الشكمان اتكسر العلبة الاخيرة
السلام عليكم ورحمة الله
امبارح وفى امان اللى ركنت العربية 5 دقايق وبعد كده بدور عشان امشى لقيت صوت خربطة زى ما يكون حاجة مفكوكة
نزلت بصيت أشوف الصوت جاى منين لقيته من الشكمان بمسك الماسورة لقيته سايب خالص
المهم لقيت الماسورة مكسورة من بعد العلبة من جوه
طلعت على بتاع شكمانات بص بيقولى لا دى متتلحمش دى عايزه ربع. بكام؟ بيقولى 75 فسيبته ومشيت
دلوقتى الصوت مجرد خربطة بدون أى ازعاج يعنى صوت الشكمان هادى. مجرد الماسورة مريحة جوه العلبة بتعمل الخربطه دى والسحب زاد (بدون صوت)
هل لو شيلت العلبة خالص وسبت الماسورة بلحام او اى حاجة فيها حاجة وهى العلبة أصلا الاخيرة لازمتها ايه؟
سؤال تانى مش ممكن دلوقتى أشترى علبة ديفل وأركبها تدى صوت أحسن ولا ايه؟
آآآآآآآسف للاطاله :bye: