هام جدا زيت ال10 الاف ولا زيت ال5 الالف

**eldeplomasy** · 22-02-2011 12:36 AM

سلام عليكم اولا احب ارعفكم بنفسى
اسمى حامد العزيزي ملحق دبلوماسى بوزارة الخارجية واشتريت نيو اكسنت موديل 2011 بس الشكل العادى
ومشيت بيها حوالى 4200 كيلو بس بعد صيانه الالف حطيت زيت ال10 الالف لان واحد في التوكيل قالى هيكون افضل مش مفهمتش منه افضل ليه المهم فضلت ماشي بيها لغايه ما ركبت عربية صاحبى نفسها بالضبط بس هو مشى بيها اكتر من 7000 كيلو بس بيحطلها زيت ال5 الالف فلقيت اختلاف ملحوظ في سحب العربية واستهلاك البنزين لصالح صاحبى وكمان نعومة صوت الموتور عنده اكتر من عندى ومن ساعتها محتار اغير الزيت لزيت ال5 الالف ولا ايه رايكو

محتاج رايكوا كلكوا سواء جربت الزيت ده او ده او سمعت معلومه او شفت مشكلة

وكمان سمعت ان زيت ال10 الالف بيخلى الموتور ياكل زيت بشكل اسرع والدليل على كده ان لو عربيتك قديمه متحطش زيت ال10 الالف عشان الموتور هيخف اسرع

منظر رايكوا,,,,

**saadelden** · 22-02-2011 03:59 AM

خلي بالك انت لسه في التليين و صوت العربيه و السحب بيتحسن كل ماتمشي بيها ف اول 10000 كيلو
و طبعا لو لينتها بطريقه سليمه العربيه هتعيش معاك اكتر

العربيات الجديده مابيفرقش فيها زيت 1000 او 10000 لان الماتور لسه بحالته
لكن العربيات القديمه بيكون الماتور سبيكته تعبت من كتر الشغل و غير كدا التكنولوجيا بردو تختلف بمراحل
و بيفضل ان العربيات القديمه تستعمل زيوت لزوجتها عاليه و ماتكونش متعدده اللزوجه عشان ماتتبخرش