السلام عليكم ورحمه الله وبركاته
اخوانى الكرام انا احمد حجازى من طنطا
انا نفغسى اشترى فورد فستااو كا او اسكورت عجبانى اوى اوى
بس فى واحد صحبى نصحنى وقالى اوعى مفيش غير تاجر قطع غيار واحد بس فى طنطا والاسعار القطع الغيار غاليه جدا
ممكن اعرف هى عربيه كويسه ولا لا
وحقيقى الاسعار غاليه
انا ممكن اشترى قطع الغيارمن القاهره بس مش كل يوم
وممكن اعرف اسعار الكا او الفيستا او الاسكورت تقريبا كام الموديلات الكويسه الى فيها
ياريت نصيحه شامله ووافيه
ادخل على اهم مواضيع القسم
يا جو اديلو المفيد وخلاص...عملت ايه متور والا عمره؟؟؟
ان شاء الله موتور بس لما تفرج
اخي العزيز اهلا بيك في المنتدي ويارب تستفيد من المنتدي وتفيد غيرك بالمعلومات والخبرات في اي مجال انتا تعرفو.
الفورد من العربيات الجميلة ولكن مظلومة في مصر كعادة العربيات النضيفة ولو انتا ادامك عربية حالتها كويسة توكل علي الله بس باكد عليك اهم حاجة الحالة النضيفة والاسعار الايام دي مش مستقرة فللاسف مش هعرف اقولك رنج السعر وقطع الاسعار غالية بس مش نار ذي مبعض الناس متخيلة بس معمرة جدا لو كانت اصلي او صناعة نضيفة .
وربنا يوفقك للخير
شكرا للاهتمام
انا لسه طالع من 128 يا جو و العربيه دى زقتها اكتر ما ركبتها بس لما كانت بتعطل كنت بجيب اى بليه من الشارع يصلحها
و انا مش فارقه معايا قطع الغيار الغاليه
لكن خايف احسن اجيب الفورد تقف منى فىالشارع و سعتها مش اى ميكانيكى هيقدر يشغلهالى صح ولا ايه افيدونىىىىىىىىىى
بص ياباشا انا كانت معايا فورد فيستا وعلى فكره عربيه ميه ميه وانا كنت بجبلها قطع الغيار من اسكنديه زى الرز هناك بس فعلا مشكلتها انها مش اى حد يفهم فيهاوده الى خلانى ابيعها واركب لادا عشان مش فاضى الف على الصنايعيه بس للامانه عربيه جميله وقطع غيارها رخيصه
يا سيدي نشكر العربيات الي خلتك تسال على اخوكاقتباس:
المشاركة الأصلية كتبت بواسطة mohamed9999
الفورد ملهاش في المقالب غير لما تبقي حاجة تقيلة يعني صعب تقف منك في الشارع غير لو فيها حاجة كبيرة و لو وقفت مش هايكون فيه ادامك حل غير انك تشدها لحد الميكانيكي بتاعها
قبل ما تقول انه مش فارق معاك موضوع قطع الغيار الغالية حدد الموديل الي انت عاوز تشتريه و لف و اسال على قطع غيارة و بعد كدة حدد اذا كانت هاتفرق معاك او لا
عموما ادخل على اهم مواضيع القسم و شوف المواضيع لو فيها اي حاجة ناقصة تحت امرك هادورلك عليها
انت حبيبى يا جو و انت عارف بس ال128 خلتنى اكره العربيات كل شوية الكوندنسر يضرب وكل شوية الابلاتين يلدع وحاجه تقرف
مفيش الكلام ده في الفورد خالص و مفيش اسبراتير اصلا هيا موبينة و دومتم