عاجل لاخواتنا في ليبيا , قافله طبيه هتتطلع الخميس بعد المغرب شارك

بسم الله الرحمن الرحيم

الحمد لله ربنا وفقني النهارده و بالاصاله عن اطباء التحرير في تزويد قافله طبيه متجهه الي الشعب الليبي

الاوضاع في المستشفيات الليبيه مؤسفه و عدد المصابين و المرضي يزيد عن طاقات الاطباء و الخامات و الادويه

حاليا في قافله اخري هتتجه يوم الخميس بعد المغرب

القافله هدفها السلوم

مطلوب الاتي:

ادويه و مستلزمات جراحيه (و دي هذكرها بعد شويه )

اطباء استشاريين جراحه

بكرر ربنا يجازي كل طبيب اجر كل مصاب يتم انقاذه, الناس هناك محتاجيين اطباء جراحه بصفه عاجله

لو حد يعرف اطباء جراحه يتفضل يبلغهم , المكان هيكون السلوم علي حدود مصر و في حمايه الجيش المصري ان شاء الله و طبعا ربنا فوق كل شيء

ارجوكم محدش يكسل عن الطلب ده تحديدا

اما بالنسبه للادويه و المستلزمات:

antibiotics: injections + penicillin v

corticosteriods: injections

betadine

adrenaline, atropine, salbitamol

lidocaine injection

lasix

analgesics: injections

insulin ( يجب وضعه في ايس بوكس و معاه كميه محترمه من التلج لأنه لو دفي يبقي باظ برجاء الحرص التام للمعلومه دي)

tetanus vaccines if available

epilat, nitroglycerine

جميع انواع كريمات الحروق

بالنسبه للمستلزمات الجراحيه:

ماسك ابر

بيك اب

ارتري فورسيبس

خيوط جراحيه

جل فوم

رباط ضاغط

مقصات

سرنجات 5و 10و 20 سم

جوانتيات

غيارات شاش طبي قطن بلاستر طبي

cannulas+ lines+ solutions ( glucose- ringer- saline)

بالنسبه للمستلزمات الجراحيه فالاحسن انكم تنزلو تشتروها من المحلات اللي قدام القصر الفرنساوي اسعارها ارخص هناك بكتير عن الصيدليات

القافله الاخري هتتحرك يوم الخميس بالقرب من جروبي وسط البلد

لو هتقدر تلم فلوس من عمارتك تبرعا لاخواتنا في ليبيا و تنزل تشتري الحاجات دي يبقي انقذت ارواح

الموضوع فعلا خطير و المتابع للقنوات الفضائيه هيعرف الوضع عامل ازاي هناك

برجاء نشر الموضوع قدر الاستطاعه في جميع المنتديات و الصفحات

نمرتي 0122747218
انا اسمي امير عادل محمد طبيب اسنان
لو هتجمع فلوس بكره او بكره و بعده برجاء شراء الحاجات اللي قلت عليها و انا ساكن في مدينه نصر ممكن تخلي الحاجات معاك ليوم الخميس او نتفق نتقابل و تسيبهالي وا نا هوديها

الموضوع مش نصب او سرقه الله يلعن اللي يسرق فلوس رايحه لمصابين

اطمنو من ناحيتي و من ناحيه ان الادويه بأذن الله هتوصل لمستحقيها

برجاء نشر الرساله دي قدر الامكان و التعامل مع الموضوع بصفه عاجله

ربنا يجزيكم خير يا امير

وياريت الاعضاء اللى حيقدروا يساعدوا اخونا العرب الليبين يتجابوا مع تلبية النداء على وجه السرعة عشان مفيش وقت

وان لم تستطع يبقا نتوجه اليهم بالدعاء دائما ان ربنا ينصرهم ويعفوا عنهم الغم

وربنا يشفى كل مصاب ,ويجعل مثوى شهدائهم الجنة باذن الله

وحكلمك للتنسيق معاك عشان اقابلك يا امير يوم الخميس باذن الله

القافله هتتحرك بكره ان شاء الله بعد صلاه المغرب كده

لو حد عايز يشارك يبقي قبل الوقت ده علشان الحق اوصل الحاجه ليهم

و لو تعرفو استشاريين جراحه عامه يشاركو في العمل في المستشفيات هناك في السلوم لأن في حاجه ليهم قصوي هناك

جزاك الله خير يادكتور امير وان شاء الله هحاول انشر الرسالة علي قدر ما استطيع
ربنا يجعله في ميزان حسناتك

ربنا يبارك فيك يا امير انت انسان محترم و تستاهل كل خير
و ربنا مع كل اخوتنا الاحباء في ليبيا

بارك الله فيك د أمير
اللهم انصر اخواننا المستضعفين فى ليبيا
اللهم كن لهم ناصرا و معينا