بسم الله الرحمن الرحيم
السلام عليكم ورحمة الله وبركاته
أنا عندي سؤال مهم .. لما أكون نازل نزلاية أعمل أيه .. أمور و أدوس فرامل... و لا أفضل معشق و أدوس فرامل ؟؟؟
و شكراً لتوضيحكم مسبقاً
عرض للطباعة
بسم الله الرحمن الرحيم
السلام عليكم ورحمة الله وبركاته
أنا عندي سؤال مهم .. لما أكون نازل نزلاية أعمل أيه .. أمور و أدوس فرامل... و لا أفضل معشق و أدوس فرامل ؟؟؟
و شكراً لتوضيحكم مسبقاً
لو نازل منزل كوبرى مثلا والطريق واقف قدامك مور و دنك هدى بالفرامل لحد ما الطريق يفتح عشق تانى
لكن لو الطريق قدامك ماشى عادى متمورش وهدى بالفرامل بس
انا اعتقد ان الموضوع خاضع لظروف الطريق
يعني و انت نازل تشوف الطريق واقف يبقى مور و هدي السرعة
غير كده يبقى هتمشي زي ما انت عادي و تسوق عادي خالص
هو انا الصراحة على طول بعشق .. و بخنق فرامل بس.. بلاقي الموتور هو الي حاكم العربية و بعد كده بسييب كل حاجة .. و العربية بتمشي سحلفاة ... يعني براحة جداً .. لوحدها .. أياً كانت النزلاية ... و هكذا بالسينس يعني ...لحد في يوم ما ركب معايا واحد صاحبي و لاقاني مش بمور و بخنق دبرياج و فرامل و بعد كده أسقط جير و اخنق بيه بس مش بغشامه .. يعني بعد مهدي العربية لسرعة الجير ده مستريحه و أشيل ساعتها فرامل و دبرياج مع بعض براحة .. و أسيب العربية .. هي بتهدى خاالص لوحدها..
\
لقيته ده صرخ ..
بتعممملللللللل أيييييييييييييه..كده تبوظ الجير ... كده تبوظ الكرونة ... كده تبوظ العربية .. كده تبوظ الموتور .. كده تبوظ الفرامل.. رحت رديت عليع قلتله ..."الله يحرقك .. كده أنت بوظت أعصاااابي !!! " و قالي أوعى تعشق و أنت نازل أبداً...
مش عارف بقا .. هل كلامه صح ... و هل طريقتي دي صح ولا فيها حاجة غلط ..
ضكراً لردكم يا رجالة المنتدى .. أنا أسألتي دي كلها .. نابعة من أحتياجي لمساعدة من الخبراء زيكم .. و شكراً ليكم
انا مش عارف كلام صاحبك صح و لا لأ
لكن انا الصراحة غالبا بمور في النزلة لانه كده كده بعد النزلة لو الطريق واقف يبقى هتمور و لو الطريق مفتوح يبقى العربية سرعتها هتزيد من النزلة و هتزود الغيار
لأ طبعا تعشق ومعظم كتالوجات العربيات الحديثة بتنصح بالتعشيق لإنك بتكلبش العربيه وبتقلل الحمل من على الفرامل وفي العربيات الإنجكشن بتوفر بنزين كمان!!!
وتمور في حاله لو خلاص هتقف والrpm وصل ل1000 أو هتنقل وتدوس بنزين
(الموضوع ده إتكلمنا فيه كتير قوي هنا في المنتدى)
انا برضو اعتقد ان التعشيق مفيش منه اي مشكلة بس كنت منتظر حد يأكد ده
بدليل ان العربيات الاوتوماتيك مش بتخليها على ال n مثلا و انت نازل
أولاً.....ألف شكر لكم أخواني في الله لمساعدتكم
ثانياً.والله متأسف لو الموضوع متكرر.. لكني بأمانة لم اعرف أنه الموضوع ده مكرر .. و اكييييد بحثت قبل كده .. و أكيد موصلتش لنتيجة علشان كده عملت الموضوع :)))))
ثالثاً... الحححححححححححمد لــــــــــــــــــــــــ ـــــلـــــــــــــــــــ ــــــــه ... طمطوني ... ربنا يطمنكم بالخير دايماً... "قولوا آمين" كده يبقى أنا الحمد لله صح .. اروح بقا لصاحبي ده و أ..........بهدله :))
متشكر يا جدعاان :)