حسبى الله و نعم الوكيل .... اتنصب علية فى نص مرتبى و انضممت الى صفوف العاطلين ..

السلام عليكم ....

مش عارف ابدأ ازاى او اقول ايه غير كلمة حسبى الله و نعم الوكيل .....
" وفى السماء رزقكم و ما توعدون "
طبعا اللى متابع احوالى اكيد عارف ان كان فى شوية مشاكل كده فى شغلى قصدى مرمطتى الشهرين اللى فاتوا و الانأح من كده ان هذة المرمطه انتهت بمحاوله عدم اعطائى راتب شهر يناير حتى يوم 20 فبراير بدون ابداء اى اسباب وسط فرار عدد كبير من العماله من الشركة التى اعمل بها .... و لما حاولت بقى اروح لصاحب الشركة و اتكلم معاه الاقيه مشغل اليوتيوب و بيتفرج على مشاهد الثورة و بيقول للسكرتيرة هانم انه عندة اجتماع و مش فاضى فطبعا انا كان هيجلى فتاء ... و سبحان مين صبرنى و فهمتها ان مش جاي تانى الا لما اخد مرتبى المهم رحت بعديها بيومين لاقيته ماضيلى شيك المرتب الاساسى بس بالعافية و نصب عليه فى 15 يوم اللى اشتغتلهم و الناس كلها واخدة سلف ربع المرتب و اذا كان عاجبك .... و حسبى الله و نعم الوكيل فى كل انسان يقبل يأكل عرق موظف عندة...

معلش نكدت عليكم شوية بس معنديش حد افضفض معاه الا انتم .....

مش عارف أقولك أية بجد . بص فى الشركة عندنا قالك الخيار الوحيد تشتغل يومين فى الاسبوع و 5 ايام اجازة و تخفيض المرتب الى 50 بالمائة و كمان بحد اقصى 1000 جنية ز الدنيا باظت خالص و البلد واقفة و موظفين كتير جدا كانو عاملين قروض مع عدة بنوك سواء قرض لسيارة زيرو او قروض شخصية و مش عارف المخرج اية

انت قلتها حسبي الله و نعم الوكيل

و كن علي ثقه ان ربنا مش هيضيع حقك و انه سبحانه هو اللي بيده الرزق

لك الله يا حسام

وربنا على كل صاحب عمل
يستحل عرق الناس

حسبى الله ونعم الوكيل

حسبى الله ونعم الوكيل

ان شاء الله ربنا هيعوضك من حيث لا تحتسب

انا نفس الموضوع_ليا 900 جنيه مرتب شهر_وما أخدتهمش _وبقالى شهر قاعد فى البيت_بدور على شغل_انا خريج نظم معلومات_وآخر حاجة كنت شغال فى الزفتة فودافون _الله يحرقهم بجاز_لو حد قدامة شغلانة ليا يقول أحسن شكلى بقى وحش جدا فى البيت

الحال من بعضه يا صاحبي
انا بقبض 30% من الراتب بداية من شهر فبراير لحين اشعار آخر

ربنا يصبرك و حسبي الله و نعم الوكيل
انا برضو لي صحابي لسة متخرجين و يا دوب لقو شغل و ما صدقو اشتغلو و الشركة مشتهم و قعدو في البيت

يا جدعان انا فاتح بيت و عندى زوجه و اولاد شكلى كده هعمل ثورة عائلية قريب

عادي ،انا برضك قاعد في البيت بقالي شهر ومش عارف هنقبض ولا بخ وعليا ديون للبنك

والاهم من دا كله اشتراك النت قرب يخلص وشكلكوا هتوحشوني كمان

بس عادي علي الكل ، انا مش بحسبن علي صاحب الشغل لاني محاسب وعارف الي فيها يعني بصراحة الي يدي نص المرتب اليومين دول يبقي راجل كريم وربنا يكتر من حسناته ،الدنيا واقفة

اقتباس:

---

المشاركة الأصلية كتبت بواسطة waleedraafat

عادي ،انا برضك قاعد في البيت بقالي شهر ومش عارف هنقبض ولا بخ وعليا ديون للبنك

والاهم من دا كله اشتراك النت قرب يخلص وشكلكوا هتوحشوني كمان

بس عادي علي الكل ، انا مش بحسبن علي صاحب الشغل لاني محاسب وعارف الي فيها يعني بصراحة الي يدي نص المرتب اليومين دول يبقي راجل كريم وربنا يكتر من حسناته ،الدنيا واقفة

---

بص على الموضوع دة كدة
http://www.nilemotors.net/Nile/202669-a-3.html

ربنا معاك و يصبرك

ربنا يقويك
فلما ضاقت و استحكمت حلقاتها فرجت

هتفرج قريب ان شاء الله

بس انا عندي اقتراح لأدارة المنتدي بعمل قسم للسير الذاتيه بحيث اي حد ممكن يرفع السيرة الذاتيه بتاعته و نساعد بعض لو فر فرص شغل

اطلع يا باشا على وزاره القوى العامله وخد معاك كل اصحاب اللى معاك فى الشركه اللى حصل معهم كده..... ها يطلب منك كتابه طلب رسمى....ونص ساعه وشوف اللى ها يحصل...صاحب الشركه ها يتظبت لان اليومين دول الحكومه مش عاوزه اى قلق
والمجلس الاعلى مفيش عدده هزار ولا واسطه...........وياريت توضح انه فصل تعسفى مع عدم صرف المستحقات الماليه

روح بكره ..........وادخل وقولى اى اللى حصل

اقتباس:

---

المشاركة الأصلية كتبت بواسطة abo_farah

اطلع يا باشا على وزاره القوى العامله وخد معاك كل اصحاب اللى معاك فى الشركه اللى حصل معهم كده..... ها يطلب منك كتابه طلب رسمى....ونص ساعه وشوف اللى ها يحصل...صاحب الشركه ها يتظبت لان اليومين دول الحكومه مش عاوزه اى قلق
والمجلس الاعلى مفيش عدده هزار ولا واسطه...........وياريت توضح انه فصل تعسفى مع عدم صرف المستحقات الماليه

روح بكره ..........وادخل وقولى اى اللى حصل

---

بالظبط لانى كنت فى القوى العاملة بقدم ورقى قالولى انهم بياخدو طلبات للناس الشغالة وصحاب الشركات مادفعلهمش المرتب
روح وربنا يكرمك
هنعمل اية هية طبلت على الكل سواء الشغال بيمشى واللى مش لاقى شغل مش هيلاقى

اقتباس:

---

المشاركة الأصلية كتبت بواسطة AbO_FaRaH

اطلع يا باشا على وزاره القوى العامله وخد معاك كل اصحاب اللى معاك فى الشركه اللى حصل معهم كده..... ها يطلب منك كتابه طلب رسمى....ونص ساعه وشوف اللى ها يحصل...................................

---

السلام عليكم و رحمة الله و بركاته

الكلام ده فعلا صحيح و الحكومة اليومين دول, أهم حاجة عندهم أنها تمتص غضب الناس و مش عاوزه لا تجمعات و لا تظاهرات و لا الكلام ده.

الكلام ده أنا عرفته, لما خالى اللى شغال مهندس فى شركة ليسيكو, قاللى, أن العمال هناك كانوا متظاهرين و موقفين الشغل 3 أيام و صاحب المصنع بيتحايل عليهم أنهم يشتغلوا و هما لا الدموع, لحااااااااااااااااد ما جه ناس من الجيش و قعد معاهم و شاف طلباتهم و نقلها لأصحاب المصنع و لبى كتييييييييييير أوى من طلباتهم و مرتباتهم زادت و الدنيا بأت زبادى فى الخلاط بالفراولة :w6266d.

معلشى دى ضريبه الثوره و الحريه
وشده و تزول
و فى الولاد الام بتتألم و الطفل بيتألم ....بس هذا لا يعنى ان نتائج عملية الولاده جميله

اقتباس:

---

المشاركة الأصلية كتبت بواسطة khaled_sabry

معلشى دى ضريبه الثوره و الحريه
وشده و تزول
و فى الولاد الام بتتألم و الطفل بيتألم ....بس هذا لا يعنى ان نتائج عملية الولاده جميله

---

قصدك بس ده لا يعني ان النتائج غير جميلة

والله يا استاذ حسام مش عارف اقولك ايه كلامك هزنى وقلقنى عليك وعلي مستقبلنا .. بالذات عشان ف رقبتك اولاد .. بس بغض النظر عن كل ده انت من زمااااان لما قلتلنا انا داخل للإداره و هاشتكيلهم قلتلك اطلع علي مكتب العمل وقدم شكوى انت موظف محترم ولا يجوز فصلك فصل تعسفى وأدي الاخوة هنا أكدولك نفس الكلام .. وبما اننا نفسنا بلدنا تتصلح يبقى لازم نبدأ بنفسنا .. اتحرك وطالب بحقك وان شاء الله تفرج وأهم حاجه تطمنا عليك أول بأول

انا شغال فى أحد فروع احدى الشركات العالمية فى مصر ولينا مصانع كتير و عمالة كتير فى مصر ...... ولأول مرة من 1978 وقت انشاء هذا الفرع تقوم شركتنا باقتراض مبلغ مالى كبير من الشركة الأم لتستطيع دفع راتب العمال و الشركة الأم قررت ان لن تقوم بالاقراض لفروعها فى مصر مرة أخرى لتزايد الخسائر حتى اذا أدى ذلك لتخفيض العمالة للنصف واغلاق معظم المصانع فى مصر إذا استمر نزيف الخسائر وحالة عدم الاستقرار. ربنا يستر

لا اله الا الله ربنا يستر

ربنا يعوض عليك و يرزقك من حيث لا تحتسب

انا مش عارف هكمل مرتبات الناس اللى عندى ازاى
انا ممشتش حد ولا قللت مرتبات بس انا خلاص قربت اجيب اخرى والله العظيم اتداينت عشان اكمل المرتبات
بس انا متفاءل
بسم الله الرحمن الرحيم
(ان مع العسر يسر) صدق الله العظيم