الموضوع: وماذا بعد سقوط ليبيا ؟؟؟؟؟؟؟؟؟

المشاركة الأصلية كتبت بواسطة hobiko

أ.شهدى

اقسم بالله ان لست ضد حرية الرأى و التعبير

و حصل قبل كده مناقشة بينى و بين د.محمد على خلفية موقعة الجمل و كنا مختلفين فى الرأى و فى النهاية وافقت على رأيه و شكرته للحوار المتحضر و هو شكرنى لتقبل الحوار

فى الموضوع ده

http://www.nilemotors.net/nile/19927...post3873265785

بس ده كان قبل ان ارى مشاراكاته المليئة بالشتائم للمتظاهرين و المعتصمين فى التحرير

هل حرية الرأى تجيز الشتائم ؟؟؟؟؟؟!!!!!

و من حق اى حد انه بنبه و يحذر من خطورة حدوث سيناريوهات سوداء فى مستقبل بلدنا

ده مش بس حق ...... لأ ده واجب علينا

نحسب و نقيم كل خطوة قبل ما نخطيها ...... نشوف مكاسبها و نحذر من أخطارها

نقول مثلا يا جماعة خلى بالكو ...... مش عايزين ده يحصل لبلدنا ..... تجمعوا و لاتفرقوا

لكن كلام من عينة



ده تحذير او تنبيه ؟؟؟؟؟!!!!!! ولا جزم بحتمية حدوث هذا السيناريو البغيض لبلدنا

فى فرق انى ابقى راكب مع حضرتك فى عربية و حضرتك سايق و اقولك خد بالك فى مطب خطير قدامنا لو وقعنا فيه ..... العربية حتتقلب و تدمر و احنا نموت

ده اسمه تحذير او تنبيه ....... حضرتك حتركز اكتر و تخلى بالك كويس اوى

او انى ابقى راكب مع حضرتك فى عربية و حضرتك سايق و اقولك على فكرة فى مطب خطير قدام حتقع فيه يعنى حتقع فيه مهما عملت و العربية حتتقلب و تولع بينا اكيييييد

ده اسمه افزاع و ترويع ...... حضرتك حتعمل ايه ...... حتوقف العربية و تنزل منها و تطلع تجرى

وهو ده الهدف

انا اسف للأعضاء المحترمين لحدة الحوار

انا حاسس بكل اللى جواك والله

أنا مدايق بس ان 2 مننا من القلائل اللى دماغهم شغالة بجد يخبطوا فى بعض.

أنا كنت حاضر كل المواضيع كلها تقريبا ... واللى فهمتة ان د/محمد كان بيقول ان فى دخلاء على الثوار و كان بينعتهم بالالفاظ دى

وكان بيقول ان بيتوع 28 غير بتوع 25 وكان علية بيشتم اللى كان شايفهم دخلاء بالهمج والصيع وهكذا

أنا مش بدافع عن حد ... انا بوضح اللى فهمتة من كلامة واعتقد ان دة صح

أنا معاك ان د/محمد اسلوبة يصدمك فى الأول ! وانا اول ماقريت الموضوع حسيت نفس شعورك بس قريت المكتوب كذا مرة

لقيت انة مكتوب بأسلوب تحسسك انى حهاجم الشخص دة على طول بس هو بيحذر

هو اة بيحذر بطريقة تخوف ... لكن مش بيقول ان رأية دة صحيح ... حتى قال يارب اطلع انا غلط وانتم صح

ذى ماتقول كدة وسامحنى يا د/محمد فى الكلمة متشائم اوى اوى زيادة عن اللزوم بس يمكن بيستعد للأسوأ لا قدر الله ولا حاجة

..... أنا مش بتكلم على لسانة أنا بس بقول اللى فهمتة ... ومضايق ان اتنين يشبكوا فى بعض كدة...