدوا عن حد ولا نقدر نحبب حد فى حد

ده غير لازم يكون فى حاجة تستند على كلامنا ,وارواق ومستندات تثبت كلامنا طالما حندخل فى قصة لا منتعاملش ونتعامل ,لان الكلام ده يعتبر تشهير اذا مكنش مستند باوراق ووقائع تثبته وحصلت وقائع من دى كتير واصحاب المشاكل دى دخلوا فى قصص ودوامات

وكلامى ده على سبيل التوضيح مش اكتر

بخصوص اتو ايجبت انا مش حزود حاجة عن الكلام اللى قاله حسين بصراحة , من ناحية سمعت الشركة, ومن ناحية حصيلة توزيعها للسيارات الكبيرة اللى بتحصل عليها من نيسان

وحسين سرد تجربته وخير مثال بردوا !!!

الناس هناك محترمة لدرجة كبيرة جدااااا

معلش يا حسين بعد اذنك ححكى حاجة
الناس دى محترمة جدا بعد خدمة البيع مع ان شغلهم بيخصل بعد ما بيسلم العربية , حسين عدى عليهم قبل كدا بعد ما اشترى بفترة , ونقلوا ليه مكان السنسور بارك , وكمان اعطوه ستارة هدية وشماسة , من غير ما حد يطلب منهم حاجة

وقصة شراء العربية انا كنت خير شاهد ومتابع مع حسين خطوة بخطوة

والحمد لله قدرنا نجيب لحسين خصم كبير وكان اكبر خصم ممكن تحصل عليه من موزع معتمد , والكلام ده قبل الزيادة اللى حصلت فى عربيات نيسان من نص شهر ديسمبر , وكان فعلا وقتها قالوا لينا حاولوا تحجزوا باى حاجة عشان الاسعار حتزيد وتاخدوا بالاسعار القديمة

كانوا فى منتهى الصدق فى النقطة دى


انا معرفش ايه اللى حصل مع حضرتك فى موضوعك وايه اللى اخرك طالما كنت حاجز بالسعر القديم كمان من قبل 30 -12 وكمان مااستملتش من نص ديسمبر اصلا لغاية قبل الثورة !

ياريت حضرتك تبعتلى على الخاص اسمك بالكامل , واسم الفرع اللى حجزت فيه , واسم اللى بتابع معاه

وانا حشوف لحضرتك الموضوع باذن الله من الادارة نفسها كمان

وتاكد لو ليك حق حتاخده اكيد
تحياتى

استاذ احمد انا بجد حاولت معاهم بس للاسف من غير نتيجه
انا جديا هشتكيهم فى جهاز حمايه المستهلك و معايا كل اللى يتبت ان معايا حق، و لو لى حق اكيد مش هسيبه