الموضوع: شتيمة محمود عبد اللطيف رئيس مجلس ادارة بنك الاسكندريه للموظفين النعتصمين

مع كامل احترامي و عدم اتفاقي مع رئيس البنك في اسلوبه المرفوض مع العاملين


ما تزعلوش مني بس فيه مطالب كتير غير عادلة أصلا

3- تعيين ابناء العاملين بدون شروط

الاختراع ده ما انزل الله به من سلطان في اي بلد في العالم و لا اي شركة كبيرة تحترم نفسها بالعكس الشركات الاجنبية بتمنع اتنين قرايب في نفس الشركة !

هي مش تكية

ابن العامل يتقدم زيه زي غيره و يتعامل زيه زي غيره و لو احسن من غيره اهلا بيه لو غيره احسن منه يبقى غيره اولى بالوظيفة منه

و محدش يقول لي ابوه ضيع عمره و عمل ايه في نفسه و بتاع

كان موظف بمرتب .....

زي ما مبارك كان موظف بمرتب .....

مفهوم التوريث واضح انه على نطاق واسع جدا :)

4-المساوة بين العاملين فى الاجور حيث هناك اشخاص تحصل على 1500 جنيها و جنيها2000 وناس تحصل على نصف مليون جنية ومليون جنية ومائة ومائه وخمسون الف جنيها ومائتان والمزيد من الشرائح المختلفة

مستحيل ابو 2000 و او 150 الف يبقوا على نفس الدرجة الوظيفية و لا الخبرة و لا بيعملوا نفس الوظيفة و المطالبة بالمساواة بينهما تبقى استهبال ..... يعني انا اروح دلوقتي اطالب ان مرتبي يبقى زي مرتب ال director بتاعي مثلا ؟؟؟؟؟؟؟

9- زيادة الاجور بنسبة لا تقل عن 50 % الى 100% تعويضا عن ظروف الصعبة والغلاء وارتفاع الاسعار والظروف الاقتصادية الصعبة فى الدولة

على فكرة كل مكان الاجور فيه ليها ميزانية و 50 و 100% دي مستحيل تحصل في أي مكان أصلا الا في الحكومة (فاكرين ال 30% بتاعة 2008؟) عشان الاجر الاساسي منخفض للغاية

و على فكرة الفلوس مش بتتطبع و خلاص ..... لو كل صاحب عمل زود 50 و لا 100% التضخم هياكل الفلوس دي و هيبقى كيلو اللحمة ب 200 جنيه !!!!

10- الغاء نظام التقييم وكتابة التقارير من جانب المديرين فى البنك نظرا لقسوتهم وتعسفهم وسوء استخدام سلطاتهم ضد الموظفين والعاملين بالفروع والمناطق المختلفة ومن ظلم وبغيض من جانب مديرين للفروع
نظرا لخلافات او مصالح او مشاكل شخصية
11- الغاء نظام التقييم والدرجات المختلفة 1.2.3.4.5

طيب نطالب بان التقييم يبقى عليه رقابة و يبقى عادل و ليه شروط ماشي

بس نلغي التقييم؟ يا حلاااااااااااااااااااااوة ....... و الموظف يقضيها طول السنة ..... و في الاخر ازاي هاعاقب المقصر و اكرم المتميز ؟؟؟؟؟؟

يا جدعان دي تبقى طابونة مش شغل

12- الغاء نظام التارجت ووضع ضغوط واعباء على العاملين بكافة المستويات الوظيفية

كل المؤسسات الكبيرة فيها تارجت لتحفيز العمالة ..... مفيش تارجت يبقى ساعتها و لا هيفرق تبيع ما تبيعش تشتغل ما تشتغلش اياكش تولع ما في الاخر مرتبي و حوافزي هي هي .....




بصراحة دلوقتي المطالب بقت استهبال رسمي يا جدعان ..... و الاقتصاد هيخرب و الله :(