خبر عاجل

**devilishtigers** · 23-02-2011 09:18 AM

خبر عاجل لسه شايفه في شريط الاخبار على القناة الاولى واتاكدت منه
السعوية ارسلت سفينة محملة بغاز البوتاجاز هدية ومساعدة للشعب المصري
المصدر
ط§ظ„ط³ط¹ظˆط¯ظٹط© طھظ‡ط¯ظ‰ ظ…طµط± ط³ظپظٹظ†ط© ط؛ط§ط²

**mr_vampire** · 23-02-2011 01:56 PM

ههههههههههههههههههههه طب مايبعتولنا هدية ناشفة في صورة اوراق مالية من الفئات الكبيرة واحنا نشتري هدايانا بمعرفتنا.

قال غاز بوتاجاز قال ايه ياسعودية ماتظبطي الاداء كدة معانا.

بس الخبر الاهم بقي اللي سمعته ( بس مش متاكد منه ) ان الرئيس ( المتعلم عليه ) المخلوع سافر يتعالج فالسعودية من سرطان البنكرياس.

فما ان لا شماتة فالمرض فربنا يشفيك ياحسني ويطول عمرك كمان وكمان وكمان وكمان عشان تتذل زي مازليت 80 مليون مواطن عايش وملايين ماتو خلال ال 30 سنة اللي طبقت فيهم علي نفسنا. قولو امين ياشباب

**MASERATI** · 23-02-2011 02:28 PM

السلام عليكم و رحمة الله و بركاته

ألف شكر و الله, ناس طيبين و ميه ميه .

بس, مش كان جحا أولى بلحم طوره

يعنى يبقى عندنا الغاز ده كله و اللى بنرميه لاسرائيل بالخسارة و ناخد مساعدة من السعودية, طاب ما كانت الحكومة أحسنلها توصل الغاز للبيوت و يبقى زيتنا فى دقيقنا.

جاتهم الأرف, حوجونا للى يسوى و لسه هنحتاج للى مايسواش .

بس, أنا مش بالع حكاية أن الرئيس مبارك راح يتعالج فى تبوك فى السعودية زى ما الأخبار قالت, لأن على حسب علمى -لأنى كنت بشتغل فى تبوك لمدة 3 سنين- تبوك مافيهاش أماكن متميزة للعلاج من الحالات المرضية الحرجة دى.

**الصيداح** · 23-02-2011 02:35 PM

والله يا جدعان العرب دول فقدوا قائدهم مصر وكانوا كارهين حسني لأنه أفقدهم القائد مصر
لكن لما حسوا إن مصر هترجع تاني ظهر إنهم رجالة والله بغض النظر عن هذه السفينة بس فيه إجماع عربي
وخليجي بالذات على مساعدة مصر ماديا في الفترة القادمة

**Amgad64** · 23-02-2011 02:37 PM

ياريت كانوا ادونا الخمس مليارات دولار اللى قالو لامريكا حيدوها لمبارك لو امريكا سحبت دعمها العسكرى , يا سيدى بلاش يدونا حاجه لله , ياريت الصندوق السيادى بتاعهم يشرى الاسهم من البورصه لما تفتح , يبقى ساعتها نفع واستنفع