حــــصـــريـــاُُ لــنايل مــوتورز دليل لادا 2107

**a7madramadan** · 22-02-2011 06:43 PM

السلام عليكم ورحمة الله وبركاته

حصريا لأعضاء المنتدى الكريم ...

إيفائا بوعدي للإخوة الكرام أنا أخدت صورة للدليل لعدم توفر سكانر عندي نهائيا .....

تم التصوير بكاميرا موبايل نوكيل N95 والكاميرا 5 ميجا بيكسيل ووضع التصوير Close-Up

ودي عينة بسيطة

لو في صورة محتاجة إعادة التصوير برجاء إعلامي برقمها وهأصورها تاني ان شاء الله

ولو أي حد محتاج يصوره مني أنا فالإسكندرية وتليفوني موجود في صفحتي بالمنتدى هنا

وأخيرا وبدون إطالة لينك التحميل للصور

MEGAUPLOAD - The leading online storage and file delivery service

وجاري عمل فــايل PDF وسيتم رفعة الليلة ان شاء الله

**abokoko** · 23-02-2011 02:01 PM

سؤال ل حضرتك عن ال لادا

انا كنت عملت بيه موضوع لكن لم احصل على الرد الذى اريده

ترموستات الكوعه -- الميكانيكى -
انا كنت لغيته
لو حبيت ارجعه
هو بيباع مع الكوعه -- انا كنت غيرت الكوعه فاضيه وكانت ب 25 جنيه تقريبا -
ولا انا اشتريه هو لوحده واركبه فى الكوعه اللى راكبه
وعايز اعرف الانواع و الاسعار
وكمان اعرف ازاى انه غال كويس

**a7madramadan** · 23-02-2011 11:02 PM

أنا ما أعرفش والله موضوع الترموستات ده لإن خبرتي متوسطة وعربيتي أول عربية ليا وجايبها زيرو فمش دايس قوي في قطع الغيار كلها .... بس لو ده بتاع المروحة أعتقد انه رخيص لإن في كتير بيحلوا الترموستات ويركبوا المروحة عالموتور دايركت او بزرار من جوه ... فهتلاقيه منتشر اساسا عند بتوع الاستيراد وقطع الغيار المستعمل ..... واستنى رأي الخبراء برضه واعمل بيه موضوع جديد لو ما حدش رد هنا

ولو في استفسارات تانية اتفضل وانا فالخدمة على الي أقدر أو اعرفه

**amr5500** · 24-02-2011 11:28 PM

الف شكر علي المجهود الرائع
وفي انتظار ال pdf
جزاك الله خيرا
تحياتي

**a7madramadan** · 27-02-2011 10:57 PM

انا حالـــيا والله بأحاول أعمل الـــ PDF بأكثر احترافيه لإني كل ما انزل برنامج بيحول .Doc to .PDF بيحولهولي بحجم مش طبيعي يعني باتكلم في حوالي 195--269 ميجا ده الرينج الي بيطلعلي وطبعا مش طبيعي ومش منطقي ولما بأقلل الجودة بيبقى وحش جدا .... أنا بأحاول أشوف طريقة ثانية بس أنا والله مشغول بقالي يومين حتى مافتحتش المنتدى خــالص اليومين دول ..... وأول ما هيتم انشاء الفايل هأرفعه مباشرة هنا .... والله الموفق

**amr5500** · 27-02-2011 11:38 PM

المشاركة الأصلية كتبت بواسطة thediesel

انا حالـــيا والله بأحاول أعمل الـــ pdf بأكثر احترافيه لإني كل ما انزل برنامج بيحول .doc to .pdf بيحولهولي بحجم مش طبيعي يعني باتكلم في حوالي 195--269 ميجا ده الرينج الي بيطلعلي وطبعا مش طبيعي ومش منطقي ولما بأقلل الجودة بيبقى وحش جدا .... أنا بأحاول أشوف طريقة ثانية بس أنا والله مشغول بقالي يومين حتى مافتحتش المنتدى خــالص اليومين دول ..... وأول ما هيتم انشاء الفايل هأرفعه مباشرة هنا .... والله الموفق

شكرا اخي الكريم
علي مجهودك وخد وقتك
تحياتي

**a7madramadan** · 28-02-2011 02:13 AM

بعد محاولات مريرة خلصت المهمة :)) ..... بإستخدام برنامج Nitro PDF Professional

لينك التحميل
http://www.megaupload.com/?d=ESCY5JSN

أتمنى الكل يستفيد ولو في أي صفحة مش باينة برجاء إبلاغي فورا عالموضوع هنا أو برسالة خاصة وهأصورها وأرفعها مرة تانية خلال دقايق من رؤيتي للرسالة/المشاركة إن شاء الله