انت عارف يا شهدي احنا بنختلف مع بعض اد ايه
لكن اقسم بالله ما اتمني اكثر من ان فكرتي كلها تطلع غلط وكلامك كله يطلع صح متعرفش ده هايفرق كتير اد ايه
مفيش حد عايز وجع دماغ ومشاكل وحروب اهلية وترحيل بالعكس كلناعايزين نستقر وبلدنا تبقي احسن بلد في الدنيا
عرض للطباعة
يسمع من بوقك ربنا ....:)))
أنا مش مستنيك تسمح ولا متسمحش
إنت سمحت لنفسك تشتم المتظاهرين و المعتصمين في التحرير
إنت يلي بتنادي بحرية الرأي و الديمقراطية و الإحترام ........ كنت قاعد تشتم و تغلط فيهم و تنعتهم بالعيال والصيع والهمج
كان كل أملك يفشلوا .... حتى تصح وجهة نظرك في هم
لكن ربنا خيب أملك و العيال والصيع الهمج اثبتوا انهم أعلى و أحسن و أفضل من أي حد تطاول عليهم
طب تعمل إيه إنت بقى
تبث روح الإحباط و الفرقة بين الناس عن طريق مواضيع مستفزة و إصطياد الأخطاء ذي موضوع وائل غنيم و منعه من صعود المنصة
و موضوع تاني تبشر فيه بالمستقبل الاسود إلي منتظر مصر و العالم العربي كنتيجة مباشرة للثورة على الظلم والإستبداد
طبعاً مش كل الناس ذي بعض ....... ممكن حد يضعف و يخاف على مستقبل البلد و يصدق كلامك ...... و ينقلب على الثورة
و تبقى حققت هدفك ....... هايل بصراحة
أخيراً ....... طبعاً أنا ولا أخوك ولا عايز أعرفك
يا دكتور محمد اسمحلى انا مش فاهم حضرتك عايز ايه بالضبط بقالك تلات اسابيع مصر على ان ثورات الشعوب ديه هدفها التدمير و الفوضى و اوضحت الان انها لاهداف و مخططات خارجية للتقسيم فهل كان القادة السابقين واقفين فى وش امريكا حتى تفكر امريكا فى ازاحتهم بالطبع لا فهم كانوا دائما يعملوا من اجل مصلحة امريكا
هل لو كان هؤلاء القادة يعملوا لشعوبهم و يسمعوا لمن يعارضوهوم هل كانت ستحدث اى ثورات بالطبع لا
تقول ان هناك سيناريو تقسيم و من ضمنها تقسيم السعودية الا تعلم ان السعودية هى دولة من صنيعة الاستخبارات البريطانية و الامريكية حيث قاموا بمساعدة ال سعود لمحاربة باقى القبائل و اغتصاب الحكم و هناك تقارير مخابراتية غربية تبدى قلقها و خوفها على السعودية لان الملك عبد الله و ولى العهد سلطان الاثنان مرضى و فى الثمانينات من العمر و هناك خوف و عدم وجود رؤيا واضحة عمن سيحكم من بعدهما
لماذا تقوم دائما بلوم الشعوب المقهورة المظلومة التى ارادت ان تتخلص من جلاديها و لماذا تريدها ان تستكين و ترضى بالفساد و الظلم
انا كنت فى ليبيا و شاهدت بنفسى حجم الفساد و الظلم و اقسم بالله لو شاهدت ليبيا سيصيبك الذهول من حالها السيئ وهى من اكبر الدول المنتجة للبترول وهناك قابلت الكثير من التوانسة و كانوا يتكلمون معنا عن حجم الفساد و القهر عندهم
و سافرت السعودية و عملت فى منطقة ابها و خميس مشيط و هذه المنطقة مليانة باليمنيين لانها تبعد اقل من 250 كم من اليمن و استمعت من اليمنيين عن الفساد و المجازر التى يفعلها بهم نظام الحكم هناك
و حضرتك يا دكتور هنا فى مصر تحكم ان هؤلاء الشعوب مضحوك عليهم من المخططات الاجنبية
الا ترى حجم المجازر و القتل فى ليبيا أأصبح دم الشهداء يسرى طبقا لمخططات اجنبية
و الا ترى مدى تمسك هؤلاء القادة بكراسيهم رغما عن رفض شعوبهم
يا دكتور حضرتك هتقول انا حر فيما اراه و ان هذه هى الديموقراطية و لكن الديموقراطية تقوم على النقاش و ليس على المجادلة فحضرتك يا دكتور دائما متبنى وجهة نظر واحدة و لا تريد مطلقا تغييرها بل انك تدافع عنها و تظن ان كل هذه الشعوب مخطئة و ان ما تقوله حضرتك هو الصواب
سؤال اخير لحضرتك كيف و لماذا خرجت فى مظاهرات 25 يناير و ما هى الاهداف التى خرجت من اجلها و ما الذى تحقق منها , كم من مرة سألناك يا دكتور هذا السؤال و لم تجيب عنه
مع احترامي الكامل للدكتور محمد والذي أحب ان أري كلماته وارائه ولكن .............
ما أقدرش اقول غير انها فعلا فتنه وكل من يتعرض لها بقوة سوف يصاب ويتهم
الأولي والأحري لنا بدلا من ان نتفرغ للكلام عن المستقبل اللي هو ليس بيد اي انسان مقرب ولا نبي مرسل ولكنه بيد الله جل جلاله فقط ، ان نتقي الله عز وجل ونتوب اليه
يا رجال مصر الأوفياء لا تتربصو بعظكم ببعض ولكن أقسم بالله النجاة والحل من هذا المفترق الصعب الذي تعيشه البلاد والعباد في هذه الأية :-
قال تعالي :"واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا"
يا جماعة الخير ياريت بدلا من النقاشات الغير مفيدة و الجدل العقيم هذا ان نتوب الي الله ونستغفره حتي يتغمدنا الله برحمته ويتم علينا نعمة الأمن والأمان وان يرزقنا الرئيس الصالح والبطانة الصالحة التي تعينه علي الخير
بصراحه انت قلت كل كلمه كنت عاوز اقولها من قلبي دكتور محمد حضرتك اساسا ضد كل حاجه بتحصل من التغيير وعاوز الحياه تبقا بيييييييييس علشان الناس الغلابه يا عيني تلاقي تاكل انا نفسي بس اقول كلمه علشان انا ماسك لساني من زمان ومش عاوز اتكلم احنا لولا الثوره دي كنا داخلين على ايام سوده ضرايب جديده كل حاجه بتغلى الشغل فرصه بتقل نهب وسرقه ورشوه ومحسوبيه وظلم اكتر ميه ملوثه ومن مصدر موثوق بيه احنا كل يوم فيه حوالي 200 حاله جديده سرطان يا جماعه احنا كنا بجد داخلين على ايام سوده متقوليش احتلال ولا تقسيم ولا احكام عرفيه ولا اي حاجه في الدنيا كانت تمنعنا من اننا نعمل اللي عملناه بجد انا حاسس ان ربنا انعم علينا ووقف بجد يا دكتور محمد من اول الثوره مشفتش لكلامك اي جانب او موضوع ايجابي وحضرتك بتقول الديموقراطيه انا نفسي اقولك كلمه واحده بس انا مبسوط ان فيه عقلاء كتير بيفكرو واخدوا القرار وانك مكنتش طرف حقيقي في صنع القرار علشان كدا وصلنا للي احنا فيه الحمدلله
أنا عن نفسي كمسلم طول مانا عايش و فيا نفس مستحيل اسيب العاصمة المقدسة لغير المسلمين ....... و يبقوا يعدوا على جثتي الأول قبل ما يدخلوها ....... امم متحدة بقى مش متحدة مش هيحصل ...... و افتكر ملايين الرجالة اللي نزلت الشوارع بمواسير و شوم و اي حاجة مش هتسكت ساعتها ...... انسى يا عمرو ..... المدينة و مكة دول غير اي حاجة تانية خالص .......
سلسله من المواضيع المستفزه بجد
عن فواضى وخراب ودمار انتوا ياجماعه محسسنى اننا كنا عايشين فى جنه والدينا كانت حلوه
ياريت يا دكتور محمد تبقى تنزل مظاهرات مصطفى محمود وتأيد براحتك علشان حسنى هو اللى كان حامينا فى الفوضى دى
وخش برضوا على جروب احنا اسفين يا عدالى وعلى جروب احمد عز قائد الصناعه الوطنيه (طلعت حرب)
والله ما بهزر فيه جروبات فعلا كده
هتلاقى كل الكلام العظيم اللى انت بتقوله ده وهتلاقى ناس تتفق معاهم فكريا
رساله بجد من شاب زهق وطهق من كتر التشائم ولما شاف بريق امل فى بكره وان ممكن بكره يبقى احسن لقيت واحد زى حضرتك بيضلمه اكتر واكتر