فرأيي الحل ده ينفع المؤيدين والمعارضين والمشككين واللي مالهمش فيها كمان

**mailo** · 21-02-2011 03:26 PM

المشاركة الأصلية كتبت بواسطة tlrsiap

ما ينفعش مقاوم الفساد يبقى مولود وسط الفساد ده و عايش فيه

الله ينور عليك أنا معاك فالكلام ده قوي قوي قوي
وعشان كده أنا قلت إن الراجل ده هيغلط بس هيحاسب قوي وهو بيغلط عشان ساعتها هيفقد تأيد كل الناس اللي معاه وضده
وخد بالك إن مؤيدي الراجل ده دلوقتي منهم كتير قوي من الثورة وشافوا إنهم كده عمله اللي عليهم ونديله فرصة فحتى هو لو كان حرامي مش هيسرق دلوقتي

وكمان احنا عايزينه يلم الفيران كلها جوه جحورها دلوقتي

لحد بقى مالرواية توضح شوية ونعرف احنا عايزين مين وساعتها بقى يقعد يمشي هو يبقى مشكورا عمل اللي عليه واحنا نختار الفترة الجاية بقى

ولسة برده بأقول هاته حد غيره هو مش هيفرق معايا كتير لأن أنا مش من أنصاره خالص واللي مخليني كده إن حسني هو اللي عينه ودي أول حاجة غير بقى شوية حقائق تانية على شوية إشاعات

بس لو اختيارنا لحد غيره هيحطنا في خساير اكبر من اللي هنواجهها وهو موجود يبقى شفيق هو الاختيار السليم

ولا إنت إيه رأيك؟؟

**Xander2010_Evo** · 21-02-2011 03:45 PM

المشاركة الأصلية كتبت بواسطة tlrsiap

لو نزلت قبل تنحي الباشا الكبير ما كنتش قلت كده خالص , على العكس كنت هاتعشق المكان بجد و الله
:)

والله أنا نزلت بس مش التحرير
هنا فالسويس
لو تسمع عنها :)

**mailo** · 21-02-2011 04:19 PM

إيه يا شباب القصة مش قصة مين اللي نزل ومين اللي منزلش دلوقتي

القصة قصة هنعمل إيه أو إيه اللي المفروض يتعمل ؟؟

**smartchoice** · 21-02-2011 04:25 PM

متفق معاك تمام
تحياتى

**ainshouka** · 21-02-2011 04:36 PM

المشاركة الأصلية كتبت بواسطة tlrsiap

انا فاهم وجهة نظرك , بس انا عن نفسي شايف ( من متابعة الفترة اللي فاتت) , ان ما ينفعش مقاوم الفساد يبقى مولود وسط الفساد ده و عايش فيه
الراجل بيقولوا كان شغال تمام و بينزل و بيتابع الشغل , انا مش هانفي ده لأني سمعته من معارف ليا في اماكن مقربة , لكن في نفس الوقت , انا سمعت نفس الكلام من ناس مقربين من ابراهيم سليمان وزير الاسكان السابق , و كلنا عارفين فساده

شفيق في نفس الوقت برده سمعنا عنه وساطات و محسوبيات للركب (زي ابراهيم سليمان بالظبط برده ) , و حتى الناس اللي بتقول ان مصر للطيران اتطورت , انا مش عارف اتطورت في ايه بالظبط , بحكم مجالي اعرف ناس كتير شغالة في دول عربية و كلهم من زمان اوي و لحد دلوقت بيشتكوا من مصر للطيران مر الشكوى و سابوها و بقوا يسافروا على طيران شركات عربية تانية , اللهم الا ان كان الانجازات دي تطوير و تجميل المطارات , و لو كده فعلا فده بيفكرني بكلية الهندسة , رخام المباني يتغير كل سنة ولا اتنين حتى لو القديم سليم , و المعامل متهالكة و مزرية و الأجهزة اللي فيها عمرها معدي عشرة خمستاشر سنة و المعيدين بيصرفوا على المعامل من جيبهم ... و في الآخر يتقال كلية الهندسة اتطورت اصل ممرات المبنى رخام و السور مدهون ... فاهمني ؟

لو نزلت قبل تنحي الباشا الكبير ما كنتش قلت كده خالص , على العكس كنت هاتعشق المكان بجد و الله
:)

لا احمد شفيق طور مصر للطيران

انا اعرف واحد عارف ناس كتيرة شغالين فى مصر للطيران بيتمنوا ان شفيق يسيب منصبه ويرجعلهم تانى

حجيبلك التفاصيل بالظبط منه فى الحاجات اللى كان بيعملها

بس المشكلة ان ذيول النظام القديم المعروفين بالفساد لازم يتحاكموا

لان دلوقتى لما الناس تلتف حوالين شفيق التانيين مش حيعجبهم الحال دا ويبتدوا يحرضوا الناس على التظاهر او اثارة اى قلاقل عشان يعيقوا عمل شفيق زى اللى بيحصل حاليا او اطلاق شائعات عشان تقلل ثقتك بيه
الناس دى لو اتمسكت هتتهد بشكل كبير والدنيا هتدى شوية عشان نقدر نفكر ونستوعب اللى بيحصل حوالينا

بس المشكلة ان ازاى تجمع الناس كلها حوالين الفكرة دى هل الفيس بوك ممكن يساعد فى حاجة زى دى

**ahmed elsherif** · 21-02-2011 04:37 PM

متفق معاك جدا ونفسي حد يقولي عيوب احمد شفيق 123 يقنعني بيها عشان اكون الرأي الاخر واقدر اقارن واللي سمعته لحد دلوقتي انه عشان حسني اللي جايبه ...طب راجل محترم وممكن يفيد البلد زنبه ايه انه مبارك جابه عشان يحاول يصلح البلد

**SkyBird** · 21-02-2011 05:34 PM

المشاركة الأصلية كتبت بواسطة ahmed elsherif

متفق معاك جدا ونفسي حد يقولي عيوب احمد شفيق 123 يقنعني بيها عشان اكون الرأي الاخر واقدر اقارن واللي سمعته لحد دلوقتي انه عشان حسني اللي جايبه ...طب راجل محترم وممكن يفيد البلد زنبه ايه انه مبارك جابه عشان يحاول يصلح البلد

1- اللي عينه مبارك المخلوع يعني ممثل للعهد البائد (اهم سبب)
2-قال بنفسه ان الوزارة ثلاث اقسام في قسم من الوزراء مقدرش اغيرهم
وده معناه انه معدوم الشخصية وليس رجل دولة
وقسم من الوزراء ميقدرش يغيرهم علشان مفاتيح الوزارة في جيوبهم وده خبل
3-في وزراء قال بتريقه مينفعش اغيرهم علشان الراي العام مش عايزهم
وده معناه استعلاء ومش مقدر الموقف يعني فاشل
4-هو عسكري واحنا عايزين حكم مدني
5-كل ما واحد يساله سؤال صعب يقول مش عارف على الاقل يقول اتقصى الامور وارد
6- ينفع ناظر مدرسة مش رئيس حكومة
7- بيلبس بول اوفر فوق القميص ودي حركة اكرهها جداً

**م. عمرو شرف** · 21-02-2011 09:37 PM

المشاركة الأصلية كتبت بواسطة SkyBird

1- اللي عينه مبارك المخلوع يعني ممثل للعهد البائد (اهم سبب)
بس فيه وزرا من العهد البائد ده كل مصر أجمعت عليها وهو فعلا أثبت ولاءه للشعب وعلشام متفكرش كتير أسمه حسين طنطاوى وماسك وزارة الدفاع يعنى مش كل اللى عينهم حسنى يكونوا وحشيين
2-قال بنفسه ان الوزارة ثلاث اقسام في قسم من الوزراء مقدرش اغيرهم
وده معناه انه معدوم الشخصية وليس رجل دولة
وزارات السياده والأمن القومى مش بيتغيروا من رئيس الوزراء
وقسم من الوزراء ميقدرش يغيرهم علشان مفاتيح الوزارة في جيوبهم وده خبل
لا ده صح
لو عندك مدير حسابات فى شركه متقدرش تغيره فى يوم لأن معاه كل حسابات الشركه لكن تجيب واحد معاه لفتره يلم الأمور وبعد كده تغيره وده اللى قاله شفيق فى أول حوار وكان مفيد شهاب هو المثل لكده وأهو شاله دلوقت
3-في وزراء قال بتريقه مينفعش اغيرهم علشان الراي العام مش عايزهم
وده معناه استعلاء ومش مقدر الموقف يعني فاشل
ولو جاب واحد على مزاج الناس وفشل هتوافق أنه يقول وأنا مالى ما أنتوا أللى أصريتوا عليه
4-هو عسكري واحنا عايزين حكم مدني
دى فتره أنتقاليه لما ينتخب مجلس الشعب هيكون رئيس الوزراء من أختيار مجلس الشعب
5-كل ما واحد يساله سؤال صعب يقول مش عارف على الاقل يقول اتقصى الامور وارد
فى رأيى أحسن ما يعمل زى أللى قبله ويفتى بأى كلام بس أنا سمعته فى كام حوار بيقول حسأل عن الموضوع ده
6- ينفع ناظر مدرسة مش رئيس حكومة
ناظر المدرسه ميقدرش يعمل أللى عمله فى مصر للطيران
7- بيلبس بول اوفر فوق القميص ودي حركة اكرهها جداً
مكنش مفروض تقول السبب ده لأنه بينسف كل أسبابك أللى قبلها