الموضوع: محاكمة ظباط بتهمة اطلاق الرصاص الحى

المشاركة الأصلية كتبت بواسطة otefa

الله ينور أخبار تفرح بجد تسلم أيديكم

يا باشا الناس شغالة و الله و ما خفى كان أعظم . النيابة الادارية بتحقق فى حوالى 1000 بلاغ للفساد فى قطاعات مختلفة .

المشاركة الأصلية كتبت بواسطة otefa

ماهو واضح والله من بدري أن فيه نية حقيقية سواء من الجيش أو أحمد شفيق للأصلاح وضرب الفساد المستشري في مقتل وكله بالقانون وبالدهاء المخابراتي بس شوية ثقة من الشعب فيهم هي الأهم في المرحلة الحالية.........تحياتي هشام باشا

هههههههههههههه الله ينور عليك أنت بجد مش ممكن . أحيك على ذكائك الحاد يا باشا بجد أحيك . أنا من انصار أستعمال العقل قبل اليد

المشاركة الأصلية كتبت بواسطة otefa

أبه أيه الكلام الجامد ده سعادة الباشا تسلملي على المجاملة الحلوة وربنا يديم المحبة في الله مابينا
ماتيجي نعملنا حزب فرصة والله ده أحنا نلعبهم على الشناكل ههههههههه
هو مش ذكاء بالمعنى الحرفي ........زي ماأنت قولت التصور والقرارات ألي بتتاخد في هدؤ دون التأثر بأتجاه ما نتيجة للأنفعال بتكون عادة أقرب للحقيقة مافيش حقيقة وحق مطلق مسلم بيه غير الخالق (الله) سبحانه وتعالى
تقبل تحياتي

ههههههههههه يا باشا العفو و دة حقيقى و الله و الدكتور محمد بيعجبنى برضو اصرارة و طولة بالة جدا. أحنا نعمل تنظيم يا باشا و معانا أعضاء من هنا كتير جدا لديهم رجاحة عقل و تفكير منسق . بص و الله كلة مجتمع على فكرة واحدة بس طريقة التفكير و تحقيق الهدف النهائى بيختلف كل شخص لة منهج و مدرسة معينة فى التفكير و مينفعش عزف منفرد الكل يتحد و فى النهاية كل الطرق تؤدى الى روما ههههههههههه. و نعمل تنظيم للصفوف و نقود حركة مضادة و الحكومة تعتقلنا هههههههههههههههههههههههه

................. منقول ........................

نظم نحو ألفى من أفراد الشرطة أمام وزارة الداخلية مظاهرة حاشدة ظهر اليوم، الاثنين، للمطالبة بعودتهم إلى وظائفهم بالوزارة أسوة بالضباط.

وهتف المتظاهرون "يا سلام يا سلام محمود وجدى بتاع الكلام"، و"إحنا اللى حميينها وهما اللى خاربينها"، وتوجهوا فى مسيرة سلمية إلى مجلس الشعب ومجلس الوزراء ثم إلى ميدان التحرير، مؤكدين أن هذه المظاهرة هى الثانية لهم خلال أسبوع.

وصرح عدد منهم لليوم السابع أن عدد الأفراد المفصولين على مستوى الجمهورية يقترب من 15 ألفا، وأن أسباب فصلهم خاصة بالتغيب عن العمل أو عدم الصلاحية وتحرك أفراد الشرطة المحتجين من أمام مبنى الوزارة إلى ميدان التحرير، ورددوا شعارات "الشرطة والشعب أيد واحدة"، و"يا حبيب قول الحق إحنا الشرطة ولا لأ"، و"بص علينا بص علينا الوزير ضحك علينا"، وأثناء تواجدهم فى الميدان رد عليهم شباب 25 يناير المتواجدين فى الميدان بهتافات مضادة لهم، أن الجيش والشعب ايد واحدة، ووصفوهم بالبلطجية وقتلة الشهداء، مما أدى إلى نشوب مشادات بين الطرفين، كادت تسفر عن وقوع مشاجرة، إلا أن قوات الجيش تدخلت وأقنعت أفراد الشرطة المتظاهرين بترك ميدان التحرير، والعودة مرة أخرى إلى مقر وزارة الداخلية.

المشاركة الأصلية كتبت بواسطة BASKOTA

على فكرة بغض النظر عن الرأى فى وائل الكومى
لكن كل الفيديوهات اللى شوفتها عاليوتيوب
انا ضد محاكمة وائل الكومى واى من ظباط القسم
بالعكس ده يحترم هو ومن كان معه لانهم لم يتخلوا عن مواقعهم واضطروا يدافعوا عن انفسهم وعن القسم لحد انتهاء الذخيرة
معلش اسمحولى وانا من اشد مؤيدين الثورة وكنت فى كل المظاهرات وشوفت كتير بعينى
بس فى حالة قسم رمل ثان بالذات
معنديش مبرر واحد يخلى الناس تروح تهجم عالقسم او تتجمهر عنده
لا هو مكان مناسب للتظاهر ولا اللى كانوا موجودين ناس تحمل لافتات ولا بتهتف ولا كانوا رايحين فى مظاهرة سلمية للاسقاط النظام

هوه قريب حضرتك