بعد لقاء القوات المسلحه..ايه رأيكم النهارده فى كلام وزير الداخليه ؟؟

**Xander2010_Evo** · 23-02-2011 04:32 AM

الكلام ده منقول بالنص من رصد صح؟؟
ياريت حضرتك تشوفو لايف أفضل.

**medo_2060** · 23-02-2011 04:43 AM

طيب بالله عليكم كلام زى دا لما يتقال والناس تحس انهم بيتقرطسوا وخصوصا بعد كلام القوات المسلحه الممتاز امبارح .. ما المظاهرات هتزيد والدنيا هتولع تانى... خدوا لفه كدا وشوفوا تعليقات الناس فى كل حته نفس التعليقات الى كانت بتتقال بعد خطابات مبارك..
لازم يبقى فى حل مع الناس دى لاما يتشالوا ليسكت بقى لحد ما الفتره دى تعدى على خير
.. مش كل شويه واحد يطلع يستفز الناس ويبقالهم سبب وسبب مقنع كمان عشان يتظاهروا ونرجع نشتم فى الناس ونقول مش عايزين استقرار وكمان الجيش مش عايز مظاهرات تانى واحنا بنحترم كدا ونفسى مينزلش حد بس مع النظام بتاع التصريحات دى + أمن الدوله وتجاهل التعامل مع العالم دى.. كل دا هيخلى الدنيا تبوظ تانى
اتمنى القوات المسلحه تاخد رد فعل او توضيح تهدى بيه الناس بدل ما كل حاجه بتتاخد متاخره كدااااااااااااااااا

**cheetos_892005** · 23-02-2011 04:44 AM

المشاركة الأصلية كتبت بواسطة medo_2060

طيب بالله عليكم كلام زى دا لما يتقال والناس تحس انهم بيتقرطسوا وخصوصا بعد كلام القوات المسلحه الممتاز امبارح .. ما المظاهرات هتزيد والدنيا هتولع تانى... خدوا لفه كدا وشوفوا تعليقات الناس فى كل حته نفس التعليقات الى كانت بتتقال بعد خطابات مبارك..
لازم يبقى فى حل مع الناس دى لاما يتشالوا ليسكت بقى لحد ما الفتره دى تعدى على خير
.. مش كل شويه واحد يطلع يستفز الناس ويبقالهم سبب وسبب مقنع كمان عشان يتظاهروا ونرجع نشتم فى الناس ونقول مش عايزين استقرار وكمان الجيش مش عايز مظاهرات تانى واحنا بنحترم كدا ونفسى مينزلش حد بس مع النظام بتاع التصريحات دى + أمن الدوله وتجاهل التعامل مع العالم دى.. كل دا هيخلى الدنيا تبوظ تانى
اتمنى القوات المسلحه تاخد رد فعل او توضيح تهدى بيه الناس بدل ما كل حاجه بتتاخد متاخره كدااااااااااااااااا

المشاركة الأصلية كتبت بواسطة cheetos_892005

من الاخر بقا يا الوزراء يعرفو ازاي يتكلموا ويجيبو دلائل و يبطلوا الاستخفاف بعقولنا و يقولوا كلام منطقي و ردود فعل مناسبه للاحداث .....
يا يشتغلوا من سكات او يسكتوا ويشوفوا متحدث رسمي بيفهم ......
تحسهم كلهم سنه اولي مسؤليه .....بيخليك تكرهه و ممكن هو يبقي كويس ...

**medo_2060** · 23-02-2011 04:51 AM

المشاركة الأصلية كتبت بواسطة xander2010_evo

الكلام ده منقول بالنص من رصد صح؟؟
ياريت حضرتك تشوفو لايف أفضل.

لاحول ولا قوه الا بالله.. هو انتوا كل ما تشوفوا كلمه "رصد" او "الجزيره" تسيبوا الخبر وتمسكوا فى الكلمه دى
يا سيدى يعنى المواقع هتألف كمان فى كلام متذاع عالتلفزيون.. هو فى ايه نفسى افهم

**Mahmoud Saloum** · 23-02-2011 04:59 AM

لو الكلام ده اتقال يبقى وزير الداخلية سمك لبن تمر هندى. سياسى غبى . وزير شوربة. والمفروض ان اى حد يقوله ان اعلان نتائج التحقيقات المفروض تكون من النائب العام مش من وزير الداخلية. بس أنا أشك انه قال الكلام بالشكل ده لأن لو هوه قاله يبقى بيدعو الى مظاهرات عارمة ضده.

**dr-mohamed** · 23-02-2011 05:00 AM

بعد الموضوعين اللى اتكتبوا النهاردة في المنتدي والتمهيد للفتنة الطائفية
ربنا معاكي يا مصر

**dr-mohamed** · 23-02-2011 05:04 AM

المشاركة الأصلية كتبت بواسطة medo_2060

لاحول ولا قوه الا بالله.. هو انتوا كل ما تشوفوا كلمه "رصد" او "الجزيره" تسيبوا الخبر وتمسكوا فى الكلمه دى
يا سيدى يعنى المواقع هتألف كمان فى كلام متذاع عالتلفزيون.. هو فى ايه نفسى افهم

حضرتك شفت الكلام ده في التليفزيون وسمعته بنفسك ولا لا ؟؟؟؟؟؟؟
العضو قالك ده من رصد بالحرف وسئلك شفته ولا لا مردتش عليه

اه رصد كدابة
كدابة
كدابة

من شوية كاتبين حاجة حصلت عندي في البلد وانا بنفسي حضرتها واقسم بالله اللى كاتبينه كدب كدب كدب ومحصلش منه اي حاجة زي ما كتبوها ولما كتبت اللى حصل بالظبط حذفوا التعليق ومنعوا الدخول

**Mzeid** · 23-02-2011 05:16 AM

المشاركة الأصلية كتبت بواسطة tjp

قال انه هيشيل قانون الاطوارىء وده كويس
وقال جهاز أمن الدولة جهاز وطني ولا غنى عنه وهو موجود في العالم كله... جميل والله وفيه الناس لا تحتاج الى قصافة اظافر وبيعلم الناس انها تصاحب الكلاب الوولف وبيعودهم على استحمال الكهرباء والتيارات العاليه واذا عاشوا بعدها يبقوا رجاله كل دى مزايا والله ياجماعه

جهاز امن الدولة لا غنى عنه لمواجهة الارهاب و القضايا المهمة زي خلية حزب الله و غيرها
أنما للأسف احنا كرهناه علشان بقى يستخدم ضد المواطنين نفسهم لما حد يحب يعبر عن رأيه