هام جدا زيت ال10 الاف ولا زيت ال5 الالف

**falcon191** · 25-02-2011 05:47 PM

المشاركة الأصلية كتبت بواسطة tarekabosdera

الزيت التخليقي ( 10000) كم أفضل بكل المقاييس من الزيت المعدني العادي ... وعن تجرية وبحث في معلومات هندسية عميقة :)

خصوصا وان عربيتك جديدة وعودها من دلوقتي على الزيت التخليقي

الزيت 10000 كم كويس فعلا بس لو استهلاكك للعربية قليل بمعنى ان لو مرت سنة ولم تستهلك سوى 5000كم مثلا ،هتعمل ايه؟

**eldeplomasy** · 28-02-2011 11:13 PM

وكمان في حاجه مكتوب على ورقه في التوكيل ان الزيت التخليقي نحطه لحد 50 الف كيلو او 60 الف كيلو وبعد كده نحط المعدنى وده معناه ان المعدنى احسن واتقل وبيلين اكتر؟؟؟

انا بعد صيانه اول الف حطيت زيت تخليقي بس شكلى كده هبدا احط معدنى من التغيير اللى جاى ولا اعمل ايه؟؟؟

فيدونى ربنا يكرمكم جميعا ويحافظ على بلدنا

**eldeplomasy** · 02-03-2011 08:52 PM

فين الردود ارجوكم عشان عايز اغير الزيت ومنتظر القرار والقرار متوقف عليكوا

**mimo_15** · 03-03-2011 05:09 AM

شل الاصفر افضل من وجهة نظري
وانا شفت الفرق فعلا لما جربته زيت محترم وفعلا فرق كتير في صوت العربية وكمان في الاداء
اتوكل على الله وغير للمعدني وجرب وانت اكتر واحد هتحس بالفرق وهتعرف تحكم كويس ساعتها ...
انا معايا الاكسنت الشكل القديم وشغال زي الفل معايا
بالتوفيق....

**semsem8080** · 03-03-2011 08:57 AM

انا كنت بحط زيت موبيل 10000 ولسة جايب زيت أمراتي 30000 بس بصراحة خلي صوت الموتور انعم بكتير من موبيل بس انا ناوي اغيرة علي 10000 عشان الامان بردة وثمنة 290

**_Ahmed_casper_** · 03-03-2011 07:24 PM

كده انا اتلخبط على الااااخر
‏ يا جماعه خلونا نرسى على قرار .. ايييييييه الافضل؟
انا معايا جيتز و عايز اغير زيت و مستنى قراركو

**eldeplomasy** · 04-03-2011 01:28 PM

وانا كمان

طيب لما الزيت التخليقي افضل من المعدنى ليه بعد 60 الف كيلو لازم تغير للمعدنى ده اولا

ثانيا ليه لو الموتور بدا يخف مينفعش تحط الزيت التخليقي مع ان المفروض لو هو احسن يبقى نحطه مش المعدنى

بصراحه انا احترت اخر حاجه وياريت اللى جرب او اللى عنده معلومه هندسية يقولها عشان كلنا نستفيد خصوصا اننا داخلين على فصل الصيف والتكييف وطبعا هنبقى عايزين الاحسن عشان السفر وانا طبعا بسافر كتير وكمان في الصيف مع المكيف اكيد هبقى محتاج الزيت اللى هيريح العربية اكتر

ارجوكوا انا ماخر معاد الصيانه عشان اخد القرار

والسلام ختام