الموضوع: المساعده من خبراء اللانوس

السلام عليكم

اشتريت من 3 شهور عربيه دايو لانوس موديل 2008 عامله 35 كم المهم من يومين العربيه حسيت انها مخنوئه فى الاول و التانى و بعد فتره مبقدتش تطلع خالص الا لما تجيب ار ب م 5 و لو نقلت على الاول لو التانى و شلت رجلك من على الدبرياج العربيه مبتبضلش خالص

المهم ناس كتير قالولى ده طقم دبرياج انا عايز اخد رايكم ده دبرياج ولا ايه ؟

ولو كان دبرياج لو عايز اصلحو فى التوكيل ... احسن توكيل ايه الى فى ابو رواش ولا الى فى شارع التحرير
وياترى هيكلفنى كام بالمصنعيه ؟؟؟؟

ممكن تروح التوكيل وتطلب منهم تعرف سبب المشكله ايه ولو الموضوع دبرياج مش مستاهل توكيل اعمله بره عند الميكانيكى بتاعك وخلاص ولو انت عندك ميكانيكى روحله وهو هايقولك المشكله فين بالضبط ولو معندكش ابعت قول انت ساكن فين والزملاء هنا هايقترحو عليك حد قريب ويكونو مجربينه
ربنا يوفقك