كل سنه و انت طيب - عزيزي نايل موتورز :)

**Nile_Storm** · 05-04-2008 01:21 AM

طبعا كلنا عارفين ان عيد ميلاد المنتدي اتعمل النهارده
منا اللي حضر و اللي منعته الظروف انه يحضر
لكنها بجد مناسبه فريده
اولا لانه منتدي مميز و فريد ايضا وسط منتديات السيارات المتخصصه لما يحمله من ود و حب و اخوه
ثانيا لانه عيد ميلاده الاول اللي اكيد كان فيه حصاد كامل لتجربه علي مدار العام بحلوه و مره
كل سنه و انت طيب نايل موتورز و عقبال مليون سنه
و شكرا لكل من ساهم في وصول المنتدي لهذا لشكل
شكرا لاعضاء المنتدي و حرصهم علي مساعده الجميع
شكرا لمشرفي المنتدي لما يبذلوه من مجهود قد يخفي علي البعض
شكرا للاداره
شكرا للجميع
كل سنه و انت طيب نايل موتورز :) :) :)
ها كل واحد يدخل يعيد علي المنتدي :)

**Dr Ahmed** · 05-04-2008 01:24 AM

عندك حق يا أخى الفاضل
وأنا فعلا سعيد بإنضمامى للمنتدى ويشرفنى وجودى معكم
وكل عام والمنتدى وأعضاؤه بأفضل حال

**meza** · 05-04-2008 01:31 AM

كل سنة و نايل موتورز و كل الأعضاء بألف خير
إن شاء الله السنة اللى جايه أحسن و أحسن

**SEATLOVER** · 05-04-2008 01:31 AM

دايماً سباق فى الخير يا Nile_Storm :)
كل سنة و انت طيب و نايل موتورز حبيبنا بالف خير و يارب السنة اللى جاية نكون اضعاف اضعاف المشتركين ويزيد عدد الاعضاء النشطين لمساعدة اخواتهم و اللى مبيتأخروش على اى حد منهم محتاج مساعدة ويارب يزيد الحب بينا و يوفقنا فى عمل الخير لينا و لكل الناس و يقدرنا نكون عند حسن ظن بعضنا دايماً و نكبر و بكبر معانا احلى منتدى سيارات فى مصر .
والف شكر لكل من ساهم بوقتة ومجهودة من ادارة و اسرة اشراف و اعضاء .
الف شكر ..وكل سنة واحنا كلنا طيبين إن شاء الله .

**ows212** · 05-04-2008 02:44 AM

كل سنة ونايل موتورز بخير .... انا فعلا ياجماعة كنت اسمع ان فى حاجة اسمها منتديات الأنترنت لكن معنى المنتدى الفعلى عرفت عن طريق نايل موتورز .. وقربت اكون مدمن نايل موتورز

**Chicco** · 05-04-2008 03:02 AM

كل سنة و المنتدى و كل الاعضاء بالف خير و سعادة :)

**hamedo0** · 05-04-2008 03:11 AM

كل سنة و نايل موتورز و كل الأعضاء بألف خير وسعاده

**sherif_84** · 05-04-2008 03:36 AM

كل سنة والمنتدى دايما فى تقدم و تطور ان شاء الله والحمدلله ان فى مكان بيجمعنا كلنا كأننا عائلة واحدة
كل سنة وانت طيب يامنتدانـــــا الغالى
والله ياجماعة كان نفسى أجى لكن ظروف الشغل والله منعتنى

**aif** · 05-04-2008 12:29 PM

كل سنة وانتم جميعا طيبين
وكل سنة ونايل موتورز في تقدم وازدهار
انا عمري ما انضميت ولا تابعت اي منتديات قبل كدة و دخلت نايل موتورز صدفة وانا باحاول اعرف مواصفات السيارة اللي عاوز اشتريها ( بحث عادي علي الجوجل )
لكن من ساعة ما دخلت وانا حاسس بان المكان دة مميز .. بغض النظر عن فنيات السيارات .. لأنك ممكن تلاقي فنيات في اماكن اخري .. ( هذا لا يقلل من المستوي الممتاز لفنيات السيارات .. والعباقرة الموجودين هنا .. لكنني اقصد انها ممكن تكون أيضا موجودة في منتديات اخري ) لكن الناس الل هنا مختلفين .. اسلوبهم مختلف .. احترامهم لبعض مختلف .... من الآخر يا جماعة ...المكان دة أقل ما يقال عنه انه مكان راقي وناس راقية جدا .. ده حتي في ناس ما عندهمش عربيات ومش بيعرفوا يسوقو وموجودين معانا .. ده دليل علي ان الموضوع مش مجرد منتدي سيارات ... ده زي ما قلت مكان محترم سواء في مجال السيارات او اي مجال آخر
اوجه شكري العميق للإدارة والمشرفين .. فعلا مجهودهم كبير جدا .. ونتيجته واضحة علي المنتدي
كل سنة وانت طيب نايل موتورز