الموضوع: وماذا بعد سقوط ليبيا ؟؟؟؟؟؟؟؟؟

المشاركة الأصلية كتبت بواسطة dr-mohamed

مش بتكلم عن ليبيا تحديدا
بقول ان كل الدول العربية بداخلها عوامل تقسيمها وتفتيتها و ده اللى بيحصل وهايحصل
ومسالة المساعدات دي مسالة انسانية وهاتنتهي بسرعة بمجرد اكتمال نجاح الثورة هناك لان البعض بعد انتصار ثورة ليبيا سيتهم المصرييين بقتل اللليبيين وفي نفس الوقت لن يسمح الليبيين لاحد بالعمل لديهم بينما هم يعانون من البطالة

بص البرادعى مش فوق مستوى الشبهات ومفيش حد فوق مستوى الشبهات ولا حتى طنطاوى اللى ماسك البلد دلوقتى
وحكاية الاتهام هما بيتهموا من دلوقتى ...... المصريين اللى هناك هيرجعوا برده يشتغلوا بس بعد ما العملية تهدى شوية
وعلى فكرة ليبيا فيها فرص شغل احسن من اوروبا الف مرة


عوامل التقسيم دى عملها الحكام بايديهم ..... قربوا ناس منهم وأغنوهم وسابوا الشعب

طبعا فى ناس مش عاجبها البرادعى ولا عمرو موسى ولا حتى شفيق
أرشحلكم نفسى احسن ؟؟

بعد سقوط النظام المستبد فى ليبيا ...اكيد هيجى نظام تانى على الاقل فى الاول مش هيبقى مستبد
وحدة الشعوب العربية ..اكيد حضرتك ملاحظ وقوف الشعوب العربية كلها جنب بعض خلال الثورة..و موقف الشعوب العربية من ثورة مصر كان واضح
احكام العرب هم اللى كان هيساعدوا على تقسيم الدول العربية وتحويلها الى شرق اوسط جديد
عمر البشير ده مش من عصر الحرية ..زيه زى اى حاكم مستبد
اى نظام ديموقراطى هيجى الشعب كله هيتوحد عليه لان لو خيب الامال مش هينجح الدورة اللى وراها
نظام مبارك البائد خلق فتنة طائفية ..حقد طبقى .. بسبب عدم العدالة الاجتماعية
اكيد الدول العظمى ليها مصالح فى الشرق الاوسط
لكن البلاد دى بتاعتنا احنا ..احنا الى هنساعدها تبقى دول عظمى عشان تبقى راسنا براس امريكا
رحمنا الله

ليه التشائم ده
يعنى لو كان جمال خد رئيس جمهوريه وقعدنا الله اعلم كام سنه فى بلاعه الفساد الى كنا عيشين فيها ديه وعماله تظهر دلوقتى
ده انا من كتر الحراميه الى ظهروا حسيبت ان البلد كلها كانت حراميه
ده دوله اسرائيل كانت قربت تبقى دوله اسرائيل الشقيقثه
ده دين ده
ازاى ربنا كان هيبارك لدوله تضع يدها فى يد اسرائيل وتمد اسرائيل بالغاز والبترول والحديد والاسمنت وشعبها ساكت
من منظور دينى بحت
وبعدين احنا كنا ايه
كنا فى سبنسه قطار العالم
هى مصر قبل الثوره كانت دوله عظمى ولا ايه
مهما حصل مش هاقول ابدا .... فين ايامك يا حسنى
ايام ما كانت الناس بتموت فى العبارات والى عمل كده يتهرب
ايام ما كانت البلد بتتنهب وتتسرق
ايام ما كان الناس لو اتكلمت تروح امن الدوله بالسنين
ايام ما كان وزير الزراعه بيموت الناس بمبيدات مسرطنه والرئيس سعيد بانجازاته الزراعيه

مصر كانت فى دوامه ولسه طالعه منها

انا مليش ميول حزبيه ولا اخوان ومنزلتش التحرير الا فى اخر اسبوع وحطى الوحش انى ما كنتش مع ابطال الثوره الحقيقين الى نزلوا من الاول وهما دول الابطال الحقيقين الى فتحوا الباب

اى حد ابنه مات هيقرا كلامك ده يا دكتور هيحس انه ابنه مات فطيس

ازاى تقبل ان ليبيا يحكمها مجرم حرب زى القذافى بيبيد شعبه اباده جماعيه

ترضى يا دكتور محمد على الشعب الليبى المسلم انه يحكمه حاكم زى ده بدعوى الاستقرار ؟؟؟؟؟؟؟؟؟؟؟؟؟؟؟؟؟؟