البرادعي يرى ان اجراء انتخابات مبكرة في مصر سيطيح بمكتسبات الثورة

انقرة (ا ف ب) - صرح المعارض المصري محمد البرادعي الاحد للصحيفة التركية ملييت ان تنظيم انتخابات مبكرة في مصر سيقضي على مكتسبات "الثورة" وسيعيد الحكم الى انصار الرئيس السابق حسني مبارك.
وقال البرادعي الحائز على جائزة نوبل للسلام محذرا "ان تسرعنا ونظمنا انتخابات في غضون اربعة او خمسة اشهر فان الثورة ستصبح بحكم المنتهية، والنظام السابق سيستمر تحت قناع جديد".
واضاف ان حزب مبارك الذي تنحى تحت ضغط الشارع "يعتزم العمل على عودته تحت شعار جديد. هؤلاء الناس يملكون اصلا كل شيء: المال ووسائل الاعلام... والذهاب سريعا الى الانتخابات يعني السماح للنظام السابق بالعودة مجددا الى الساحة بوجه جديد".
ودعا البرادعي الى تشكيل "مجلس رئاسي" مؤلف من مدنيين اثنين وعسكري لادارة مرحلة انتقالية تتضمن تشكيل مجلس تأسيسي واستفتاء على دستور جديد وتقوية الاحزاب السياسية قبل اجراء انتخابات في غضون سنة باقل تقدير

المصدر : مصراوى


التعليق
: اول حاجة الخبر جاى من صحيفة تركية ، هو سيادته سافر تركيا ولا ايه
ولو سافر ايه سبب السفر ؟؟؟؟؟؟؟؟
ده ايام التظاهرات كان كل 6 دقايق يطلع فى قناة يقول :
لا بد من اسقاط النظام
لا بد من تغيير الدستور
لا بد من ...........
غير كلامه دلوقت ليه ؟؟؟؟؟؟
وايه سبب المجلس اللى هو عايزة
هل المجلس الاعلى للقوات المسلحة مش عاجبه ولا هما خونة
طب ما يقول
ولا خايف منهم ولا خايف يغضبهم
ازاى عايز يترشح لرئاسة دولة وهو لا بيفكر ولا بيعرف يخطط ولا عنده بعد نظر
ربنا يرحمنا من الناس دى
وبعدين ليه مستخف بالشعب كله
يعنى احنا كش هنعرف نفرق بين اللى كان حزب وطنى وبين اللى مكنش فى الحزب
وان عوة بتوع الحزب الوطنى بشكل جديد هتخدع الناس فيهم

بالراحة علي الراجل أنت داخل حامي عليه كده ليه. أولا هي الصحيفة التركية مينفعش تعمل معاه حوار هنا في مصر ثانيا هو مغلطش لما قال ان الانتخابات تكون بعد سنة ودا يعتبر بعد نظر منه وذلك لكي تتاح الفرصة للاحزاب الجديدة اثبات وجودها حيث اننا الآن امام واحد من اثنان علي الساحة اما الحزب الوطني أو الاخوان المسلمين ثالثا الحزب الوطني يعمل الآن علي تغيير جلده ولا ننسي جميعا ان لا تزال ذيول الحزب منتشرة في ارجاء البلاد رابعا لابد من وجود فترة من الزمن كافية وذلك لنشر الوعي السياسي داخل المجتمع وهذا ليس بالسهل

وجهة نظر الدكتور البرادعي سليمة 100% و ستة شهور فترة قليلة جدا لإتمام كافة الإصلاحات الأساسية اللازمة لنهضة مصر، يكفي الخبر الذي نقله زميلنا في المنتدى عن تجميع صور البطاقات في الزقازيق بعشرين جنيه الصورة على يد أحد أعضاء مجلس الشعب السابقين من الحزب الوطني.
إقامة الانتخابات بعد ستة أشهر تعني العودة إلى النظام القديم بحزبه الوطني وإخوانه ومستقليه وكأنك يا أبو زيد لا رحت ولا جيت.
الدكتور البرادعي سياسي نادر صلب العزيمة لا يلين وثابت على موقفه حتى النهاية وهو السياسي الوحيد في مصر الآن كذلك.

هو بعد نظر سيادته مكنش ليه موجود وهو بيطالب ويصرخ كل شوية ويقول كامل النظام لازم يتغير ويتحل
مكنش لسه عارف ان فيه بقايا للحزب الوطنى
مينفعش واحد بيفكر يرشح نفسه للرئاسة يبقى ده طريقة تفكيره

اقتباس:

---

المشاركة الأصلية كتبت بواسطة د.أبونضال

وجهة نظر الدكتور البرادعي سليمة 100% و ستة شهور فترة قليلة جدا لإتمام كافة الإصلاحات الأساسية اللازمة لنهضة مصر، يكفي الخبر الذي نقله زميلنا في المنتدى عن تجميع صور البطاقات في الزقازيق بعشرين جنيه الصورة على يد أحد أعضاء مجلس الشعب السابقين من الحزب الوطني.
إقامة الانتخابات بعد ستة أشهر تعني العودة إلى النظام القديم بحزبه الوطني وإخوانه ومستقليه وكأنك يا أبو زيد لا رحت ولا جيت.
الدكتور البرادعي سياسي نادر صلب العزيمة لا يلين وثابت على موقفه حتى النهاية وهو السياسي الوحيد في مصر الآن كذلك.

---

يا دكتور
حضرتك كنت كنت من مؤيدى الرحيل الفورى للنظام
الرئيس والحكومة
يا ترى ممكن اعرف ايه راى حضرتك وتفكيرك فى الفترة الانتقالية
يعنى تدار ازاى

الردود ممتازه
فعلا كل يوم البرادعي بيزيد اقناعي به

طبعا كلنا مع الرحيل الفورى للنظام و البرادعى كمان

هو عايز فترة يظهر ناس علشان ترشح نفسها للانتخابات سواء الرئاسة او مجلس الشعب و الشورى لان مفيش على الساحة غير الحزب الوثنى و الاخوان و الناس متعرفش حد غيرهم
يبقى لازم يبقى فى فترة على الاقل سنة مثلا نشوف مرشحين فى التليفزيون و يتكلموا عن نفسهم و يقولوا برنامجهم ايه و ايه اللى هيعملوه و حلولهم ايه لمشاكل مصر و هيتصرفوا ازاى فى حاجات كتير و تغيير ثقافة الناس و يدوا الجهلاء و المغيبيين دروس سريعة فى الديموقراطية و مش اى حد يديك فلوس تنتخبه و الكلام ده.

اللى كان مطلوب ان مبارك ميكونش موجود فى الفترة الانتقالية دى علشان ميخربهاش هو او اتباعه

كلام البرادعى 100% مظبوط , لو اتعملت انتخابات دلوقتى تقدر حضرتك تقولى هتنتخب مين؟
لازم نشوف وشوش غير المحظورة ( اللى هى الحزن الوطنى) و الاخوان علشان نعرف نقرر

اقتباس:

---

المشاركة الأصلية كتبت بواسطة som3aa

طبعا كلنا مع الرحيل الفورى للنظام و البرادعى كمان

هو عايز فترة يظهر ناس علشان ترشح نفسها للانتخابات سواء الرئاسة او مجلس الشعب و الشورى لان مفيش على الساحة غير الحزب الوثنى و الاخوان و الناس متعرفش حد غيرهم
يبقى لازم يبقى فى فترة على الاقل سنة مثلا نشوف مرشحين فى التليفزيون و يتكلموا عن نفسهم و يقولوا برنامجهم ايه و ايه اللى هيعملوه و حلولهم ايه لمشاكل مصر و هيتصرفوا ازاى فى حاجات كتير و تغيير ثقافة الناس و يدوا الجهلاء و المغيبيين دروس سريعة فى الديموقراطية و مش اى حد يديك فلوس تنتخبه و الكلام ده.

اللى كان مطلوب ان مبارك ميكونش موجود فى الفترة الانتقالية دى علشان ميخربهاش هو او اتباعه

كلام البرادعى 100% مظبوط , لو اتعملت انتخابات دلوقتى تقدر حضرتك تقولى هتنتخب مين؟
لازم نشوف وشوش غير المحظورة ( اللى هى الحزن الوطنى) و الاخوان علشان نعرف نقرر

---

بظبط كده ....
ولو كان استمر النظام 6 شهور مكنتش هتلاقي حتي ناس من الاخوان

عين العقــل يا برادعى

بص يا أستاذ أحمد أعتقد ان فيه أربعة سيناريوهات ممكن يكونوا سبب لهذا التصريح:
1- السيد البرادعى مخضرم وهوا عارف انه لو نزل الانتخابات فى سبتمبر هيخسرها لصالح عمرو موسى وبفرق كبير فهو عايز يكسب وقت لعمل دعاية لنفسه وعمل قاعدة شعبية حتى يقدر يفوز بالإنتخابات
2- ربما يكون فيه تخوف خارجى من حصول الإخوان على عدد كبير فى البرلمان مما سيشكل تهديد قوى لمصالحهم فهو عايز ناس تانية تشتغل علشان يضمن عدم حصول الاخوان على مقاعد كثيرة فى البرلمان
3- ربما يكون خايف من قيام الوطنى بشراء اصوات كالعادة وده قد يعيد الكرة الى ملعب عمر سليمان او انجال مبارك
4- "ولا أعتقد هذا ولكنه سيناريو محتمل" أنه يريد تطويل حالة عدم الاستقرار فى البلد لسبب ما فى نفسه.

اقتباس:

---

المشاركة الأصلية كتبت بواسطة a.saad

يا دكتور
حضرتك كنت كنت من مؤيدى الرحيل الفورى للنظام
الرئيس والحكومة
يا ترى ممكن اعرف ايه راى حضرتك وتفكيرك فى الفترة الانتقالية
يعنى تدار ازاى

---

هناك الآن حرب باردة بين جبهتين في مصر
رجال الحزب الوطني ووزارة الداخلية من جهه وهم متغلغلون في كل الجهات الحكومية والإعلام العام والخاص والوزارات والمؤسسات.
والشعب والجيش في الناحية الأخرى، والشعب كما تعلم ليست لديه في المرحلة الحالية إلا وسيلة ضغط وحيده هي العصيان المدني. أما الجيش فعينه على الشعب الذي سيصوت في الانتخابات القادمة، وفي نفس الوقت هو يخشى أن جبهة الداخلية والحزب الوطني ربما تعود وتقوى مرة ثانية بعد الانتخابات النزيهة. إذ من المنطقي جدا أن يأتي الناس بأحد رجال الحزب الوطني رئيسا وبالحزب نفسه حاكما.
الجيش إذا يقع بين شقي رحى، ورهانه الوحيد هو أن الجماهير التي ثارت ستأتي بسياسيين صالحين يستطيعون إدارة البلد إدارة صحيحة تحقق طموح الثورة. وهذا لن يتحقق إلا إذا مُنح الثوار (حوالي من 12 إلى 20 مليون مصري) الوقت الكافي لتنظيم أنفسهم سياسيا وستة أشهر لا تكفي لذلك مطلقا.
لذلك فالسيناريو الأفضل لإدارة الفترة الانتقالية من وجهة نظري هو
أولا:إبعاد كل وجوه الحزب الوطني القديمة من وزراء ورؤساء جامعات ومديري مؤسسات ...إلخ ممن كان يجري تعيينهم بأوامر مباشرة من أمن الدولة عن الساحة فورا... لأن موظفيهم يبتزونهم الآن بعد زوال من كان يحميهم. وتعيين آخرين حسب كفائتهم
ثانيا: إشراك مدنيين في المجلس العسكري الذي يحكم البلاد الآن، لأن توسيع دائرة المشورة سيجعل القرارات التي تتخذ أقرب إلى الحصول على رضا الناس.
ثالثا: تغيير الدستور وكل القوانين المكملة له وهذا لا يستغرق أكثر من شهرين ويجري استفتاء الشعب عليهم مباشرة.
رابعا: منح مهلة ستة أشهر لتنظم الأحزاب والهيئات نفسها وتنتخب هيئاتها وممثليها
خامسا: في الأشهر الستة الأخيرة تجري انتخابات رئاسية وبرلمانية. على أن تكون الانتخابات بالقائمة النسبية غير المشروطة وليس بالنظام الفردي. لكي يكون المرشح مسئولا عن شعب مصر كله وليس عن دائرته فقط.
بهذا يمكن القول أن الانتخابات ستفرز فعلا حكاما يرضاهم الشعب. أما إجراء الانتخابات بعد شهور من الآن - وهو ما يضغط أقطاب الداخلية والحزب في اتجاهه - فسيلقى بالبلاد في أحضان أعضاء الحزب الوطني وكذلك أعضاء جماعة الإخوان المتمرسون بالفعل على العملية الانتخابية ومفاتيحها. وتخرج قوى الثورة من العملية السياسية وهو ما لا يتمناه أحد لأنهم سيعودون إلى ميدان التحرير ثانية.

كلام الدكتور البرادعي يدل على سياسي مخضرم على قدر كبير من الصلابه والفهم السياسي العميق

وبعدين ايه الهجوم ده على كل كلمه يقولها الراجل انت لو دققت في كلامك اللي انت كتبته في موضوعك وركز كده هاتلاقي كلامك لا يدل على أي شيء موضوعي مجرد كلام متضارب نابع من ........................................*

يا استاذ احمد
البرادعي لم يغير موقفه وهذا موقفه من البداية هو وائتلاف شباب الثورة وتقدموا بورقة من قبل جمعة الانتصار بالخطوات اللي هو قال عليها
مجلس رئاسي يضم مدنيين
ودستور جديد
الخ
اما ضم المدنيين فمهم جدا لاننا اي نعم واثقين من الجيش لكن حرص ولا تخون بعد تجربة ثورة يوليو اللي لما جت قالت احنا فترة انتقالية تقريبا لمدة 6 شهور يشيلوا فيها الملك وينصبوا ابنه ولي العهد كملك وبعد كده المده اتمدت تقريبا لسنتين حصل فيها مهازل بعد ما اللواء نجيب تعهد بحكومة مدنية ديمقراطية وعودة الجيش لثكناته (اقامة حياة ديمقراطية سليمة) قام عبد الناصر بعمل ثورة داخل الثورة اطاح فيها بنجيب وغير الملكية الى جمهورية وفضلوا ماسكين الحكم لغاية اول امبارح
فالتخوف ده مش تخوف البرادعي بس ده تخوف كل واحد قرا شوية في التاريخ
فتمديد فترة 6 شهور لمدة سنة لازم يبقى فيها ضامن مدنيين في المجلس الرئاسي
عرفت ليه البرادعي مصصم على ان يكون فيه مدنيين في المجلس الرئاسي ؟

الحمد لله ان فى ناس كتير بدائت تفهم سياسة كويس و دة واضح من معظم الاراء

اقتباس:

---

المشاركة الأصلية كتبت بواسطة memo_p910

كلام الدكتور البرادعي يدل على سياسي مخضرم على قدر كبير من الصلابه والفهم السياسي العميق

وبعدين ايه الهجوم ده على كل كلمه يقولها الراجل انت لو دققت في كلامك اللي انت كتبته في موضوعك وركز كده هاتلاقي كلامك لا يدل على أي شيء موضوعي مجرد كلام متضارب نابع من قلة الفهم والادراك السياسي او حتى العقلاني

---

لا تعليق
التعليق للادارة

اقتباس:

---

المشاركة الأصلية كتبت بواسطة skybird

يا استاذ احمد
البرادعي لم يغير موقفه وهذا موقفه من البداية هو وائتلاف شباب الثورة وتقدموا بورقة من قبل جمعة الانتصار بالخطوات اللي هو قال عليها
مجلس رئاسي يضم مدنيين
ودستور جديد
الخ
اما ضم المدنيين فمهم جدا لاننا اي نعم واثقين من الجيش لكن حرص ولا تخون بعد تجربة ثورة يوليو اللي لما جت قالت احنا فترة انتقالية تقريبا لمدة 6 شهور يشيلوا فيها الملك وينصبوا ابنه ولي العهد كملك وبعد كده المده اتمدت تقريبا لسنتين حصل فيها مهازل بعد ما اللواء نجيب تعهد بحكومة مدنية ديمقراطية وعودة الجيش لثكناته (اقامة حياة ديمقراطية سليمة) قام عبد الناصر بعمل ثورة داخل الثورة اطاح فيها بنجيب وغير الملكية الى جمهورية وفضلوا ماسكين الحكم لغاية اول امبارح
فالتخوف ده مش تخوف البرادعي بس ده تخوف كل واحد قرا شوية في التاريخ
فتمديد فترة 6 شهور لمدة سنة لازم يبقى فيها ضامن مدنيين في المجلس الرئاسي
عرفت ليه البرادعي مصصم على ان يكون فيه مدنيين في المجلس الرئاسي ؟

---

يا استاذنا الكبير
البرادعى ديما كان منادى باسقاط النظام شاملا كل شيء
بداء من مبارك لاى وزير وتغيير الدستور
وحل المجالس واجراء انتخابات
دلوقتى بيقول لا بلاش انتخابات
طب ليه
مانت من الاول عارف ان الحزب منتشر فى كل مكان
وخلال الفترة الانتقالية اللى هو عايزاها برده الحزب هيكون موجود
يبقى ليه يغير الكلام

اقتباس:

---

المشاركة الأصلية كتبت بواسطة mahmoud saloum

بص يا أستاذ أحمد أعتقد ان فيه أربعة سيناريوهات ممكن يكونوا سبب لهذا التصريح:
1- السيد البرادعى مخضرم وهوا عارف انه لو نزل الانتخابات فى سبتمبر هيخسرها لصالح عمرو موسى وبفرق كبير فهو عايز يكسب وقت لعمل دعاية لنفسه وعمل قاعدة شعبية حتى يقدر يفوز بالإنتخابات
2- ربما يكون فيه تخوف خارجى من حصول الإخوان على عدد كبير فى البرلمان مما سيشكل تهديد قوى لمصالحهم فهو عايز ناس تانية تشتغل علشان يضمن عدم حصول الاخوان على مقاعد كثيرة فى البرلمان
3- ربما يكون خايف من قيام الوطنى بشراء اصوات كالعادة وده قد يعيد الكرة الى ملعب عمر سليمان او انجال مبارك
4- "ولا أعتقد هذا ولكنه سيناريو محتمل" أنه يريد تطويل حالة عدم الاستقرار فى البلد لسبب ما فى نفسه.

---

كلامك مظبوط
واعتقد ان 1 او 4 الاقرب للصواب

البرادعي من أول الثورة وهو ينادي بحكومة تكنوقراط غير تابعة لأي حزب يعني حكومة مستقلة ولا يحق لأي من أفرادها الترشح في الانتخابات القادمة . لماذا ينادي بحل الحكومة الحالية لأنها باقي النظام ووجودها يعني سيطرة الحزب الوطني علي مجريات الحياة السياسية في مصر . المشكلة دلوقتي مش في المثقفين احنا عاوزين الناس كلها تعرف حقها السياسي الناس الغلابة اللي بتبيع صوتها لأي حد يديها عشرين جنيه عاوزينهم يعرفو ان صوتهم لا يباع بمال وانه أمانة وده محتاج وقت طويل.

انا من اول ما الثوره قامت نفسى اعرف البرادعى عاجب الناس فى ايه دا حتى شخصيه لا تصلح انه يبق رئيس جمهوريه بصراحه هو مالى عين اى واحد يا رجاله هيا طبعا فى اختلاف اراء كتير بس انا شخصيا وبرضوا فى ناس كتير جدا شايفاه لا يصلح اطلاقا ذى ما فى ناس مقتنعه بيه جدااااااااااااااااااااااا ااااا



والحكم النهائى لصندوق الانتخابات بس انا متاكد انه مش هياخد اصوات كتير

كلامه صح
و اللى مخوفنى من فتره هو قاله دلوقتى

اى انتخابات حره دلوقتى اللى هيستفيد بيها هو النظام السابق
عشان هو الوحيد اللى عنده مقدره انه يتعارك فى انتخابات و تجميع لفئات الشعب المطحونه و تنظيمهم فى الانتخابات

بس الاحزاب و المستقلين مش هيقدروا

احزب الوطنى كان داخل الانتخابات اللى فاتت ب حوالى 4500 مرشح يعنى عندهم كوادر كتير لو الموضوع بتاع انتخابات حره و نزيهه يقروا ياخدوا بشرا الاصوات و حتى بحريه من غير شرا حوالى 30-40 % من مجلس الشعب مستريح جدا و ده يديهم اغلبيه مستريحه فى المجلس عشان مافيش اى كتله هتقدر تعمل اكتر كده غير الاخوان

البرادعى دعى لاسقاط شامل للنظام و مده سنه فتره انتقاليه لتهذيب الحياه السياسيه فى مصر عشان احزاب تطلع تقدر تنافس و الوعيى يزيد

البرادعى لم يغير كلامه

و لو نفتكر هو كان بينادى انه يدير المرحله الانتقاليه و مايرشحش نفسه رئيس

برجاء عدم الانقياد وراء الهجوم الغير مبرر على البرادعى

بص ياسيدي أنا من مؤيدي د البرادعي ودي اسبابي انه حاصل علي أعلي الاوسمة الخارجية ويكفي جائزة نوبل .مطالبه هي لجمع الشعب انه قام بقيادة المعارضة وتوحيد صفوفها ليس لديه أي مطالب شخصية ينادي بالديموقراطية لكل الشعب انه ثابت علي موقفه لا يتراجع لم يدخل انتخابات مجلس الشعب بالرغم من الضغط عليه لأنه أعلن انه لن يدخل الانتخابات وموقفه من الترشح للرئاسة معروف ..............انتا بقي ايه هي أسبابك اللي تخلي د البرادعي مش مالي عينك وبعدها نتناقش في اسبابي

اقتباس:

---

المشاركة الأصلية كتبت بواسطة a.saad

يا استاذنا الكبير
البرادعى ديما كان منادى باسقاط النظام شاملا كل شيء
بداء من مبارك لاى وزير وتغيير الدستور
وحل المجالس واجراء انتخابات
دلوقتى بيقول لا بلاش انتخابات
طب ليه
مانت من الاول عارف ان الحزب منتشر فى كل مكان
وخلال الفترة الانتقالية اللى هو عايزاها برده الحزب هيكون موجود
يبقى ليه يغير الكلام

---

يا زعيم
برضو تاني مغيرش رايه
كل مطالبه دي هتتحقق واظن واضح دلوقت بعد نظره في تغيير كل شئ
اما انه قال عن انتخابات بعد فترة انتقالية فده اللي هيحصل
هو مقالش الفترة الانتقالية 6 شهور اللي الجيش مصر عليها

هو كان طالب اعلان دستوري ومجلس رئاسي وحكومة انتقالية ودستور جديد وده هياخد له على الاقل سنة او سنة ونص وبعد كده اتخابات مجلس الشعب
والظاهر معاليك بتخلط بين انتخابات الرئاسة وبين انتخابات مجلس الشعب
الخوف على انتخابات مبكرة لمجلس الشعب ليه ؟
لان الانتخابات الحرة والنزيهه لا تعبر عن الديمقراطية كما يظن البعض ولكنها تعبر عن الامر الواقع
والامر الواقع في مصر الان ان فاسدي الحزب الوطني وفاسدي المحليات لازالوا موجودين بقوة ولو اتعملت الانتخابات في الظروف دي هنعيد انتاج نفس الاشخاص اللي في المجالس اللي فاتت يعني معملناش حاجه والثورة ضاعت بلاش
فلازم فترة تتشكل فيها وتتبلور مجموعات شباب الثورة في تجمعات او احزاب وتعرض برامجها على الشعب وتكون قاعدة شعبية في كل مصر طبعا بعد حل المحليات الفاسدة
علشان كده من اهم المطالب حكومة انتقالية تعبر عن الثورة وليست حكومة شفيق اللي هي حكومة الحزب الوطني حتى لو حاول يجمل وجهها القبيح والمطلب ده مهم لانه الضامن لكشف ومحاسبة ازلام الحزب الوطني من النخبة وحتى قاعدة المحليات

وبصراحة استعجال الجيش ده مخوفني ومش مطمن لطنطاوي

اضافة صغيرة على اللي فات
اللي عايز مصر تتغير فعلا والثورة تكسب يسمع كلام البرادعي بجد واللي كاره البرادعي ميخليش الكره ده يعميه عن الحقيقة
واللي عايز الثورة المضادة تكسب وعايز الحزب الوطني يكسب يقول كده بصراحه
لانني حاسس اني اجادل في حاجات بديهية اي واحد عايز الثورة تنجح وتغير تاريخ مصر فاهمها

ههههههههههههههههههههههههه ههه والله الدكتور البرادعى ده نجم ودماغه رهيبة ربنا يحميه

وعلى فكرة ياباشا مش على علشان الموضوع من جريدة تركية يبقى سافر تركيا ممكن يعملوا معاه حديث صحفى ولو فى التليفون

الناس خايفة تشوف وجوه جديدة زى الدكتور محمد البرادعى

اقتباس:

---

المشاركة الأصلية كتبت بواسطة SkyBird

يا زعيم
برضو تاني مغيرش رايه
كل مطالبه دي هتتحقق واظن واضح دلوقت بعد نظره في تغيير كل شئ
اما انه قال عن انتخابات بعد فترة انتقالية فده اللي هيحصل
هو مقالش الفترة الانتقالية 6 شهور اللي الجيش مصر عليها

هو كان طالب اعلان دستوري ومجلس رئاسي وحكومة انتقالية ودستور جديد وده هياخد له على الاقل سنة او سنة ونص وبعد كده اتخابات مجلس الشعب
والظاهر معاليك بتخلط بين انتخابات الرئاسة وبين انتخابات مجلس الشعب
الخوف على انتخابات مبكرة لمجلس الشعب ليه ؟
لان الانتخابات الحرة والنزيهه لا تعبر عن الديمقراطية كما يظن البعض ولكنها تعبر عن الامر الواقع
والامر الواقع في مصر الان ان فاسدي الحزب الوطني وفاسدي المحليات لازالوا موجودين بقوة ولو اتعملت الانتخابات في الظروف دي هنعيد انتاج نفس الاشخاص اللي في المجالس اللي فاتت يعني معملناش حاجه والثورة ضاعت بلاش
فلازم فترة تتشكل فيها وتتبلور مجموعات شباب الثورة في تجمعات او احزاب وتعرض برامجها على الشعب وتكون قاعدة شعبية في كل مصر طبعا بعد حل المحليات الفاسدة
علشان كده من اهم المطالب حكومة انتقالية تعبر عن الثورة وليست حكومة شفيق اللي هي حكومة الحزب الوطني حتى لو حاول يجمل وجهها القبيح والمطلب ده مهم لانه الضامن لكشف ومحاسبة ازلام الحزب الوطني من النخبة وحتى قاعدة المحليات

وبصراحة استعجال الجيش ده مخوفني ومش مطمن لطنطاوي

---

اقتباس:

---

المشاركة الأصلية كتبت بواسطة SkyBird

اضافة صغيرة على اللي فات
اللي عايز مصر تتغير فعلا والثورة تكسب يسمع كلام البرادعي بجد واللي كاره البرادعي ميخليش الكره ده يعميه عن الحقيقة
واللي عايز الثورة المضادة تكسب وعايز الحزب الوطني يكسب يقول كده بصراحه
لانني حاسس اني اجادل في حاجات بديهية اي واحد عايز الثورة تنجح وتغير تاريخ مصر فاهمها

---

الله ينور عليك