رخصت العربية 3 شهور مؤقت فى 10 دقائق من مرور محرم بك المحترق
رخصت العربية 3 شهور من مرور محرم بك او بقاياه بمنتهى السهولة دخلت من البوابة الرئيسية سألنى العسكرى على فين يا باشا قلت له رخصتى انتهت قالى اتفضل سيادتك الظابط اللى واقف هناك ده على جنب جوة هايديلك 3 شهور مؤقت
دخلت بالعربية ونزلت على حلقة من الناس محيطين بالظابط اللى ساند على عربية بيمضى الرخص وجنبه موظف وانا مش عارف اكلم مين قام واحد تانى بكل ادب قالى خير يا شيخ أأمرنى بذهول مديت له الرخصة قام شاف الرخصة المنتهية والبطاقة ومطلع ورقة ترخيص مؤقت كتب اسمى رباعى ورقم العربية وبدون اى اسئلة ولا كلام تانى قالى امضى من الظابط اللى واقف جنبى
سألته طب والختم قالى روح مرور القبارى ( الحضانة القديم تقريبا ) سألته فين ؟؟؟ ... وصف لى بكل دقة وادب وانا كلى استغراب وعدم تصديق للادب المفرط من رجال الامن
المهم فى خلال 5 دقايق خلصت وروحت مرورالقبارى القريب من الموقف منتهى الادب واخدت الختم فى دقيقية ومشيت وانا غير مصدق ما حدث مقارنة بالتعب اللى شوفته اخر مرة من 3 سنين
السؤال هنا موقف المخالفات ايه والفحص والحجات دى هل بعد 3 شهور هاكون مطالب بكل ده رغم احتراق الملف الخاص بالسيارة ولا ايه الموقف ياريت حد يفيدنا لو عنده معلومة
