بالضبط كده و بعتولهم طيارتين من بتوع القوات المسلحة لاجلائهم من ليبيا
اكتر من مرة يكرروا جملة (بدون ذكر اسماء)
جزئية عدم ازدواج الجنسية في المرشحين للرياسة رد على المتصل وقاله : واكثر مما تتصور من تفاصيل هنلاقيها في المادة دي
من غير اسماء واللبيب بالاشارة يفهم
يعني جيمي بخ والبرادعي وايمن نور بخ
ولما قال كل المتلونين من رموز الاعلام خليهم يتلونوا براحتهم ومش هنقولهم قدموا استقالتكم والكل هايتحاسب بس في اولويات وتوفير الامن للمواطنين من الاولويات ودول دورهم قدام شوية
بس في نقطة عدت مرور الكرام اثارها وائل الابراشي وهي صورة مبارك اللي لسه موجودة مش فاكرة قال فين
بس اللواء رد عليه قاله وجودها لغاية دلوقت مش منطقي وعلى وشه الحرج
الله يخليك دي بالذات نودع اهلنا كلنا
صحيح هو كريم منير مزودج الجنسية ولا لا ؟؟؟؟؟؟؟؟؟؟؟
حاسس انهمدكن لغاية ما يفاجئنا ببرنامج ويرشح نفسه
المفروضيا باشمهندس محمد بعد الحلقة دي وبعد ما الناس وضحت كل حاجة اللى يخرج يبقي عايز يستعرض جمال خطوته ويقول للناس والنبي اتفرجوا عليا شايفيني وانا بتظاهر شكلي حلو ازاي
ركز على اللى قالوا انه حصل يوم الجمعة وفعلا انا كنت بفكر في الاحتمالين اللي قالتهم مني الشاذلي رغم انهم عكسبعض لكن الحمد لله هما ردوا ووضحوا ان الاحتمالين غلط
بدون ذكراسماء معناها ان الكلام بتاعهم ينطبق على الجميع وعلى الافعال بغض النظر عن الشخص ودي من اجمل الحاجات اللى قالوها ومتعمدينها طبعا
واحلى حاجة اسعدتني ان كل اللى فاكرينها سهلة مع السلامة ومحدش هايمسك منصب الا لما يكون مصر هي الملجأ والملاذ وبلده الوحيدة بلدنا تستاهل اكتر من كدة كمان
وبتوع الاعلام دول شوية وكلهم هايحصلوا اخواتهم اللى كانوا بينافقوهم ولا تتفاج~ لو وجدتي اسماء كتيرة بتشرف معاهم في طرة
وكلمة الامن والاستقرار اهم حاجة دلوقت معناها اتهدوا شوية علشان نعرف نعمل حاجة ونمشي
وجزئية وائل الابراشي مش مقعنة وبردو مش عايزين ننسي ان الناس بتقول الرئيس السابق وقرار تجميد ممتكلاته هو وعائلته كل ده بعد ما قالوا قبل كدة من كام يوم ان الرئيس السابق خط احمر معني كدة ان الناس بتتحرك بطريقة معينة هم ادري بيها
ولا ننسيان الجيش لما بيقول كلمة بيبقي حريص جدا فيها علشان عارف انه لازم ينفذها وانه متحمل مسئولية البلد كاملة دلوقت وان اي تصرف غلط ممكن ينزل الناس الشارع تاني لكن بشكل يجعل الصدام مع الجيشحتمي فهما حريصين جدا على الحفاظ على البلد ولازم نكون اشد حرص منهم ونعاونهم الفترة البسيطة اللى جاية
................. منقول ....................
كشف اللواء ممدوح شاهين مساعد وزير الدفاع للشئون القانونية وعضو المجلس الأعلى للقوات المسلحة، أن التصويت فى الانتخابات القادمة سيكون من خلال بطاقات الرقم القومى وليس كما هو متبع من خلال بطاقات التصويت.
وأوضح مساعد وزير الدفاع للشئون القانونية، خلال حواره لبرنامج العاشرة مساءً اليوم، الاثنين، أن السلطة القضائية لا سلطان عليها من المجلس الأعلى للقوات المسلحة أو غيره.
حد يطمني يا جماعة
التصويت في انتخابات مجلس الشعب بالرقم القومي ولا اعمل بطاقة انتخابية
علشان محدش يخلط بين الاستفتاء او انتخاب الرئيس وبين انتخابات مجلس الشعب
لان الاستفتاء بالرقم القومي وانتخاب الرئيس بالرقم القومي
لكن انا اسأل على انتخابات مجلس الشعب هل هي بالرقم القومي ... حد يطمني ارجوكم
كلام جميل...ريحنا في حاجات كتير
بس يا ريت يفكروا في موضوع المجلس الرئاسي علشان يعطودا فرصة لتكوين احزاب والاستعداد للانتخابات
بدل ما الحزب الوطني والاخوان يسيطروا على الساحة لوحدهم تاني...
عجبني جدا كلامهم عن انه لا املاءات على المجلس العسكري...
عجبني حرص المجلس على ان يكون اي تصرف ضد المفسدين واذيال النظام السابق
عن طريق القانون
عجبني موضوع الرقم القومي...وان كنا نرجوا تأكيد عليه خاصة في انتخابات البرلمان والرئاسة
عجبني طبعا تأكيدهم على ان الجيش هو جيش الشعب وانه اجبر مبارك على الاستقالة
عجبني ردهم في موضوع السفينتين الايرانيتين
عجبني استخدامهم للورقة والقلم والحرص على أخذ الملاحظات (ناس منظمة)
عجبني كلامهم المتوازن عن الاخوان (يعني مافيش مواقف مسبقة من اي تيار سياسي طالما تحت القانون)
عجبني احساسهم بالدمار والتخلف اللي مصر كانت فيه ورغبتهم ان مصر ترجع لدورها في العالم
ما فهمتش بالضبط وضع حالة الطوارئ او قانون الطوارئ
ما فهمتش بالضبط وضع بقية المعتقلين السياسيين (غير 25 يناير)
لاحظت ان ميدان التحرير شئنا ام أبينا يعتبر مصدر ضغط وبيتعمل حسابه جداااا
الحلقه دى توصف فى كلمتين
فن التثبيت
=======
ويارب الجيش يخيب ظنى
أن شاء الله بأذن الله ربناهيخيب ظنك
على فكره قصدى مش وحش والله
بس فعلا كلمه الراجل العسكرى سيف على رقبته
ولو ليك قريب من قريب او من بعيد أساله كلمه الرجل العسكرى عامله ازاى
صحيح انا مدخلتش الجيش بس بجد لو رجع بيا الزمن ان ادخل او لأ هختار انى ادخل بالرغم من صعوبه حياتهم وقسوتها
بالنسبه للصور ... شالوها من مجلس الوزرا ... فى الشوارع فى منها اتقطع و فى لسه موجود ... و الاسامى اللى على كل المشاريع و المدارس (سواء اسمه او اسم مراته) كل ده لسه هياخد شويه علشان يتظبط ... طب تصدقى ان الاحياء السكنيه فى الغردقه متسميه مبارك 1 ... مبارك 2 ... لحد مبارك 11 .. ايوه 11 حى اسمهم مبارك !!!!
اخر حاجه بالنسبه للجيش ... جنبى معهد المشاه على اول طريق السويس .. كان فى لوحه جداريه نحاس عليها صورته ... يوم الخميس اللى فات لقيتهم مغطيينها و بعد يومين لقيتهم كانو شغالين عليها و شالوا الصوره ... التغير شغال بس بياخد شوية وقت
بالنسبه لقانون الطوارئ هما قالوا ان القانون بيكون موجود و ده طبيعى فى كل دول العالم ... و لما تحصل حاجه من اللى منصوص عليها فى البند الاول (اضطرابات... اوبئه .... مش فاكر ايه تانى) بيتم تفعيل حالة الطوارئ بناء على القانون ... هم قالوا ان الصح الغاء حالة الطوارئ مش القانون مع تغيير القانون (بالأخص الماده التالته سيئة السمعه) اللى بتبيح استخدام الطوارئ للمخدرات و الارهاب (عرفتو ليه خالد سعيد بلع بانجو مش اى حاجه تانيه)
هم قالوا ان مجرد ما الحال يستقر هيتلغى العمل بحالة الطوارئ و اكدوا ان الانتخابات مش هتحصل و الطوارئ معلنه