بعد لقاء القوات المسلحه..ايه رأيكم النهارده فى كلام وزير الداخليه ؟؟

**medo_2060** · 23-02-2011 01:45 AM

كلنا شوفنا لقاء القوات المسلحه على العاشره مساء.. والناس مبسوطه من كلامهم وتوضيحهم لنقط كتير..
--------
النهارده برنامج مصر النهارده عمل اول حوار مع وزير الداخليه الجديد محمود وجدى..
ايه رأيكم فى كلام الراجل دا ؟

وللى مشافش اللقاء دى النقاط الى اتكلم فيها :

جهاز الشرطة أدى ما عليه من يوم 25 إلى 28 يناير رغم حدوث بعض الاحتكاكات...
الداخلية تلقت خلال الأحداث أقوى ضربة في تاريخها...
لا يجوز استخدام الغاز المسيل للدموع إلا في المرحلة قبل الأخيرة ولا يجوز استخدام الرصاص الحي اطلاقا في مثل هذه الأحداث...
قد تكون الشرطة استخدمت رصاص حي ضد المتظاهرين نظرا لوجود عناصر استخدمت العنف...
بعض العناصر اندست بين المتظاهرين واستخدمت السلاح..

يوم موقعة الجمل كان هناك عناصر على أسطح العمارات مسلحين ويتكلمون لغات أجنبية ...

وزير الداخلية ينفي تورط أي من عناصر الشرطة والمخبرين وأمناء الشرطة في أحداث موقعة الجمل ...
حالة الفوضى التي شهدتها مصر كانت أشد من حرائق القاهرة في يناير 1952...
سرقت من الشرطة 6 آلاف قطعة سلاح متنوعة تم استعادة 3000 منها...
من له مصلحة في حرق أقسام الشرطة إما مجرم سياسي أو جنائي
المساجين يعرفونني منذ عملي في إدارة السجون ويثقون في نزاهتي وبناء على ذلك اطالبهم بتسليم أنفسهم وأعدهم بالعفو أو الإفراج الشرطي في أقرب فرصة...
أنا ضد الطوارئ وأطالب بإلغائها والقانون العادي كفيل بالتعامل مع القضايا دون وضع قيود على الحريات...
الشرطة في خدمة الشعب واجب وليس شعار...
"زي ما كنا بنقول للناس الشرطة دول إخواتكم لازم عناصر الشرطة يعرفوا إن المواطنين أهاليهم"، وسيتم تدريبهم على ذلك
لا يلجأ للعنف مع المجرم إلا الضابط الفاشل أو الضعيف
سيتم تدريب طلاب الشرطة على التعامل المحترم والحصول على الاعترافات دون عنف...
أبلغت شرطة النجدة أنني سأتابع الاستجابة للاستغاثات التليفونية من المواطنين بنفسي.. وإذا لم يتم الرد خلال 3 مكالمات سيتم عقاب المقصرين...
جهاز أمن الدولة جهاز وطني ولا غنى عنه وهو موجود في العالم كله...
هغير لبس الشرطة كله ولكنني أحتاج لخطة ووقت...
من ضمن أسباب الإحتقان إن أفراد الشرطة يوقفوك وياخدوا اللي في جيبك...
أوقفت التحصيل الفوري لمخالفات المرور نهائيا...
لم أصدر قرارات اعتقال من أول يوم استلمت فيه الوزارة...
لا يوجد لدينا أو لدى القوات المسلحة شباب محتجز أو معتقل...
بدو سيناء يتعرضوا للعنف والظلم من الشرطة...
سأفرج عن كل معتقلين سيناء خلال أيام .. سواء سياسيين أو جنائيين
----------

**تامر.محمد** · 23-02-2011 01:50 AM

كذاب آشر

**فتح الباب** · 23-02-2011 02:00 AM

قال انه هيشيل قانون الاطوارىء وده كويس
وقال جهاز أمن الدولة جهاز وطني ولا غنى عنه وهو موجود في العالم كله... جميل والله وفيه الناس لا تحتاج الى قصافة اظافر وبيعلم الناس انها تصاحب الكلاب الوولف وبيعودهم على استحمال الكهرباء والتيارات العاليه واذا عاشوا بعدها يبقوا رجاله كل دى مزايا والله ياجماعه

**aminibrahim** · 23-02-2011 02:00 AM

شيخ عرب ومش ها ينفع

**hobiko** · 23-02-2011 02:07 AM

الكلام في مجمله كويس

ما عدا كلامه عن الثورة و موقعة الجمل

السؤال بقى ..... الكلام إلي مش عجبنا دة رأيه ........ ولا دة نتيجة لجنة تقصي الحقائق ؟؟؟؟؟؟؟؟؟؟

لو رأيه ....... هو حر

لو نتيجة تحقيقات اللجنة ........... أنا نازل في أول مظاهرة و حناملهم في التحرير

**ahmedjumpo** · 23-02-2011 03:17 AM

يا حماعة يا ريته ما اتكلم نفس الكلام الكاذب و نفس النبرة حضرته بيقول انه كان هناك عناصر على أسطح العمارات مسلحين ويتكلمون لغات أجنبية هل ساعدته كان باعت حد يسمعهم و طالما انها عناصر اجنبية لماذا لا يقبض عليها و يتركها تقتل فى الناس
لا و بيقولك الشرطة قامت بواجبها يومى 25 و 28 يناير لا فعلا هو صدق فى ديه حيث قامت بواجبها فى قتل و دهس الناس بالعربيات و بضرب الرصاص الحى على العزل و اللى عايز يتفرج يخش يتفرج على اليوتيوب
اما كلامه الجميل عن انه لا يوجد لدينا أو لدى القوات المسلحة شباب محتجز أو معتقل طب نصدقك و لا نصدق رئيس الوزراء اللى بيقول انه سوف يفرج عن المعتقلين
اد كده الناس ده حاسة ان الشعب ده ليس له قيمة و مازالوا يسخروا منه بالكذب و الخداع اد كده الناس ديه مستكبرة و لا ترى ان الشعب يستحق اعتذار من قبل وزارة الداخلية
اين المسئولين عن مقتل حوالى 365 شهيد حسب الاحصاءات الحكومية و لماذا لم يقدم الضباط و المسئولين الى اى محاكمات حتى الان
نصيحة اخيرة يا جماعة كله يجهز من الان و يريت يحضر شنتطته لان جهاز امن الدولة سيستمر فى قيامه بدوره الوطنى فى خدمة الشعب
و حسبى الله و نعم الوكيل بانت فعلا بشاير التغيير فى جهاز الشرطة

**moody1** · 23-02-2011 03:48 AM

اللواء محمود وجدى "اشرس" بكتير من حبيب العادلى!!!!!

**ghazy12** · 23-02-2011 04:24 AM

قناصه اجانب.. فوق الاسطح..!!! و هما اللي كانوا بيضربوا نار على المتظاهرين

طيب و القناصه اللي كانوا فوق سطح وزارة الداخليه... اجانب بردو..؟؟؟

هو كلامه بنسبة 30-40% كويس الى حد ما, لكن لا يرتقي لمستوى التطورات

لسه بردو ردود الفعل و التفسيرات بطيييييئه و عقيمه و غير حاسمه...

لحد امتى ؟؟؟؟؟؟؟؟؟؟؟؟؟؟؟

**cheetos_892005** · 23-02-2011 04:31 AM

المشاركة الأصلية كتبت بواسطة ghazy12

قناصه اجانب.. فوق الاسطح..!!! و هما اللي كانوا بيضربوا نار على المتظاهرين

طيب و القناصه اللي كانوا فوق سطح وزارة الداخليه... اجانب بردو..؟؟؟

هو كلامه بنسبة 30-40% كويس الى حد ما, لكن لا يرتقي لمستوى التطورات

لسه بردو ردود الفعل و التفسيرات بطيييييئه و عقيمه و غير حاسمه...

لحد امتى ؟؟؟؟؟؟؟؟؟؟؟؟؟؟؟

من الاخر بقا يا الوزراء يعرفو ازاي يتكلموا ويجيبو دلائل و يبطلوا الاستخفاف بعقولنا و يقولوا كلام منطقي و ردود فعل مناسبه للاحداث .....
يا يشتغلوا من سكات او يسكتوا ويشوفوا متحدث رسمي بيفهم ......
تحسهم كلهم سنه اولي مسؤليه .....بيخليك تكرهه و ممكن هو يبقي كويس ...