حد يا جماعة عارف اسعار المواتير اية؟
افضل مكان للشراء في الاسكندرية؟
رقم العضوية : 68210
تاريخ التسجيل : 17Apr2010
المشاركات : 2,398
النوع : ذكر
الاقامة : Saskatchewan - Canada
السيارة: NISSAN MAXIMA SE
السيارة[2]: PEUGEOT 505
دراجة بخارية: مابعرفش أسوقها للأسف !!!!
الحالة :
السلام عليكم و رحمة الله و بركاته
بص يا باشا:
أنت أكيد طالعلك مواسير ميه لوحدك لأنك ساكن فى سكن خاص مش مساكن شعبية أو تنفيذ الحكومة و بالتالى, أنا شايف أن كووووووووووووول مشكلتك تكمن فى موتور ضعيف و كل اللى أنت محتاجه أنك تجيب موتور حصان, أنا كنت جايب الsaer الايطالى من حوالى 13 سنة و أنا فاكر أنى جبت الsaer لأنى كنت عاوز أجيب الكالبيدا, بس يومها, ماقيتهوش, فى خلال ال13 سنة دول, غيرنا البالونة مرتين و من حوالى 6 شهور, الموتور اتكسر فيه حاجة جوه, أنا مش فاكر ايه هيه و وديناه عند المخرطة و اتصلح و بقى -الحمد لله- ميه ميه.
طبعا, أنك تجيب حاجة ايطالى أو ألمانى, أفضل من الصينى.
طبعا, لازم تجيب ليه بالونة, لأن هى دى اللى هتخليك تستخدم الموتور و أنت مطمن
و لازم بعد ماتركب الموتور, أنك تشوف سباك شاطر يظبطلك الأتوماتيك بتاع الموتور, لأن ده اللى هيحدد, امتى الموتور يفصل و امتى يشتغل.
وجود موتور أو لأ, مايفرقش خاااااااااالص مع السخان الكهربا لكن يفرق مع السخان الغاز لأنه محتاح ضغط ميه كويس عشان يقوم و يشتغل و لو ضغط الميه ضعيف, السخان الغاز مش هيقوم .
و أنا من رأيى و طبعا الرأى الأخير ليك, أنك تجيب سخان غاز فى الحمام و الكهرباء يبقى فى المطبخ, لأنك عشان تجيب سخان كهربا فى الحمام و يقضى الاستحمام, لازم يكون سخان كبير, بتاع 50 لتر و لا حاجة و ده هيبقى خراب بيوت فى الكهربا, لكن لو جبت سخان غاز فى الحمام, هيبقى بتاع 10 لتر و خلاص و تجيب بتاع المطبخ, سخان كهرباء 15 لتر, هيقضى الغرض و زيادة.
احنا عندنا, المطبخ في سخان كهربا و طوووووووووووول الشتا, الفيشة بتاعته محطوطة و حنفية المطبخ, خلاط عادى و والدتى اللى بتحتاجه فى أعمال المطبخ و بينزل ميه باردة و سخنة عادى و عمرها و ماحصلت, أن استهلاك الميه فى المطبخ كان كبير أوى لدرجة أنها خلصت المية السخنة اللى فى السخان و بدأ يجيب ميه ساقعة .
أما فى الحمام, عندنا سخان غاز 10 لتر يونيفرسال ديجتال -و أكيد اليومين دول فيه ماركات أحسن منه بكتير- ده ممتاز فى الاستحمام, لأنى قبل ما أدخل الحمام عشان أستخدمه, بشغل الموتور و بالتالى بيطلع ميه بضغط ممتاز يخلى السخان الغاز يقوم و بالتالى بيشتغل و خلال فترة الاستحمام اللى أنا فيها فى الحمام, الموتور بيشتغل و يفصل أتوماتيك لوحده حسب ضغط الميه و ده اللى بيحدده البالونة و الأتوماتيك بتاع الموتور و لما بخلص الاستحمام, بطفى الموتور .
حاجة تانية, لما بنيجى نشغل الغسالة الأتوماتيك, بنشغل الموتور, عشان يرفع ميه و الغسالة تاخد ميه زى ماهى عاوزه و مايضرش طرمبة المية بتاع الغسالة.
و زى ماقولتلك, البالونة هااااااااااااااااامة جدا لأنها بتحمى الموتور من أنه يكون شغال و الحنفيات مقفولة و بالتالى, الموتور ساعتها -لو فيه بالونة- هيفصل أتوماتيك, لكن لو مافيش بالونة, هيبقى عمال يخبط فى حيطة مصمتة و يا المواسير تفرقع, يا الموتور يتحرق.
كنت سمعت عن جهاز صغير كده, بيعمل عمل البالونة, اوعى تجيبه لأنه اللى أنا شفتهم كانوا صينى و أثبت فشله الذريع .
لو سيادتك قلقان من الكيعان اللى عندك, مش هتخسر حاجة, غيرهم و خلاص.
و ربنا ييسرلك أمرك و يهديك الى القرار السليم .
Maserati Quattroporteبسم الله الرحمن الرحيملقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)صدق الله العظيم
رقم العضوية : 12396
تاريخ التسجيل : 07Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
حد يا جماعة عارف اسعار المواتير اية؟
افضل مكان للشراء في الاسكندرية؟
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
شوف يا باشا , انا عندي نفس مشكلتك بالضبط , و اسمحلي اعرض لك المشكله و حلها :-
1- الشقه بالدور الرابع و عندنا موتور 1/2 حصان ماركه dab ايطالي ببالونه و اتوماتيك تم تركيبه منذ عام 1989 حتي الآن دون اي مشاكل علي الاطلاق عدا تغيير البالونه , ولكن نظرا للتوسعات السكنيه اصبحت المياه ضعيفه جدا لدرجه صعوبه سحبها بالموتور نظرا لضعف قدرته من ناحيه ثانيا انه ليس من نوع التحضير الذاتي الذي يستطيع سحب المياه اوبالبلدي ( مصها) من المواسير في حاله عدم وصولها للشقه بطبيعتها . مم سبب مشاكل كبيره لسنوات عديده من ناحيه تلف غسالات الأونوماتيك و الأطباق و ضعف ضغط سخان المياه الكهربي .
الحل : 1- محاوله تركيب الموتور اسفل العماره ( عند العداد) , لكن قوبل برفض قاطع من صاحب المنزل نظرا لخوفه و اعتقاده من انه سوف يعمل علي سحب المياه من السكان بالاضافه لضيق المساحه و الخوف من العبث .
2- الحل الآخر تركيب موتور جديد بقدره اكبر بنظام التحضير الذاتي , ووقع اختياري علي موتور dab واحد حصان ايطالي الصنع , وو ضعه بجانب الموتور الأصغر بحيث يعملوا مع بعض بحيث يتم تركيب الموتور الأكبر بحيث يسحب المياه اولا ثم يرسلها للموتور الأصغر الذي يقوم بشحن البالونه حتي ان يفصل الأوتوماتيك .
تم تنفيذ الحل الثاني وقمت بتركيب الموتور ين ( بنفسي) , مع ملحوظه عدم ضغط البالونه بالهواء نظرا لعدم جدوي ذلك حيث سيتم تركيبها بالشقه و ليس اسفل , مع ضبط ضغط الفصل عند 40 كيلوباسكال ( حوالي 2 بار) و التشغيل عند 20 كيلو باسكال حوالي ( 1 بار) .و كانت النتائج :-
المزايا : حدوث زياده ملحوظه ممتازه في ضغط المياه ناتج من قدره الموتور الكبير علي شحن البالونه بسرعه عن الموتور الصغير في زمن اقل , بالاضافه و نظرا لميزه التحضير الذاتي اصبح في حاله عدم وصول المياه للشقه اصبح انه يمكن سحبها بدلا من الانتظار ان تأتي و تذهب كيفما تشاء .
العيوب : زياده الضوضاء نظرا لتركيب المضخه بعيده عن مصدر المياه ( الماسوره العموميه )و دون الدخول في التفاصيل الهندسيه , وببساطه انه عند تركيب الموتور في الأسفل يكون الصوت هاديء جدا و كلما بعدنا عن مصدر المياه ازدادت الطاقه المطلوبه لسحب المياه حتي الشقه بالاضافه لضعف وصول المياه اصلا للشقه , يؤدي ذلك لحدوث ارتفاع بسيط في صوت الموتور . ويمكن التغلب علي ذلك عن طريق عمل صندوق خشبي مثقب للتهويه ووضعه علي الموتورين و هو ما اقوم بدراسته حاليا لتنفيذه ان شاء الله بعد رمضان .
- يحدث احيانا و عند وجود استهلاك كبير للمياه بالشقه بالاضافه لشده ضعف المياه , يحدث ان يظهر هبوط مفاجيء لضغط المياه و نفاذ المياه من البالونه و بذلك يجب الانتظار قليلا حتي بتم استعاده الضغط مجددا .
نصيحه : يفضل بل يلزم تركيب بالونه في حاله تركيب الموتور بالشقه حيث يتم الاعتماد عليها في عمليه ضخ المياه , اما لو تم الاستغناء عنها و الاكتفاء بالموتور فقط فستكون النتائج غير مرضيه , و اعتقد ان جهاز الفلوماك علي حد علمي يكون افضل في حاله التركيب بالأسفل.
- استعمال بالونه ايطالي الصنع و ليس صيني .
- عدم زياده ضغط المياه عن40 كيلو باسكال حتي لا يؤدي لتلف خلاطات المياه بالشقه .
- تركيب ( سكس بالف) عند خط السحب بالموتور بالشقه حتي لا يمنع ارتداد المياه وتفريغ شحن البالونه, و استمرار تشغيل الموتور دون جدوي .
* بالنسبه لأنواع المواتير فينصح بالايطالي نظرا للجوده العاليه و الخبره الكبيره , و بالنسبه للايطالي افضلهم كالبيدا و كان سعره منذ شهرين في شارع الجمهوريه 1180 و من التوكيل 1450 بعد الخصم , اما بالنسبه لي فانا اشتريت dab نظرا لتجربتي الشخصيه معه سابقا بالاضافه و كان سعره ايضا منذ شهرين 750 لكن المواصفات الفنيه اعلي من الكالبيدا , لكن الفرق ان اجزاء المضخه في الـ dab مصنوعه من ماده بلوميرات بلاستيكيه قويه اما الكالبيدا فمن النحاس , اعتقد الكالبيدا مناسب في حاله الاستخدامات الشاقه يعني استخدام صناعي او موتور عماره مثلا , اما باقي الأنواع( الايطاليه) مناسبه جدا للاستخدام المنزلي الفردي . و بالتوفيق .
zozoderaz سابقا
رقم العضوية : 12396
تاريخ التسجيل : 07Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
ما انا قولت لحضرتك , يفضل استخدام بالونه لو انت هتركبه في الشقه , عشان لو المياه ضعيفه , لموتور لن يستطيع بمفرده تلبيه احتياجات المياه .
zozoderaz سابقا
رقم العضوية : 12396
تاريخ التسجيل : 07Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
طيب مش الفلوماك دة بيقوم بدور البالونة
رقم العضوية : 12396
تاريخ التسجيل : 07Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
يعني في وجهة نظر حضرتك ايهما افضل الداب ولا الكالبيدا؟؟؟
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
الفلوماك مفيد في حاله تركيب الموتور عند العداد لأن ضغط المياه بيبقي شديد و بالتالي الموتور هيقدر يرفعه لحد الشقه عندك , يعني الموتور هيشتغل لما تفتح الحنفيه و يفصل لما تقفل الحنفيه .
اما في حاله تركيب الموتور في الشقه , فلو ركبت الفلوماك معاه , مش هتلاحظ في فرق لماذا؟؟؟ لان ضغط المياه ضعيف و بالتالي الموتور لو اشتغل عند فتح او غلق الحنفيات مش هيقدر يلبي علي علي معدل استهلاك المياه .
لذلك البالونه افضل لو هتركب الموتور في الشقه , لان الموتور سيقوم بتعبئتها بالمياه حتي ضغط معين و بالتالي هي التي ستقوم بتغذيتك بالمياه في حاله فتح الصنبور و الموتور هيشتغل عند نقصان ضغط المياه فقط عند حد معين عشان يعوض الفرق.
يعيب البالونه كبر الحجم , لكنها اكثر اعتماديه و كفاءه .
zozoderaz سابقا
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
والله ده شيء يرجعلك , افضلهم الكالبيدا , لكن هناك انواع ايطالي كتيره في السوق زي الساير و البيدروللو و لاورا و كوميت والداب ....الخ , و انا اختياري كان ( داب ) نظرا لتجربتي السابقه معاه و الممتازه , و عامه الفروق ما بتبقاش كبيره قوي , بس ابعد عن الصيني , عامه انزل السوق ولف فيه شويه و اسأل عشان تقتنع .
zozoderaz سابقا
رقم العضوية : 12396
تاريخ التسجيل : 07Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
انا في حيرة شديدة جدا الكالبيدا اسم محترم وتقريبا دة الوحيد المضمون انه مش مضروب
الباقي الله اعلم ماركات ايطالي مش مشهورة فممكن تكون مضروبة
المفضلات