انذار وولف ب 135 جنيه

السلام عليكم ورحمة الله وبركاته
امبارح نزلت التوفيقيه وجبت انذار وولف ب 135 جنيه فقط وركبته والحمد لله شغال تمام
بس جبته نفس موديل الانذار اللى فى العربيه التانيه(الماروتى)
وبرمجته بحيث انه بيفتح ويفقل العربيتين علشان يبقى معايا فى الميداليه ريموت واحد فقط وعلى فكره ال spy برضه ب 135 جنيه

طيب معلش ايه مميزاته يعنى هل فى شاشه والكلام دا ولا القصه دى مختلفه خالص

اقتباس:

---

المشاركة الأصلية كتبت بواسطة mrghost

السلام عليكم ورحمة الله وبركاته
امبارح نزلت التوفيقيه وجبت انذار وولف ب 135 جنيه فقط وركبته والحمد لله شغال تمام
بس جبته نفس موديل الانذار اللى فى العربيه التانيه(الماروتى)
وبرمجته بحيث انه بيفتح ويفقل العربيتين علشان يبقى معايا فى الميداليه ريموت واحد فقط وعلى فكره ال spy برضه ب 135 جنيه

---

بسم الله الرحمن الرحيم
الف الف مبروك يا هندسة :00020140:

نسأل الله أن يرزقك خيره وخير ما صنع له

المحل اللي جبت منه اسمه إيه

ممكن اعرف برمجه ازاى علشان انا عندى ريموت واحد وعايز اجيب كمان واحد

جزاك الله خيرا
جبته منين اخى الكريم

اقتباس:

---

المشاركة الأصلية كتبت بواسطة mrghost

السلام عليكم ورحمة الله وبركاته
امبارح نزلت التوفيقيه وجبت انذار وولف ب 135 جنيه فقط وركبته والحمد لله شغال تمام
بس جبته نفس موديل الانذار اللى فى العربيه التانيه(الماروتى)
وبرمجته بحيث انه بيفتح ويفقل العربيتين علشان يبقى معايا فى الميداليه ريموت واحد فقط وعلى فكره ال spy برضه ب 135 جنيه

---

مبروك...وممكن أعرف جبته منين و التركيب اتكلف كام؟؟

الله يبارك فيكوا ياجماعه
بصراحه مش فاكر اسم المحل بس هو فى التوفيقيه على اول ناصيه لو انت ماشى فى التوفيقيه وماشى رايح على السينما وحاطط كاسيتات وسماعات كتير
بالنسبه للبرمجه فدى سهله انك تفتح الكونتاكت وتقفله 5 مرات ورا بعض وتدوس على اى زرار فى الريموت وهو كده بيتبرمج (بس لازم تكون فاتح باب من ابواب العربيه )

انا عندى سنتر بالريموت spy
فا عايز اركب انذار عشان أمان بردو بس مش عارف اعمل اية فى الجهاز والريموت بتاع السنتر
و بيتوصل على الفلاشر ولا لا

اقتباس:

---

المشاركة الأصلية كتبت بواسطة hazemhassan

انا عندى سنتر بالريموت spy
فا عايز اركب انذار عشان أمان بردو بس مش عارف اعمل اية فى الجهاز والريموت بتاع السنتر
و بيتوصل على الفلاشر ولا لا

---

بص ياباشا هتضطر تشترى انذار نوعه سيمفونى بيتباع فى سبير كار وده بيتوصل على السنتر والانذار ده بيشتغل على ريموت السنتر اللى معاك ومفيش اى مشكله بيتهيألى ب 150 جنيه فى سبير كار
وموجود برضه فى التوفيقيه وهتلاقيه ارخص من سبير كار هناك اكيد

السلام عليكم
جزاك الله خيرا
عارف الرجل ربنا يسهل اروح اجيبة ان شا ءالله

العفو ياباشا انا فى الخدمة

اقتباس:

---

المشاركة الأصلية كتبت بواسطة mrghost

بص ياباشا هتضطر تشترى انذار نوعه سيمفونى بيتباع فى سبير كار وده بيتوصل على السنتر والانذار ده بيشتغل على ريموت السنتر اللى معاك ومفيش اى مشكله بيتهيألى ب 150 جنيه فى سبير كار
وموجود برضه فى التوفيقيه وهتلاقيه ارخص من سبير كار هناك اكيد

---

وبكدة هيكون معاية ريموت الانذار شيلة فى البيت وبمشى بالريموت اللى معايا ولا اى
والف شكر على الرد

اقتباس:

---

المشاركة الأصلية كتبت بواسطة hazemhassan

وبكدة هيكون معاية ريموت الانذار شيلة فى البيت وبمشى بالريموت اللى معايا ولا اى
والف شكر على الرد

---

لا حضرتك ده انذار بيجى من غير ريموت علشان العربيات اللى نازله بسنتر فقط ومعاه ريموت زى اللانسر والهيونداى وكده
وده بيبقى منغير ريموت وبيتوصل على الريموت القديم اللى معاك حاليا
واى استفسار تحت امرك

طب سؤالين ....انا عربيتى فيها سنتر بمفتاح وكل شوية لما العربية تتغسل بيفصل .

ينفع اركب انزار واللغى الريموت بتاع السنتر يبقى ريموت الانزار بالسنتر عادى ...ولا هشترى سنتر جديد غير الى عندى

السعر تقريبا يا جوست لو مفهاش مشاكل للارنزار بالريموت

بص مينفعش تلغى ريموت السنتر فقط ساعتها لازم تغير نظام السنتر بالكامل
السنتر ب 80 جنيه والانذار ب 135 جنيه والتركيب ممكن فى حدود 30 جنيه

الف شكر على للافادة

العفو ياباشا انا فى الخدمه

اه نسيت اقول حاجه ياجماعه
الانذار الجديد فيه ميزه وهى انه بيرفع الزجاج الكهرباء على مرتين فحتى لو الزجاج تقيل هيقوم برفعه للاخر
انما اول انذار كنت مركبه كان بيرفع الزجاج ولو تقل كان بيقف

السلام عليكم
سؤال معلش رخم شوية ؟
موديل الانذار ايه ؟
وهل الانذار بيجى معه سنتر ولا ده جهاز وده جهاز اخر ؟
وجزاك الله خيرا