الموضوع: ينفع يبقى فيه جيش للإتحاد العربي ؟

بسم الله الرحمن الرحيم

السلام عليكم ورحمة الله وبركاته

اولا انا عايز اقول اني بكتب الموضوع ده وانا ما زلت في انتظار عم الأراجوز القذافي اللي الحقيقة قايم بالواجب في تسلية الشعوب العربية ربنا ينتقم منه على اللي بيعمله .... انا كل ما اتخيل انه احنا كان بيحكمنا محموعة من الحكام بالعقليات الفذة دي أتأرق واقول سترك يا رب ..

وانا بقلب في القنوات الإخبارية وجدت ان تونس فتحت المعابر للإخوة الليبين للدخول بدون ولا اقامات ولا باسبورتات ولا الهوا بيتعاملوا مع بعض كأنهم اخوة .. وكمان احنا هنا في مصر اعتقد في احلك الظروف التي بنمر بيها دي احنا ما زلنا محافظين على نفسنا ولله الحمد وجامعين شتاتنا وكمان بنرسل المساعدات للإخوة في ليبا اللي بيعانوا ..
فكرتي كانت كلاتالي
انا يوم لما شفت قرار التنحي صدر كانت فرحة عربية عارمة بتطوف ارجاء الوطن العربي ويكأن الناس كلها قد افاقت من اللي حنا فيه وكلو كان سعيد حتى في السودان الجزائر تونس الأردن سوريا السعودية الكويت البحرين الإمارات وبالنسبة لقطر مسمعتش تصريح ولا كأنهم هنا اصلا .. بغض النظر .. والنهاردة لما سمعت انه في مظاهرات مصرية للتنديد امام السفارة الليبية بما يحدث في هذه الأيام وبالفرحة العربية بزوال الغم عن معظم ارجاء الوطن صدقوني لو قلت اني فرحت ليس لأني مصري بل لأني عربي ... فرحت لما لقيت الملك عبد الله (خادم الحرمين الشريفين ) في تصريحات قوية لدعت الإقتصاد المصري بكافة السبل والوسائل وانه مفيش مستثمر سعودي ها يسحب حاجة وكانت كذلك نفس التصريحات من الكويت و والإمارات بأنه في حالة الغاء المعونة من الجانب الأمريكي سيتم دفع 5 اضعاف المعنة التي كانت مقدرة بـ 1.5 مليار دولار الى 5 مليار دولار من جانب هذه الدول الثلاث حسيت انه ما زال جوة العرب سبيل للوحدة ...
فطرأت في دماغي فكرة كانت موجودة عندنا كلنا منذ قديم الأزل الا وهي فكرة الإتحاد العربي .... في ظل الظروف الحالكة الي بنمر بيها كان فيه كاتب معروف ولكن لا يحضرني اسمه الحقيقة اللي كان بيقول انه في حالة توحيد الإقتصاد العربي كالإقتصاد الآروبي فتأكدوا من عدم حدوث اي انشطار في الدواخل المالية لتلك البلاد ها يفرق معانا كتير الموضوع في كل الدول العربية وجعل البلاد العربية كلها زي اوروبا العبور فيها مفتوح اعتقد انه ده ها يبقى صعب شوية في الفترات اللي بنمر بيها حاليا ولكن اضعف الإيمان الا وهو توحيد الإقتصاد مثلا .. او انشاء جيش عربي وهو جيش الإتحاد العربي وهو مثلا خلينا نقول ها يبقى عبارة عن 2.5% من كل جيش في الوطن العربي ومهمته ليس القتال ولكن حفظ الأمن في الحالات اللي احنا فيها زي دي يعني مثلا لما نشوف الحالة المتردية في ليبيا .. اكيد مفيش حد ها يستنى لحد ما نشوف التدخل الإيطالي او الفرنسي وها نكون سعداء انهم جم يحلولنا مشاكلنا دي ها تبقى كارثة وها تبقى القشة دي هيا نفسها التي قصمت ظهر البعير ... التدخل الأجنبي ف يالوطن العربي امر مرفووووض مرفووووووووض مرفووووووووض ولكن انا عارف انه كل دي طموحات تتعدى الخيال ذات نفسه ولكن هيا ايماءات مني لتخيل كيف كان ليكون الوضع في حالة كنا مجتمعين ومتحدين على كلمة رجل واحد ..... هيهات هيهات وشتان ما بين ما نحن فيه وما كنا لنكون فيه ... ناس ها تقول ده مجنون وبيطالب بأمور مستحيلة في الوقت الراهن .. وغيره وغيره ولكن انا مش بأطالب بحاجة نهائيا الآن ولكن انا مجرد بفتح الموضوع للنقاش كيف كان ليكون الوضع ؟؟؟ هل كان ها يفرق كتير ام انه هوة هوة !!! كيف كان ليكون الوضع ووجود جيش عربي الآن في ليبا ليحل الموضوع بدون التدخل الأجنبي !! كيف كانت لتكون التصريحات الأجنبية كل شوية بأنهم همة اللي ها يتدخلوا اولم ليكن لنا في الحسبة نظرة لو كنا مجتمعين ... اترك سبل الرد اليكم انتم ...
والله ولي التوفيق ..